म. टा. वृत्तसेवा, बदलापूर
बदलापुरातील कात्रप भागात बुधवारी सकाळी एका हॉटेलमध्ये काम करणाऱ्या तरुणाच्या घरी पाहुणा म्हणून आलेल्या नेपाळी तरुणाची गळा चिरून निर्घृण हत्या केल्याची घटना समोर आली आहे. या तरुणाचे धड चायनीज हॉटेलमध्ये ठेवण्यात आले होते. या भीषण हत्येने बदलापूर हादरले असून हत्येतील आरोपी फरार झाला होता. मात्र, तो सीसीटीव्हीत कैद झाल्याने पोलिसांनी वेगाने पावले उचलत १२ तासांत त्याला भुसावळ येथून अटक केली.
गुरुवारी सकाळी कात्रप भागात जय मल्हार खानावळ शेजारी एक चायनीजचे दुकान आहे. या दुकानात काम करत असलेल्या राजेश नेपाळी या तरुणाकडे गावाहून एक पाहुणा आला होता. या तरुणाची मंगळवारी रात्री हत्या करण्यात आली. बदलापूर येथील कात्रप भागातील निर्मल रेसिडन्सी परिसरात सकाळी एक व्यक्ती झाडलोट करत असताना एका प्लास्टिकच्या पिशवितून हे शीर बाहेर पडले. हे दृश्य पाहताच परिसरातील नागरिकांनी याबाबत पोलिसांशी संपर्क केला. गुन्हे शाखेच्या पथकाने घटनास्थळी धाव घेत तपास सुरू केला. कात्रप भागातील चायनीज हॉलेटमध्ये श्वान पथकाच्या मदतीने मृत इसमाचे धड असल्याची माहिती पोलिसांना मिळाली. पोलिसांनी अधिक तपास केला असता, या ठिकाणी राजेश नेपाळी हा तरुण काम करत असून हत्या झाल्यापासून तो फरार होता. नेपाळी फरार असल्याने हत्येचा संशय त्याच्याकडे होता. उत्तर भारतात जाणाऱ्या पुष्पक एक्स्प्रेसने राजेश नेपाळी पळून जात असल्याची माहिती पोलिसांना मिळाली. त्यानुसार पोलिस आणि रेल्वे पोलिसांनी संयुक्त कारवाई करत नेपाळीला अटक केली आहे.
बदलापुरातील कात्रप भागात बुधवारी सकाळी एका हॉटेलमध्ये काम करणाऱ्या तरुणाच्या घरी पाहुणा म्हणून आलेल्या नेपाळी तरुणाची गळा चिरून निर्घृण हत्या केल्याची घटना समोर आली आहे. या तरुणाचे धड चायनीज हॉटेलमध्ये ठेवण्यात आले होते. या भीषण हत्येने बदलापूर हादरले असून हत्येतील आरोपी फरार झाला होता. मात्र, तो सीसीटीव्हीत कैद झाल्याने पोलिसांनी वेगाने पावले उचलत १२ तासांत त्याला भुसावळ येथून अटक केली.
गुरुवारी सकाळी कात्रप भागात जय मल्हार खानावळ शेजारी एक चायनीजचे दुकान आहे. या दुकानात काम करत असलेल्या राजेश नेपाळी या तरुणाकडे गावाहून एक पाहुणा आला होता. या तरुणाची मंगळवारी रात्री हत्या करण्यात आली. बदलापूर येथील कात्रप भागातील निर्मल रेसिडन्सी परिसरात सकाळी एक व्यक्ती झाडलोट करत असताना एका प्लास्टिकच्या पिशवितून हे शीर बाहेर पडले. हे दृश्य पाहताच परिसरातील नागरिकांनी याबाबत पोलिसांशी संपर्क केला. गुन्हे शाखेच्या पथकाने घटनास्थळी धाव घेत तपास सुरू केला. कात्रप भागातील चायनीज हॉलेटमध्ये श्वान पथकाच्या मदतीने मृत इसमाचे धड असल्याची माहिती पोलिसांना मिळाली. पोलिसांनी अधिक तपास केला असता, या ठिकाणी राजेश नेपाळी हा तरुण काम करत असून हत्या झाल्यापासून तो फरार होता. नेपाळी फरार असल्याने हत्येचा संशय त्याच्याकडे होता. उत्तर भारतात जाणाऱ्या पुष्पक एक्स्प्रेसने राजेश नेपाळी पळून जात असल्याची माहिती पोलिसांना मिळाली. त्यानुसार पोलिस आणि रेल्वे पोलिसांनी संयुक्त कारवाई करत नेपाळीला अटक केली आहे.