एक्स्प्रेसच्या धडकेने लोको पायलटचा मृत्यू

पालघर : सायडिंगला उभ्या करून ठेवलेल्या एक्स्प्रेसच्या इंजिनची तपासणी करण्यासाठी रेल्वेमधून उतरलेल्या लोको पायलटला बाजूच्या रुळांवरून जाणाऱ्या एक्स्प्रेसने धडक दिल्याने त्यांचा जागीच मृत्यू झाल्याची घटना रविवारी सायंकाळी बोईसर स्थानकात घडली.

बोईसर रेल्वे स्थानकात लोको पायलट उमेशचंद्र यांनी १९०१७ डाऊन सौराष्ट्र जनता एक्स्प्रेस साय‌ड‌िंगला उभी केली होती. संध्याकाळी सव्वासातच्या सुमारास उमेशचंद्र हे इंजिनच्या बाजूने पाहणी करत होते, इतक्यात बाजूच्या रुळांवरून जाणाऱ्या २२५९३ मुंबई – ऑगस्ट क्रांती या जलद गाडीखाली येऊन त्यांचा मृत्यू झाला. उमेशचंद्र हे वलसाड मुख्यालयाचे लोको पायलट होते.