म. टा. वृत्तसेवा, ठाणे
बेकायदा सीडीआर विक्री प्रकरणात बॉलिवूडमधील अभिनेता नवाजउद्दीन सिद्दिकी यांच्याकडेही ठाणे गुन्हे शाखा युनिट एकने चौकशी सुरू केली आहे. त्यांनी त्यांच्या वकिलामार्फत अटकेतील दोन आरोपींकडून सीडीआर विकत घेतले असून चौकशीसाठी त्यांना शुक्रवारी बोलवले होते. मात्र ते आलेच नाहीत, अशी माहिती वरिष्ठ पोलिस निरीक्षक नितीन ठाकरे यांनी 'मटा'शी बोलताना दिली. नवाजउद्दीन आणि त्यांच्या पत्नीमध्ये कौटुंबिक कलह असल्याने त्यांनी पत्नीचा सीडीआर घेतला असल्याची बाब चौकशीत समोर आल्याचे कळते. त्यांच्या पत्नीची देखील चौकशी होण्याची शक्यता आहे.
ठाणे गुन्हे शाखा युनिट एकने सीडीआर विक्रीचे विक्रीचे रॅकेट उद्ध्वस्त करत खासगी गुप्तहेरासह यवतमाळ ग्रामीण पोलिस दलातील कॉन्स्टेबल नितीन खवडे अशा एकूण ११ जणांना अटक केली आहे. अद्याप एकही आरोपीला जामीन मिळाला नसून आरोपींमध्ये भारतातील पहिली महिला गुप्तहेर रजनी पंडित हिचाही समावेश आहे. मात्र, या गुन्ह्यातील मुख्य आरोपी सौरव साहू याच्यासह इतर आरोपी फरार आहेत. गुन्हे शाखेने त्यांचा शोध घेण्याचा प्रयत्न केला. मात्र अद्याप आरोपी सापडले नाहीत. नवाजउद्दीन सिद्दिकी असे या अभिनेत्याचे नाव असून चौकशीसाठी कार्यालयात उपस्थित राहण्याबाबत गुन्हे शाखेने आठ दिवसांपूर्वी सिद्दिकी यांना समन्स पाठवले होते.
सिद्दिकी यांचे वकील रिझवान सिद्दिकी यांच्यामार्फत नवाजुद्दीन यांनी यापूर्वी अटक केलेल्या आरोपींकडून सीडीआर विकत घेतले होते. गुन्हे शाखेने अड. रिजवान यांची यापूर्वी चौकशी केली आहे. मात्र चौकशीसाठी नवाजुद्दीन यांना बोलवूनही शुक्रवारी ते आले नाहीत, अशी माहिती ठाकरे यांनी दिली. मात्र दोन ते तीन दिवसांत ते चौकशीसाठी येतील, असा विश्वासही त्यांनी व्यक्त केला.
बेकायदा सीडीआर विक्री प्रकरणात बॉलिवूडमधील अभिनेता नवाजउद्दीन सिद्दिकी यांच्याकडेही ठाणे गुन्हे शाखा युनिट एकने चौकशी सुरू केली आहे. त्यांनी त्यांच्या वकिलामार्फत अटकेतील दोन आरोपींकडून सीडीआर विकत घेतले असून चौकशीसाठी त्यांना शुक्रवारी बोलवले होते. मात्र ते आलेच नाहीत, अशी माहिती वरिष्ठ पोलिस निरीक्षक नितीन ठाकरे यांनी 'मटा'शी बोलताना दिली. नवाजउद्दीन आणि त्यांच्या पत्नीमध्ये कौटुंबिक कलह असल्याने त्यांनी पत्नीचा सीडीआर घेतला असल्याची बाब चौकशीत समोर आल्याचे कळते. त्यांच्या पत्नीची देखील चौकशी होण्याची शक्यता आहे.
ठाणे गुन्हे शाखा युनिट एकने सीडीआर विक्रीचे विक्रीचे रॅकेट उद्ध्वस्त करत खासगी गुप्तहेरासह यवतमाळ ग्रामीण पोलिस दलातील कॉन्स्टेबल नितीन खवडे अशा एकूण ११ जणांना अटक केली आहे. अद्याप एकही आरोपीला जामीन मिळाला नसून आरोपींमध्ये भारतातील पहिली महिला गुप्तहेर रजनी पंडित हिचाही समावेश आहे. मात्र, या गुन्ह्यातील मुख्य आरोपी सौरव साहू याच्यासह इतर आरोपी फरार आहेत. गुन्हे शाखेने त्यांचा शोध घेण्याचा प्रयत्न केला. मात्र अद्याप आरोपी सापडले नाहीत. नवाजउद्दीन सिद्दिकी असे या अभिनेत्याचे नाव असून चौकशीसाठी कार्यालयात उपस्थित राहण्याबाबत गुन्हे शाखेने आठ दिवसांपूर्वी सिद्दिकी यांना समन्स पाठवले होते.
सिद्दिकी यांचे वकील रिझवान सिद्दिकी यांच्यामार्फत नवाजुद्दीन यांनी यापूर्वी अटक केलेल्या आरोपींकडून सीडीआर विकत घेतले होते. गुन्हे शाखेने अड. रिजवान यांची यापूर्वी चौकशी केली आहे. मात्र चौकशीसाठी नवाजुद्दीन यांना बोलवूनही शुक्रवारी ते आले नाहीत, अशी माहिती ठाकरे यांनी दिली. मात्र दोन ते तीन दिवसांत ते चौकशीसाठी येतील, असा विश्वासही त्यांनी व्यक्त केला.