पालघर : मुंबईला दूधपुरवठा करण्यासाठी गुजरातमधून साडेचार लाख लिटर दूध १२ डब्यांच्या रेल्वेमधून आणण्यात येणार होते. मात्र ही माहिती मिळताच राजू शेट्टी यांनी आपला मोर्चा डहाणू रोड रेल्वे स्टेशनकडे वळवला आणि तिथे आंदोलन करण्याचा इशारा दिला. त्यामुळे दूध घेऊन येणारी गाडीच रद्द करण्यात आली.
मुंबईकरांना आजही दिलासा
मुंबई : आंदोलनाच्या चौथ्या दिवसापासून मुंबईकरांना दूध तुटवड्याचा फटका बसेल असा अंदाज वर्तवला जात होता. मात्र सध्याची परिस्थिती पाहता आज, गुरुवारीही दूधदिलासा मिळाला आहे. कोल्हापूरमध्ये पूर आल्याने तिथून होणाऱ्या दूध वितरणावर परिणाम झाला आहे तरी ज्या डेअरींकडून दूध कमी आले आहे त्या वितरकांपर्यंत अमूल दूध पोहोचले आहे.
वृत्त...६