ठाणे : मुख्यमंत्री एकनाथ शिंदे (Eknath Shinde) जवळपास पंधरा दिवसांच्या राजकीय संघर्षानंतर घरी परतले. शिवसेनाप्रमुख बाळासाहेब ठाकरे यांचं स्मृतिस्थळ, चैत्यभूमी, आनंद दिघे स्मृतिस्थळ अशा विविध ठिकाणी उपस्थिती लावत ते ठाण्यातील निवासस्थानी आले. यावेळी शिंदे समर्थकांनी मोठ्या उत्साहात त्यांचं स्वागत केलं. पती मुख्यमंत्रिपदाच्या खुर्चीवर विराजमान झाल्याचा आनंद त्यांच्या पत्नी लता शिंदे (Lata Shinde) यांनाही झाला होता. लता शिंदेंनी यावेळी ड्रम वाजवत पतीचे स्वागत केल्याचा व्हिडिओ सध्या सोशल मीडियावर चर्चेचा विषय ठरत आहे. विधानसभेच्या विशेष अधिवेशनात बहुमत सिद्ध केल्यानंतर मुख्यमंत्री एकनाथ शिंदे आपल्या निवासस्थानी आले. यावेळी त्यांच्या पाठिराख्यांनी अत्यंत जल्लोषात त्यांचं स्वागत केलं. ढोल ताशाच्या गजरात शिंदेंचं ठाण्यात आगमन झालं. यावेळी मिसेस मुख्यमंत्री लता शिंदे ड्रम सेटसमोर उभ्या राहून ड्रम वाजवत होत्या. लता शिंदेंचा आनंद गगनात मावेनासा झाल्याचं दिसलं. त्याच वेळी उपस्थितांनीही ड्रमवर ताल धरला होता.
कोण आहेत लता शिंदे?
लता शिंदे बांधकाम व्यवसायात सक्रिय असल्याची माहिती आहे. एकनाथ शिंदे यांच्या संपूर्ण संघर्षात त्यांना पत्नीची मोलाची साथ लाभली आहे. वैयक्तिक आयुष्यात अनेक वादळं येत असताना पत्नी लता शिंदे यांनी एकनाथरावांना खंबीर पाठिंबा दिला. २००० मध्ये एकनाथ शिंदेंनी दोन लेकरं गमावली, त्या काळातही दोघांनी एकमेकांना हिकमतीने सावरलं.
हेही वाचा : 'सरळवास्तू'च्या चंद्रशेखर यांची निर्घृण हत्या; हल्लेखोर आधी पाया पडले, मग चाकूनं वार केले
एकनाथ शिंदे यांनी बंडखोरी करत सुरतमार्गे गुवाहाटी गाठलं, त्या दहा दिवसांच्या काळात लता शिंदेंनी घरच्या जबाबदाऱ्या व्यवस्थित पाळल्या. दीर्घ संघर्षानंतर शिंदे दाम्पत्याला यशाची चव चाखायला मिळत आहे.
हेही वाचा :शिंदेंच्या बंडाचा कोल्हापुरात फटका, शिवसेनेसाठी आता 'मोदी' मैदानात
गेल्या अनेक दिवसांपासून एकनाथ शिंदे यांना आपल्या कुटुंबीयांपासून दूर राहावे लागत होते. शपथविधी सोहळ्याच्या वेळी आपल्या नातवाला खांद्यावर खेळवताना ते भावूक झाल्याचं अनेकांनी पाहिलं होतं. तर काल विधिमंडळात बोलतानाही ते दोन दिवंगत मुलांच्या आठवणीने रडवेले झाले होते.
हेही वाचा : मुख्यमंत्री झाल्यानंतर एकनाथ शिंदे पहिल्यांदाच सिद्धीविनायकाच्या चरणी
कोण आहेत लता शिंदे?
लता शिंदे बांधकाम व्यवसायात सक्रिय असल्याची माहिती आहे. एकनाथ शिंदे यांच्या संपूर्ण संघर्षात त्यांना पत्नीची मोलाची साथ लाभली आहे. वैयक्तिक आयुष्यात अनेक वादळं येत असताना पत्नी लता शिंदे यांनी एकनाथरावांना खंबीर पाठिंबा दिला. २००० मध्ये एकनाथ शिंदेंनी दोन लेकरं गमावली, त्या काळातही दोघांनी एकमेकांना हिकमतीने सावरलं.
हेही वाचा : 'सरळवास्तू'च्या चंद्रशेखर यांची निर्घृण हत्या; हल्लेखोर आधी पाया पडले, मग चाकूनं वार केले
एकनाथ शिंदे यांनी बंडखोरी करत सुरतमार्गे गुवाहाटी गाठलं, त्या दहा दिवसांच्या काळात लता शिंदेंनी घरच्या जबाबदाऱ्या व्यवस्थित पाळल्या. दीर्घ संघर्षानंतर शिंदे दाम्पत्याला यशाची चव चाखायला मिळत आहे.
हेही वाचा :शिंदेंच्या बंडाचा कोल्हापुरात फटका, शिवसेनेसाठी आता 'मोदी' मैदानात
गेल्या अनेक दिवसांपासून एकनाथ शिंदे यांना आपल्या कुटुंबीयांपासून दूर राहावे लागत होते. शपथविधी सोहळ्याच्या वेळी आपल्या नातवाला खांद्यावर खेळवताना ते भावूक झाल्याचं अनेकांनी पाहिलं होतं. तर काल विधिमंडळात बोलतानाही ते दोन दिवंगत मुलांच्या आठवणीने रडवेले झाले होते.
हेही वाचा : मुख्यमंत्री झाल्यानंतर एकनाथ शिंदे पहिल्यांदाच सिद्धीविनायकाच्या चरणी