म. टा. वृत्तसेवा, डोंबिवली
बच्चेकंपनीची लाडकी मोराची गाडी डोंबिवलीमध्ये पुन्हा एकदा सुरू झाल्याने लहान मुले हरखून गेली आहेत. मात्र हा आनंद क्षणिक टिकणारा असून पावसाळ्याच्या वेळी पुन्हा एकदा ही गाडी बंद होणार आहे. यामुळे पाऊस येईपर्यंतच मुलांना या गाडीचा आनंद लुटता येणार आहे.
डोंबिवलीमध्ये स्वतःची वेगळी ओळख असणारी मोराची गाडी रविवारी तीन वर्षांनी मुलांच्या सेवेत पुन्हा रुजू झाली. रविवारी राज्यमंत्री रविंद्र चव्हाण यांच्या हस्ते या गाडीचे उद्घाटन करण्यात आले. प्रदीर्घ कालावधीनंतर स्थानिक नगरसेवक संदीप पुराणिक यांच्या पाठपुराव्याने गाडी सुरू झाली. गाडी बंद असल्याने महानगरपालिकेला प्रचंड टीका सहन करावी लागली होती. अखेर गाडी सुरू होण्यासाठी सुट्टी संपतानाचा मुहूर्त साधला गेला आहे. मात्र उन्हाळ्याची सुट्टी संपत आलेली असताना ही गाडी सुरू झाली आहे. त्यामुळे मुलांना त्याचा आनंद मर्यादितच घेता येणार आहे. पावसामुळे गाडीचे नुकसान होऊ नये, या हेतूने ही गाडी पावसाळ्यात बंद ठेवण्यात येणार आहे.
तेच रूप पुन्हा एकदा गाडीसाठी मूळ डिझाइनसारखेच डबे पुन्हा एकदा तयार करण्यात आले आहेत. तेच मूळ रूप राखण्याचा महानगरपालिकेचा प्रयत्न आहे. गाडीसाठी रूळही नव्याने तयार करण्यात आले आहेत. ही गाडी पाहून बच्चेकंपनीच्या चेहऱ्यावर रविवारी हसू
उमटले होते.
बच्चेकंपनीची लाडकी मोराची गाडी डोंबिवलीमध्ये पुन्हा एकदा सुरू झाल्याने लहान मुले हरखून गेली आहेत. मात्र हा आनंद क्षणिक टिकणारा असून पावसाळ्याच्या वेळी पुन्हा एकदा ही गाडी बंद होणार आहे. यामुळे पाऊस येईपर्यंतच मुलांना या गाडीचा आनंद लुटता येणार आहे.
डोंबिवलीमध्ये स्वतःची वेगळी ओळख असणारी मोराची गाडी रविवारी तीन वर्षांनी मुलांच्या सेवेत पुन्हा रुजू झाली. रविवारी राज्यमंत्री रविंद्र चव्हाण यांच्या हस्ते या गाडीचे उद्घाटन करण्यात आले. प्रदीर्घ कालावधीनंतर स्थानिक नगरसेवक संदीप पुराणिक यांच्या पाठपुराव्याने गाडी सुरू झाली. गाडी बंद असल्याने महानगरपालिकेला प्रचंड टीका सहन करावी लागली होती. अखेर गाडी सुरू होण्यासाठी सुट्टी संपतानाचा मुहूर्त साधला गेला आहे. मात्र उन्हाळ्याची सुट्टी संपत आलेली असताना ही गाडी सुरू झाली आहे. त्यामुळे मुलांना त्याचा आनंद मर्यादितच घेता येणार आहे. पावसामुळे गाडीचे नुकसान होऊ नये, या हेतूने ही गाडी पावसाळ्यात बंद ठेवण्यात येणार आहे.
तेच रूप पुन्हा एकदा गाडीसाठी मूळ डिझाइनसारखेच डबे पुन्हा एकदा तयार करण्यात आले आहेत. तेच मूळ रूप राखण्याचा महानगरपालिकेचा प्रयत्न आहे. गाडीसाठी रूळही नव्याने तयार करण्यात आले आहेत. ही गाडी पाहून बच्चेकंपनीच्या चेहऱ्यावर रविवारी हसू
उमटले होते.