म. टा. वृत्तसेवा, शहापूर शनिवारी दिवसभर चालू असलेल्या सत्तासंघर्षाच्या नाटकाला एक नवीन वळण मिळाले. शहापूरचे राष्ट्रवादी काँग्रेसचे विद्यमान आमदार दौलत दरोडा यांच्यासोबत संपर्क होत नसल्याचे त्यांचा मुलगा करण दरोडा यांनी प्रसारमाध्यमांसमोर सांगितल्याने, शहापूरचे शिवसेनेचे माजी आमदार पांडुरंग बरोरा यांनी शहापूरचे आमदार दौलत दरोडा हे मतदारसंघातून बेपत्ता झाल्याची तक्रार शहापूर पोलिस स्टेशनमध्ये दिली आहे. तालुक्यात ओला दुष्काळ पडल्याने शेतकरी बांधव त्रस्त झाला असून अशा वेळी तालुक्याचा प्रथम नागरिक म्हणून स्थानिक आमदार तालुक्यात असणे गरजेचे आहे. मात्र विद्यमान आमदार दरोडा सकाळपासून बेपत्ता असून यात तालुक्याचे मोठे नुकसान झाले आहे. त्यामुळे तातडीने आमदार महोदयांचा शोध घ्यावा, अशी मागणी माजी आमदार बरोरा यांनी केली आहे. यावेळी शिवसेना पदाधिकारी उपस्थित होते.
आमदार दौलत दरोडा 'बेपत्ता'
म टा वृत्तसेवा, शहापूरशनिवारी दिवसभर चालू असलेल्या सत्तासंघर्षाच्या नाटकाला एक नवीन वळण मिळाले...
महाराष्ट्र टाइम्स.कॉम 24 Nov 2019, 4:00 am