पोलिसांच्या आशीर्वादाने प्रवासाचा मार्ग सुकर
vinit.jangle@timesgroup.com
Tweet : @vinitjangleMT
ठाणे : शहराच्या कोणत्याही परिसरात ‘शेअर’ पद्धतीने धावणाऱ्या रिक्षांकडे नजर टाकल्यास नियमापेक्षा जास्त प्रवासी कोंबल्याचे सार्वत्रिक चित्र दिसून येते. कमी फेऱ्यांमध्ये जास्तीतजास्त नफा कमविणे या हेतूने शहरांच्या गल्लीबोळातून दामटवल्या जाणाऱ्या रिक्षा वाहतूक पोलिसांसह आरटीओच्या नजरेतून सुटतात कशा, हा संशोधनाचाच विषय आहे. विशेष म्हणजे, या शेअर रिक्षांच्या एकूण मार्गात विविध टप्प्यावर खाकीचा ‘शेअर’ ठरलेला असल्यानेच त्यांना अभय मिळत असल्याची चर्चा खुद्द रिक्षाचालकांमध्येच उघडपणे सुरू असते.
टीएमटीसारख्या सार्वजनिक वाहतूक व्यवस्थेचा पुरता बोजवारा उडाल्याने सर्वसामान्य ठाणेकरांना प्रवासासाठी रिक्षांवर अवलंबून रहावे लागते. त्यातच शहराच्या कानाकोपऱ्यातून प्रमुख भागात जाण्यासाठी शेअर रिक्षांचा पर्याय तुलनेने अधिक वापरला जातो. या बाबींचा फायदा उठवत मनमानी पद्धतीने शेअर रिक्षांच्या भाड्यात वाढ करून प्रवाशांची लूटमार केली जाते. मात्र सकाळी ठाणे रेल्वे स्थानकात जाण्यासाठी शहरातील नाक्यानाक्यावर शेअर रिक्षांसाठी लागणाऱ्या लांबचलांब रांगा प्रवाशांची असहाय्यता स्पष्ट करतात. त्यातूनच ऐन गर्दीच्या वेळी रिक्षाचालक स्वतः शेजारीच दोन अतिरिक्त प्रवासी बसवून रिक्षा चालवतात. त्यामुळे शहरातील रस्त्यांवरील खड्ड्यांची अवस्था पाहता एखाद्यावेळी अपघात घडण्याची दाट शक्यता आहे.
दरम्यान, ठाणे रेल्वे स्थानकाबाहेर रांगेच्या बाहेर उभ्या राहणाऱ्या अवैध रिक्षा चालकांची मनमानी पद्धतीने भाडे वसुली केली जाते. त्याबाबत काही दिवसांच्या वाहतूक शाखेच्या कारवाईनंतर हे प्रकार पुन्हा बिनदिक्कतपणे सुरू होतात. विशेष म्हणजे, ठाणे रेल्वे स्थानक परिसरातील वाहतूक शाखेच्या चौकीबाहेरच हे प्रकार सर्रास घडत असूनही वाहतूक पोलिसांचे या प्रकाराकडे लक्ष जात नसल्याने आश्चर्य व्यक्त करण्यात येते. याउलट रेल्वे स्थानक परिसरात प्रवाशांच्या सेवेसाठी दाखल होणाऱ्या ओला, उबेर या खासगी टॅक्सी सेवेच्या चालकांमागे चौकशीचा ससेमिरा लावण्यात येथील वाहतूक पोलिस कमालीची ‘तत्परता’ दाखवत असल्याचे दिसून येते.
महिलाही आघाडीवर
खास महिला रिक्षाचालकांच्या शेकडो अबोली रिक्षा ठाण्याच्या रस्त्यावर धावताना दिसतात. मात्र पुरुष रिक्षाचालकांच्या खांद्याला खांदा भिडवत त्याही रिक्षात अतिरिक्त प्रवासी बसवून ‘ओव्हरलोड’ रिक्षा चालवताना आढळतात.
