म. टा. वृत्तसेवा, कल्याण
डोंबिवलीत मनसेने ईव्हीएमच्या विरोधात प्रतीकात्मक ईव्हीएमची दहीहंडी उभारत ती फोडण्याचा प्रयत्न केला. मात्र दहीहंडी उभारत ती फोडण्यासाठी मनोरा रचत असताना पोलिसांनी ही प्रतिकात्मक दहीहंडी ताब्यात घेतली. यावेळी मनसे कार्यकर्ते आणि पोलिस कर्मचाऱ्यांमध्ये झटापट झाली. मात्र पोलिसांनी प्रतिकात्मक ईव्हीएम जप्त केली.
मनसेच्या वतीने डोंबिवलीच्या चार रस्त्यांवर दरवर्षी उभारल्या जाणाऱ्या दहीहंडीनिमित्त यंदा ईव्हीएमची दहीहंडी उभारण्याचा निर्धार करण्यात आला होता. याची माहिती मिळताच पोलिसांनी या कार्यक्रमाला आक्षेप घेत शुक्रवारी डोंबिवली पोलिसांनी मनसे कार्यकर्त्यांना नोटीस देत ईव्हीएमची हंडी न उभारण्याच्या सूचना दिल्या होत्या. मात्र मनसे शहर अध्यक्ष राजेश कदम यांनी कितीही दडपशाही आणली गेली तरी डोंबिवलीत ईव्हीएम हंडी फुटणार असल्याचे स्पष्ट केले होते. तर, शनिवारी पोलिसांच्या नोटिशीला झुगारून मनसेने मानपाडा रोडला असलेल्या चार रस्ता चौकात ईव्हीएमची प्रतिकात्मक दहीहंडी बांधत निषेध व्यक्त करण्यासाठी 'ईव्हीएम हटवा-लोकशाही वाचवा' असा मजकूर लिहिलेली टी-शर्ट्स मनसैनिकांनी परिधान केली होती. सकाळपासून ही हंडी पाहण्यासाठी डोंबिवलीकरांनी मोठी गर्दी केली होती. तर, गोविंदा पथकांनीही हंडी फोडण्यासाठी हजेरी लावली होती. ढोल-ताश्याच्या ठेक्यावर आणि गोविंदा रे गोपाळाच्या जयघोषात ही हंडी फोडण्यासाठी मनसैनिकांनी मनोरा उभारला. मात्र याची माहिती मिळताच पोलिसांनी तातडीने धाव घेत ईव्हीएमची प्रतिकात्मक दहीहंडी ताब्यात घेण्याचा प्रयत्न केला. यावेळी मनसैनिकांनी विरोध केल्याने पोलिस आणि मनसे कार्यकर्त्यांमध्ये झटापट झाली. तरीही पोलिसांनी ही हंडी ताब्यात घेऊन जप्त केली.
डोंबिवलीत मनसेने ईव्हीएमच्या विरोधात प्रतीकात्मक ईव्हीएमची दहीहंडी उभारत ती फोडण्याचा प्रयत्न केला. मात्र दहीहंडी उभारत ती फोडण्यासाठी मनोरा रचत असताना पोलिसांनी ही प्रतिकात्मक दहीहंडी ताब्यात घेतली. यावेळी मनसे कार्यकर्ते आणि पोलिस कर्मचाऱ्यांमध्ये झटापट झाली. मात्र पोलिसांनी प्रतिकात्मक ईव्हीएम जप्त केली.
मनसेच्या वतीने डोंबिवलीच्या चार रस्त्यांवर दरवर्षी उभारल्या जाणाऱ्या दहीहंडीनिमित्त यंदा ईव्हीएमची दहीहंडी उभारण्याचा निर्धार करण्यात आला होता. याची माहिती मिळताच पोलिसांनी या कार्यक्रमाला आक्षेप घेत शुक्रवारी डोंबिवली पोलिसांनी मनसे कार्यकर्त्यांना नोटीस देत ईव्हीएमची हंडी न उभारण्याच्या सूचना दिल्या होत्या. मात्र मनसे शहर अध्यक्ष राजेश कदम यांनी कितीही दडपशाही आणली गेली तरी डोंबिवलीत ईव्हीएम हंडी फुटणार असल्याचे स्पष्ट केले होते. तर, शनिवारी पोलिसांच्या नोटिशीला झुगारून मनसेने मानपाडा रोडला असलेल्या चार रस्ता चौकात ईव्हीएमची प्रतिकात्मक दहीहंडी बांधत निषेध व्यक्त करण्यासाठी 'ईव्हीएम हटवा-लोकशाही वाचवा' असा मजकूर लिहिलेली टी-शर्ट्स मनसैनिकांनी परिधान केली होती. सकाळपासून ही हंडी पाहण्यासाठी डोंबिवलीकरांनी मोठी गर्दी केली होती. तर, गोविंदा पथकांनीही हंडी फोडण्यासाठी हजेरी लावली होती. ढोल-ताश्याच्या ठेक्यावर आणि गोविंदा रे गोपाळाच्या जयघोषात ही हंडी फोडण्यासाठी मनसैनिकांनी मनोरा उभारला. मात्र याची माहिती मिळताच पोलिसांनी तातडीने धाव घेत ईव्हीएमची प्रतिकात्मक दहीहंडी ताब्यात घेण्याचा प्रयत्न केला. यावेळी मनसैनिकांनी विरोध केल्याने पोलिस आणि मनसे कार्यकर्त्यांमध्ये झटापट झाली. तरीही पोलिसांनी ही हंडी ताब्यात घेऊन जप्त केली.