म. टा. वृत्तसेवा, नवी मुंबई
ओला कारच्या धडकेत जबर जखमी झालेल्या मोटारसायकलवरील तरुणाला ओलाचालकाने रुग्णालयात उपचारासाठी नेतो, असे सांगून रस्त्यात टाकून पलायन केल्याची घटना उघडकीस आली आहे. या तरुणाचा मृतदेह रात्री उशिरा उरण फाट्याजवळ आढळून आल्यानंतर पोलिसांनी ओला कारचालकाचा शोध घेऊन त्याला अटक केली.
कामोठ्यात राहणारा सचिन सुर्वे (३०) शुक्रवारी रात्री नऊच्या सुमारास सचिन मोटारसायकलवरून पामबीचमार्गे जात असताना, सीबीडी सेक्टर १५ परिसरात ओला कंपनीच्या स्विफ्ट डिझायर कारने त्याला धडक दिली होती. यात सचिन जबर जखमी झाल्याने ओलाचालक रईस खान याने सचिनला रुग्णालयात नेण्यासाठी कारमध्ये ठेवले. अपघातावेळी घटनास्थळी असलेल्या काहींनी सीबीडी पोलिसांना फोन करून कार तसेच मोटारसायकलचे नंबर दिले. तसेच, चालकाने जखमीला रुग्णालयात नेल्याचीही माहिती प्रत्यक्षदर्शींनी पोलिसांना दिली. मात्र ओला कारचालकाने सचिनला रुग्णालयात न नेता उरण फाटा येथे रस्त्याच्या बाजूला टाकून पलायन केले. सीबीडी पोलिसांनी आजूबाजूच्या रुग्णालयात जखमी व्यक्तीची माहिती घेण्यास सुरुवात केली. मात्र कुठल्याच रुग्णालयात जखमी रुग्ण दाखल नसल्याचे पोलिसांना सांगण्यात आले. याचदरम्यान, एका व्यक्तीला उरण फाटा येथील रस्त्यालगत व्यक्ती पडल्याचे निदर्शनास आल्यानंतर त्याने नियंत्रण कक्षाला माहिती दिली. तपासाअंती तो मृतदेह सचिनचा असल्याचे निष्पन्न झाले.
सचिनला बेवारसस्थितीत टाकून पळून गेलेल्या ओला कारचालकाच्या कारचा नंबर पोलिसांकडे असल्याने पोलिसांनी ओला कंपनीकडून या कारचालकाचा शोध घेतला असता, रईसनेच सचिनला धडक देऊन नंतर त्याला बेवारसस्थितीत टाकून पलायन केल्याचे तपासात स्पष्ट झाले. त्यामुळे रात्रीच ओलाचालकाला अटक केल्याची माहिती वरिष्ठ पोलिस निरीक्षक संगिता शिंदे अल्फान्सो यांनी दिली.
ओला कारच्या धडकेत जबर जखमी झालेल्या मोटारसायकलवरील तरुणाला ओलाचालकाने रुग्णालयात उपचारासाठी नेतो, असे सांगून रस्त्यात टाकून पलायन केल्याची घटना उघडकीस आली आहे. या तरुणाचा मृतदेह रात्री उशिरा उरण फाट्याजवळ आढळून आल्यानंतर पोलिसांनी ओला कारचालकाचा शोध घेऊन त्याला अटक केली.
कामोठ्यात राहणारा सचिन सुर्वे (३०) शुक्रवारी रात्री नऊच्या सुमारास सचिन मोटारसायकलवरून पामबीचमार्गे जात असताना, सीबीडी सेक्टर १५ परिसरात ओला कंपनीच्या स्विफ्ट डिझायर कारने त्याला धडक दिली होती. यात सचिन जबर जखमी झाल्याने ओलाचालक रईस खान याने सचिनला रुग्णालयात नेण्यासाठी कारमध्ये ठेवले. अपघातावेळी घटनास्थळी असलेल्या काहींनी सीबीडी पोलिसांना फोन करून कार तसेच मोटारसायकलचे नंबर दिले. तसेच, चालकाने जखमीला रुग्णालयात नेल्याचीही माहिती प्रत्यक्षदर्शींनी पोलिसांना दिली. मात्र ओला कारचालकाने सचिनला रुग्णालयात न नेता उरण फाटा येथे रस्त्याच्या बाजूला टाकून पलायन केले. सीबीडी पोलिसांनी आजूबाजूच्या रुग्णालयात जखमी व्यक्तीची माहिती घेण्यास सुरुवात केली. मात्र कुठल्याच रुग्णालयात जखमी रुग्ण दाखल नसल्याचे पोलिसांना सांगण्यात आले. याचदरम्यान, एका व्यक्तीला उरण फाटा येथील रस्त्यालगत व्यक्ती पडल्याचे निदर्शनास आल्यानंतर त्याने नियंत्रण कक्षाला माहिती दिली. तपासाअंती तो मृतदेह सचिनचा असल्याचे निष्पन्न झाले.
सचिनला बेवारसस्थितीत टाकून पळून गेलेल्या ओला कारचालकाच्या कारचा नंबर पोलिसांकडे असल्याने पोलिसांनी ओला कंपनीकडून या कारचालकाचा शोध घेतला असता, रईसनेच सचिनला धडक देऊन नंतर त्याला बेवारसस्थितीत टाकून पलायन केल्याचे तपासात स्पष्ट झाले. त्यामुळे रात्रीच ओलाचालकाला अटक केल्याची माहिती वरिष्ठ पोलिस निरीक्षक संगिता शिंदे अल्फान्सो यांनी दिली.