म. टा. वृत्तसेवा, पालघर
अल्पसंख्याकांच्या कल्याणासाठी पंतप्रधानांच्या १५ कलमी कार्यक्रमाची पालघर जिल्ह्यात प्रभावी अंमलबजावणी करावी, असे आवाहन राज्याचे अल्पसंख्याक आयोगाचे अध्यक्ष मोहम्मद खान यांनी केले.
अल्पसंख्याकांच्या कल्याणासाठी असणाऱ्या पंतप्रधानांच्या नवीन १५ कलमी कार्यक्रम व अल्पसंख्याकांसाठी शासनाच्या विविध योजनांची पालघर जिल्ह्यात प्रभावी अंमलबजावणी करावी व अल्पसंख्याकांना या योजनांचा लाभ मिळवून द्यावा, असे निर्देश खान यांनी मंगळवारी दिले.
पंतप्रधानांचा कार्यक्रम व अल्पसंख्याकांसाठी शासनाच्या विविध योजनांचा आढावा घेण्यासाठी खान यांच्या अध्यक्षतेखाली पालघर येथील शासकीय विश्रामगृहात बैठक आयेजित करण्यात आली होती. त्यावेळी जिल्हाधिकारी अभिजित बांगर, जिल्हा पोलिस अधीक्षक शारदा राऊत तसेच विविध विभागांचे अधिकारी उपस्थित होते.
जिल्ह्यातील अल्पसंख्याक बहुल शाळांमध्ये पायाभूत सुविधा उपलब्ध करून देणे, उच्च व्यावसायिक शिक्षण घेणाऱ्या विद्यार्थांसाठी लागू असणारी शिष्यवृत्ती योजना, अल्पसंख्याकांसाठी रोजगाराभिमुख योजना, तांत्रिक प्रशिक्षणाद्वारे कौशल्याची दर्जावाढ, अल्पसंख्याक युवकांसाठी पोलिस भरतीपूर्व प्रशिक्षण योजना, मदरसा आधुनिकरण योजना इत्यादी योजनांचा सविस्तर आढावा मोहम्मद हुसेन खान यांनी घेतला.
अल्पसंख्याक युवकांना पोलिस भरतीपूर्व प्रशिक्षण देण्यासाठी पालघर जिल्ह्यातील शाळा, महाविद्यालय, संस्था यांची जागा उपलब्ध करून देण्यासाठी संबधित यंत्रणांनी प्रयत्न करावेत, यासाठी आवश्यक तो निधी आयोगाकडून दिला जाईल, असे श्री. खान यांनी सांगितले. तसेच जिल्ह्यामध्ये जातीय तणावास प्रतिबंध करून सामाजिक सलोखा राखण्याच्या दृष्टीने प्रयत्नशील रहावे, असे निर्देश खान यांनी दिले.
अल्पसंख्याकांच्या कल्याणासाठी पंतप्रधानांच्या १५ कलमी कार्यक्रमाची पालघर जिल्ह्यात प्रभावी अंमलबजावणी करावी, असे आवाहन राज्याचे अल्पसंख्याक आयोगाचे अध्यक्ष मोहम्मद खान यांनी केले.
अल्पसंख्याकांच्या कल्याणासाठी असणाऱ्या पंतप्रधानांच्या नवीन १५ कलमी कार्यक्रम व अल्पसंख्याकांसाठी शासनाच्या विविध योजनांची पालघर जिल्ह्यात प्रभावी अंमलबजावणी करावी व अल्पसंख्याकांना या योजनांचा लाभ मिळवून द्यावा, असे निर्देश खान यांनी मंगळवारी दिले.
पंतप्रधानांचा कार्यक्रम व अल्पसंख्याकांसाठी शासनाच्या विविध योजनांचा आढावा घेण्यासाठी खान यांच्या अध्यक्षतेखाली पालघर येथील शासकीय विश्रामगृहात बैठक आयेजित करण्यात आली होती. त्यावेळी जिल्हाधिकारी अभिजित बांगर, जिल्हा पोलिस अधीक्षक शारदा राऊत तसेच विविध विभागांचे अधिकारी उपस्थित होते.
जिल्ह्यातील अल्पसंख्याक बहुल शाळांमध्ये पायाभूत सुविधा उपलब्ध करून देणे, उच्च व्यावसायिक शिक्षण घेणाऱ्या विद्यार्थांसाठी लागू असणारी शिष्यवृत्ती योजना, अल्पसंख्याकांसाठी रोजगाराभिमुख योजना, तांत्रिक प्रशिक्षणाद्वारे कौशल्याची दर्जावाढ, अल्पसंख्याक युवकांसाठी पोलिस भरतीपूर्व प्रशिक्षण योजना, मदरसा आधुनिकरण योजना इत्यादी योजनांचा सविस्तर आढावा मोहम्मद हुसेन खान यांनी घेतला.
अल्पसंख्याक युवकांना पोलिस भरतीपूर्व प्रशिक्षण देण्यासाठी पालघर जिल्ह्यातील शाळा, महाविद्यालय, संस्था यांची जागा उपलब्ध करून देण्यासाठी संबधित यंत्रणांनी प्रयत्न करावेत, यासाठी आवश्यक तो निधी आयोगाकडून दिला जाईल, असे श्री. खान यांनी सांगितले. तसेच जिल्ह्यामध्ये जातीय तणावास प्रतिबंध करून सामाजिक सलोखा राखण्याच्या दृष्टीने प्रयत्नशील रहावे, असे निर्देश खान यांनी दिले.