म. टा. वृत्तसेवा, डोंबिवली
ठाण्यामध्ये काही वर्षांपूर्वी पार पडलेले साहित्य संमेलन १ कोटी रुपयांमध्ये आयोजकांनी केले होते. मात्र यंदाच्या साहित्य संमेलनासाठी आयोजकांकडून १ कोटी ५८ हजार रुपये जमल्यानंतरही निधीची जुळवाजुळव करण्याचे प्रयत्न सुरू असून विविध माध्यमातून निधी संकलन पूर्ण करण्यासाठी आयोजकांद्वारे प्रयत्न करण्यात येत आहेत. संमेलनासाठी देणगीदार, राज्य सरकार आणि अन्य माध्यमातून आत्तापर्यंत निधी एवढा निधी उभारण्यात आला असला तरी संमेलनाचे नियोजित साडेपाच कोटींचे बजेट गाठणे आयोजकांना कठीण दिसत आहे. नोटाबंदी आणि लागू झालेली निवडणुकांची आचारसंहिता यांचा फटका बसल्याचे स्वागताध्यक्ष गुलाब वझे यांनी डोंबिवलीमध्ये सांगितले.
साहित्य संमेलनासाठी निधी संकलन करावे यासाठी विशेष यंत्रणा आयोजकांनी कामाला लावली आहे. आमदारांकडे एकूण ७८ लाखांच्या निधीसाठी प्रस्ताव सादर करण्यात आले असून या निधीवर संमेलनाचे बहुतांश आर्थिक गणित अवलंबून असणार आहे. साडेपाच कोटींचे लक्ष्य सध्या आवाक्याबाहेरचे वाटत असल्यामुळे खर्चामध्ये कपात करण्यात येणार आहे. ठाणे जिल्ह्यातील सर्व महानगरपालिकांकडे आयोजकांनी निधीसाठी मागणी केली होती. मात्र आचारसंहितेमुळे सर्वसाधारण सभाच पार पडणार नसल्यामुळे तो पर्याय बाद झाला आहे. यामुळे संमेलन प्रतिनिधी आणि स्वागत समितीच्या माध्यमातून निधी उभारण्यावर भर देण्यात येत आहे.
साहित्य संमेलनाच्या निमित्ताने डोंबिवलीमध्ये येणाऱ्या पाहुण्यांच्या जेवणावळीचा आकडा यंदा मर्यादित राहणार आहे. जेवणासाठी लागणारे धान्य, भाजीपाला आणि इतर साहित्य देण्याची कल्याणमधील विक्रेते आणि व्यापाऱ्यांनी तयारी दाखवली आहे. हे साहित्य मिळाल्यामुळे अंदाजे २०-२५ लाख रुपयांची बचत होण्याचा अंदाज आयोजकांद्वारे व्यक्त केला जात आहे. याचबरोबर संमेलनस्थळातील मुख्य दालनाची आसनव्यवस्थासुद्धा कमी करण्यात आली आहे. पंधरा हजार क्षमतेच्या मुख्य दालनाऐवजी आता केवळ ११ हजार क्षमतेचे दालन उभारण्यात येणार आहे.
आयोगाला साकडे
साहित्य संमेलनाच्या निधीची आचारसंहितेमुळे कोंडी झाल्यामुळे आता संमेलनासाठी नगरसेवक निधीच्या माध्यमातून निधीची उभारणी करण्यासाठी आयोजकांद्वारे प्रयत्न सुरू आहेत. यासाठी निवडणूक आयोगाने निधी मंजुरीसाठी विशेष बाब म्हणून मंजुरी द्यावी, यासाठी साकडे घालण्यात आले आहे. आयोगाची मंजुरी मिळाल्यास कल्याण डोंबिवली महानगरपालिकेच्या नगरसेवकांच्या माध्यमातून निधी उभारण्यात येणार आहे.
ठाण्यामध्ये काही वर्षांपूर्वी पार पडलेले साहित्य संमेलन १ कोटी रुपयांमध्ये आयोजकांनी केले होते. मात्र यंदाच्या साहित्य संमेलनासाठी आयोजकांकडून १ कोटी ५८ हजार रुपये जमल्यानंतरही निधीची जुळवाजुळव करण्याचे प्रयत्न सुरू असून विविध माध्यमातून निधी संकलन पूर्ण करण्यासाठी आयोजकांद्वारे प्रयत्न करण्यात येत आहेत. संमेलनासाठी देणगीदार, राज्य सरकार आणि अन्य माध्यमातून आत्तापर्यंत निधी एवढा निधी उभारण्यात आला असला तरी संमेलनाचे नियोजित साडेपाच कोटींचे बजेट गाठणे आयोजकांना कठीण दिसत आहे. नोटाबंदी आणि लागू झालेली निवडणुकांची आचारसंहिता यांचा फटका बसल्याचे स्वागताध्यक्ष गुलाब वझे यांनी डोंबिवलीमध्ये सांगितले.
साहित्य संमेलनासाठी निधी संकलन करावे यासाठी विशेष यंत्रणा आयोजकांनी कामाला लावली आहे. आमदारांकडे एकूण ७८ लाखांच्या निधीसाठी प्रस्ताव सादर करण्यात आले असून या निधीवर संमेलनाचे बहुतांश आर्थिक गणित अवलंबून असणार आहे. साडेपाच कोटींचे लक्ष्य सध्या आवाक्याबाहेरचे वाटत असल्यामुळे खर्चामध्ये कपात करण्यात येणार आहे. ठाणे जिल्ह्यातील सर्व महानगरपालिकांकडे आयोजकांनी निधीसाठी मागणी केली होती. मात्र आचारसंहितेमुळे सर्वसाधारण सभाच पार पडणार नसल्यामुळे तो पर्याय बाद झाला आहे. यामुळे संमेलन प्रतिनिधी आणि स्वागत समितीच्या माध्यमातून निधी उभारण्यावर भर देण्यात येत आहे.
साहित्य संमेलनाच्या निमित्ताने डोंबिवलीमध्ये येणाऱ्या पाहुण्यांच्या जेवणावळीचा आकडा यंदा मर्यादित राहणार आहे. जेवणासाठी लागणारे धान्य, भाजीपाला आणि इतर साहित्य देण्याची कल्याणमधील विक्रेते आणि व्यापाऱ्यांनी तयारी दाखवली आहे. हे साहित्य मिळाल्यामुळे अंदाजे २०-२५ लाख रुपयांची बचत होण्याचा अंदाज आयोजकांद्वारे व्यक्त केला जात आहे. याचबरोबर संमेलनस्थळातील मुख्य दालनाची आसनव्यवस्थासुद्धा कमी करण्यात आली आहे. पंधरा हजार क्षमतेच्या मुख्य दालनाऐवजी आता केवळ ११ हजार क्षमतेचे दालन उभारण्यात येणार आहे.
आयोगाला साकडे
साहित्य संमेलनाच्या निधीची आचारसंहितेमुळे कोंडी झाल्यामुळे आता संमेलनासाठी नगरसेवक निधीच्या माध्यमातून निधीची उभारणी करण्यासाठी आयोजकांद्वारे प्रयत्न सुरू आहेत. यासाठी निवडणूक आयोगाने निधी मंजुरीसाठी विशेष बाब म्हणून मंजुरी द्यावी, यासाठी साकडे घालण्यात आले आहे. आयोगाची मंजुरी मिळाल्यास कल्याण डोंबिवली महानगरपालिकेच्या नगरसेवकांच्या माध्यमातून निधी उभारण्यात येणार आहे.