लग्नानंतर नवरदेवाचा करोना अहवाल पॉझिटिव्ह; नववधूसह ६३ वऱ्हाडी क्वारंटाइन

पालघरः ग्रीन झोनमध्ये असलेल्या जव्हार तालुक्यातही करोनाचा प्रसार वाढत आहे. दोन दिवसांपूर्वी एका व्यक्तीचा विवाह पार पडला. मात्र, त्यानंतरच काही दिवसांत त्याचा करोची लागण झाल्याची धक्कादायक माहिती समोर येतेय. संबंधित व्यक्तीचा करोनाचा अहवाल पॉझिटिव्ह आल्यानंतर नववधूसह लग्न सोहळ्याला उपस्थित असलेल्या ६३ लोकांना क्वारंटाइन केले आहेत.

करोनाची लागण झालेली व्यक्ती एका प्रयोगशाळेत व्यवस्थापकिय म्हणून काम करतो. लग्नापूर्वी या व्यवस्थापकाची स्वॅब टेस्ट घेण्यात आली होती. मात्र तो अहवाल निगेटिव्ह आला. मात्र, लग्नानंतर त्याचा दुसरा अहवाल पॉझिटिव्ह आला. अशी माहिती जव्हारचे तहसिलदार संतोष शिंदे यांनी दिली आहे.

वाचाः विस्थापितांचे पुनर्वसन करा; कोयना धरणग्रस्तांच जेवण बंद आंदोलन

दरम्यान या व्यवस्थापकाचे लग्न मर्यादीत लोकांच्या उपस्थितीत पार पडले होते. त्यामुळे दवाखान्यात उपाचारासाठी आलेले रुग्ण तसेच लग्नकार्यासाठी जमलेली मंडळी यांनाही करोनाची लागण झाल्याची भीती व्यक्त होत आहे. स्वॅब घेतलेले रुग्ण बाहेर कसे गेले, हा प्रश्न निर्माण झाला आहे. या हलगर्जीमुळे शहरात सर्वत्र भीतीचे वातावरण आहे. पालघरमध्ये सध्या १, ९११ करोनाचे रुग्ण आढळले असून ६१ जणांचा मृत्यू झाला आहे.

वाचाः पुनर्विवाह करू इच्छिणाऱ्यांनो विवाह संस्थाच्या संकेतस्थळापासून सावधान