म. टा. विशेष प्रतिनिधी, ठाणे
दंडात्मक आकार वगळून अकृषिक कराची केवळ मूळ रक्कम वसूल करण्याचा निर्णय राज्य सरकारने घेतला आहे. त्यामुळे महसूल वाढीसाठी जिल्हाधिकारी कार्यालयाने अचानक बजावलेल्या लाखो रुपयांच्या अकृषिक कराच्या नोटिसांमुळे हैराण झालेल्या ठाणेकरांना मोठा दिलासा मिळाला आहे.
महसुली तूट भरून काढण्यासाठी ठाण्यातील अकृषिक कराच्या थकबाकीच्या नोटिसा धाडण्यात आल्या असल्या तरी त्यांची वसुली करण्यास सरकारने गेल्या आठवड्यात स्थगिती दिली होती. तसेच नव्याने कुणालाही नोटिसा धाडल्या जात नव्हत्या. या कराच्या वसुलीसाठी सर्वसमावेशक धोरण तयार करत आहे. तत्पूर्वी ठाण्याचे पालकमंत्री एकनाथ शिंदे यांनी याप्रकरणी महसूलमंत्री चंद्रकांत पाटील यांच्याशी चर्चा केली. ज्या लोकांना महसुल विभागाने नोटिसा धाडल्या आहेत. त्यांनी केवळ अकृषि कराची मूळ रक्कम भरावी उर्वरित दंडात्मक रक्कम भरू नये, असा पर्याय त्यातून पुढे आल्यानंतर महसुलमंत्र्यांनी त्याला मंजुरी दिली आहे.
अकृषिक कराची मूळ रक्कम ही अत्यंत किरकोळ आहे. मात्र, ती न भरल्यास १०० रुपये प्रतिदिन अशी दंड केला जातो. महसूल विभागाने अनेक वर्षे या करवसुलीसाठी प्रयत्नच केले नव्हते. यंदा अचानक थकबाकीसह दंडात्मक रकमेच्या नोटिसा धाडल्या आहे. झोपड्यांना ९०-९० हजारांच्या आणि व्यापाऱ्यांना तीन-तीन लाखांच्या नोटिसाही आल्याने अनेक जण हवालदिल झाले होते. मात्र, सरकारच्या नव्या निर्णयामुळे त्यांना दिलासा मिळाला आहे.
दंडात्मक आकार वगळून अकृषिक कराची केवळ मूळ रक्कम वसूल करण्याचा निर्णय राज्य सरकारने घेतला आहे. त्यामुळे महसूल वाढीसाठी जिल्हाधिकारी कार्यालयाने अचानक बजावलेल्या लाखो रुपयांच्या अकृषिक कराच्या नोटिसांमुळे हैराण झालेल्या ठाणेकरांना मोठा दिलासा मिळाला आहे.
महसुली तूट भरून काढण्यासाठी ठाण्यातील अकृषिक कराच्या थकबाकीच्या नोटिसा धाडण्यात आल्या असल्या तरी त्यांची वसुली करण्यास सरकारने गेल्या आठवड्यात स्थगिती दिली होती. तसेच नव्याने कुणालाही नोटिसा धाडल्या जात नव्हत्या. या कराच्या वसुलीसाठी सर्वसमावेशक धोरण तयार करत आहे. तत्पूर्वी ठाण्याचे पालकमंत्री एकनाथ शिंदे यांनी याप्रकरणी महसूलमंत्री चंद्रकांत पाटील यांच्याशी चर्चा केली. ज्या लोकांना महसुल विभागाने नोटिसा धाडल्या आहेत. त्यांनी केवळ अकृषि कराची मूळ रक्कम भरावी उर्वरित दंडात्मक रक्कम भरू नये, असा पर्याय त्यातून पुढे आल्यानंतर महसुलमंत्र्यांनी त्याला मंजुरी दिली आहे.
अकृषिक कराची मूळ रक्कम ही अत्यंत किरकोळ आहे. मात्र, ती न भरल्यास १०० रुपये प्रतिदिन अशी दंड केला जातो. महसूल विभागाने अनेक वर्षे या करवसुलीसाठी प्रयत्नच केले नव्हते. यंदा अचानक थकबाकीसह दंडात्मक रकमेच्या नोटिसा धाडल्या आहे. झोपड्यांना ९०-९० हजारांच्या आणि व्यापाऱ्यांना तीन-तीन लाखांच्या नोटिसाही आल्याने अनेक जण हवालदिल झाले होते. मात्र, सरकारच्या नव्या निर्णयामुळे त्यांना दिलासा मिळाला आहे.