अ‍ॅपशहर

शिवतारेंना नडला, पक्षासाठी लढला, अजितदादांचा 'आनंद' आता का रुसला? प्रचारातून एकाएकी गायब

anand paranjpe: ठाणे, कल्याण, भिवंडीतील प्रचारातून राष्ट्रवादी काँग्रेसचे नेते आणि माजी खासदार आनंद परांजपे गायब झाले आहेत. रविवारी श्रीकांत शिंदेंच्या कार्यक्रमालाही ते अनुपस्थित होते.

Authored byकुणाल गवाणकर | महाराष्ट्र टाइम्स.कॉम 24 Apr 2024, 11:28 am
ठाणे: बारामतीत दगाफटका झाला, तर कल्याणमध्ये डॅमेज करु. मुख्यमंत्री एकनाथ शिंदेंनी त्यांच्या पक्षातील विजय शिवतारेंना समज द्यावी. अन्यथा कल्याणमध्ये वेगळा निकाल लागेल, अशा शब्दांमध्ये राष्ट्रवादी काँग्रेसचे नेते आणि माजी खासदार आनंद परांजपेंनी पक्षासाठी किल्ला लढवला. शिवतारेंना थेट अंगावर घेणारे शिवतारे आता मात्र ठाणे पट्ट्यातून गायब होते. ते सध्या महायुतीच्या प्रचारात दिसत नसल्याची चर्चा आहे. त्यामुळे आनंद परांजपे रुसल्याची चर्चा जोर धरु लागली आहे.
महाराष्ट्र टाइम्स.कॉम Copy of Live  (37)


डोंबिवलीत रविवारी खासदार श्रीकांत शिंदेंनी त्यांच्या कार्य अहवालाचं प्रकाशन केलं. या कार्यक्रमात आनंद परांजपेंच्या नावाचा उल्लेख तीनदा करण्यात आला. मान्यवरांना व्यासपीठावर आमंत्रिण करण्यात आलं, त्यावेळी परांजपे यांच्या नावाचा उल्लेख झाला. पण परांजपे तिथे उपस्थित नव्हते. ते बारामतीत सुनेत्रा पवारांचा उमेदवारी अर्ज दाखल करण्यासाठी गेले होते.
पालापाचोळ्यासारख्या उडत आलेल्या...; 'बिनशर्त' पाठिंबा देणारी मनसे शिंदेसेनेविरोधात आक्रमक
ठाणे, भिवंडी, कल्याणमध्ये सुरू असलेल्या महायुतीच्या प्रचारातून आनंद परांजपे गायब असल्याच्या चर्चा सुरू आहेत. महायुतीत ठाण्याच्या जागेचा तिढा अद्याप सुटलेला नाही. या जागेवर भाजप, सेनेचा दावा आहे. ठाणे मतदारसंघ सेनेचा बालेकिल्ला राहिला आहे. विशेष म्हणजे ठाणे आणि परांजपे कुटुंबाचं जुनं नातं आहे. १९९६ ते २००८ या कालावधीत आनंद परांजपे यांचे वडील प्रकाश परांजपे ठाण्यातून निवडून आले. ते चारवेळा या मतदारसंघातून विजयी झाले.

सध्याच्या घडीला भाजप आणि शिवसेनेत ठाण्यावरुन रस्सीखेच सुरू आहे. ठाणे शिवसेनेचा बालेकिल्ला असल्यानं शिंदे ठाणे सोडायला तयार नाहीत. तर वाढलेली ताकद पाहता भाजप ठाणे सेनेला देण्यास तयार नाही. महायुतीतील तिसरा घटकपक्ष असलेल्या राष्ट्रवादीतून इथून कोणाचंही नाव चर्चेत नाही. ठाण्याचे माजी खासदार राहिलेल्या आनंद परांजपेंची या मतदारसंघासाठी साधी चर्चाही झालेली नाही. त्याची बोच आनंद परांजपेंच्या मनात असल्याचं सांगितलं जातं. त्यामुळेच परांजपे यंदा बारामतीत जास्त आणि ठाणे, कल्याण, भिवंडीत कमी दिसतील, अशी चर्चा सुरू आहे.
लेखकाबद्दल
कुणाल गवाणकर
महाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस.... आणखी वाचा

महत्वाचे लेख