MNS Banner : बाप्पा बाप्पा बुद्धी द्या, पुढच्या वर्षी तरी होऊ द्या... मनसेच्या बॅनरची जोरदार चर्चा

डोंबिवली, ठाणे : डोंबिवली, कल्याण आणि दिवा परिसरात मनसे तर्फे विविध ठिकाणी लक्षवेधी बॅनर लावण्यात आले आहे. कल्याण ग्रामीण विधानसभा क्षेत्रातील रखडलेल्या विविध विकास कामांबाबत मनसे आमदार राजू पाटील यांच्याकडून ( MNS Mla Raju Patil Banner ) डोंबिवली, कल्याण ग्रामीण आणि दिवा इथे बॅनरबाजी करण्यात आली आहे. याच बॅनरद्वारे 'बाप्पा बाप्पा बुद्धी द्या, पुढच्या वर्षी तरी होऊ द्या' अशा शब्दांत सत्ताधारी शिंदे गटाला नाव न घेता टोला लगावला आहे. हेच बॅनर आता सोशल मीडियावर व्हायरल होऊ लागले आहेत.

कल्याण ग्रामीण विधानसभा क्षेत्रातील रखडलेल्या विविध विकास कामाबाबत मनसे आमदार गेल्या वर्षभरापासून आवाज उठवत आहेत. सत्ताधारी आणि प्रशासन यांनी विकास कामे लवकरावीत यासाठी सातत्याने पाठपुरावा करत आहेत. मात्र मानपाडा रस्त्याचे कॉक्रीटीकरणाचे काम असेल, निवासी विभागातील रस्ते असतील, कोपर पूल, दिवा पूल यांची कामे रखडलेली आहेत. त्यामुळे सत्ताधारी शिंदे-भाजप सरकार आणि प्रशासन यांना जागे करण्यासाठी मनसे आमदार पाटील यांनी मोठ्या प्रमाणात बॅनरबाजी केली आहे.

Shiv Sena : खरी शिवसेना कोणाची? मुख्यमंत्री शिंदेंच्या बालेकिल्ल्यातील गणेश मंडळाचा देखावा चर्चेत

"बाप्पा बाप्पा बुद्धी द्या, पुढच्या वर्षी तरी होऊ द्या" अशी गणरायाला प्रार्थना करणारा संदेश राजू पाटील यांनी बॅनरवर लिहिला आहे. मानपाडा रस्ता, पलवा पूल, दिवा पूल, दिवा-आगसन रोड असे काही रखडलेली कामे यावरून हे बॅनर विविध ठिकाणी लावण्यात आली आहे. आज अनंत चतुर्दशी असल्याने हे बॅनर लावण्यात आले आहेत. आता हे बॅनर व्हायरल होऊ लागले आहेत. त्यामुळे आतातरी डबल इंजिन सरकार इथे लक्ष देईल का? हे पाहावे लागेल.

ठाण्यात दुर्घटना: सार्वजनिक गणपतीच्या मंडपावर झाड कोसळले; ५ जण जखमी