(क्रमश:)
vinit.jangle@timesgroup.com
Tweet : @vinitjangleMT
ठाणे : शहराच्या कोणत्याही परिसरात ‘शेअर’ पद्धतीने धावणाऱ्या रिक्षांकडे नजर टाकल्यास नियमापेक्षा जास्त प्रवासी कोंबल्याचे सार्वत्रिक चित्र दिसून येते. कमी फेऱ्यांमध्ये जास्तीतजास्त नफा कमविणे या हेतूने शहरांच्या गल्लीबोळातून दामटवल्या जाणाऱ्या रिक्षा वाहतूक पोलिसांसह आरटीओच्या नजरेतून सुटतात कशा, हा संशोधनाचाच विषय आहे. विशेष म्हणजे, या शेअर रिक्षांच्या एकूण मार्गात विविध टप्प्यावर खाकीचा ‘शेअर’ ठरलेला असल्यानेच त्यांना अभय मिळत असल्याची चर्चा खुद्द रिक्षाचालकांमध्येच उघडपणे सुरू असते.
टीएमटीसारख्या सार्वजनिक वाहतूक व्यवस्थेचा पुरता बोजवारा उडाल्याने सर्वसामान्य ठाणेकरांना प्रवासासाठी रिक्षांवर अवलंबून रहावे लागते. त्यातच शहराच्या कानाकोपऱ्यातून प्रमुख भागात जाण्यासाठी शेअर रिक्षांचा पर्याय तुलनेने अधिक वापरला जातो. या बाबींचा फायदा उठवत मनमानी पद्धतीने शेअर रिक्षांच्या भाड्यात वाढ करून प्रवाशांची लूटमार केली जाते. मात्र सकाळी ठाणे रेल्वे स्थानकात जाण्यासाठी शहरातील नाक्यानाक्यावर शेअर रिक्षांसाठी लागणाऱ्या लांबचलांब रांगा प्रवाशांची असहाय्यता स्पष्ट करतात. त्यातूनच ऐन गर्दीच्या वेळी रिक्षाचालक स्वतः शेजारीच दोन अतिरिक्त प्रवासी बसवून रिक्षा चालवतात. त्यामुळे शहरातील रस्त्यांवरील खड्ड्यांची अवस्था पाहता एखाद्यावेळी अपघात घडण्याची दाट शक्यता आहे.
दरम्यान, ठाणे रेल्वे स्थानकाबाहेर रांगेच्या बाहेर उभ्या राहणाऱ्या अवैध रिक्षा चालकांची मनमानी पद्धतीने भाडे वसुली केली जाते. त्याबाबत काही दिवसांच्या वाहतूक शाखेच्या कारवाईनंतर हे प्रकार पुन्हा बिनदिक्कतपणे सुरू होतात. विशेष म्हणजे, ठाणे रेल्वे स्थानक परिसरातील वाहतूक शाखेच्या चौकीबाहेरच हे प्रकार सर्रास घडत असूनही वाहतूक पोलिसांचे या प्रकाराकडे लक्ष जात नसल्याने आश्चर्य व्यक्त करण्यात येते. याउलट रेल्वे स्थानक परिसरात प्रवाशांच्या सेवेसाठी दाखल होणाऱ्या ओला, उबेर या खासगी टॅक्सी सेवेच्या चालकांमागे चौकशीचा ससेमिरा लावण्यात येथील वाहतूक पोलिस कमालीची ‘तत्परता’ दाखवत असल्याचे दिसून येते.
महिलाही आघाडीवर
खास महिला रिक्षाचालकांच्या शेकडो अबोली रिक्षा ठाण्याच्या रस्त्यावर धावताना दिसतात. मात्र पुरुष रिक्षाचालकांच्या खांद्याला खांदा भिडवत त्याही रिक्षात अतिरिक्त प्रवासी बसवून ‘ओव्हरलोड’ रिक्षा चालवताना आढळतात.
(क्रमश:)