म. टा. वृत्तसेवा, ठाणे
थकीत रोड टॅक्स वाचवण्यासाठी बसची नंबर प्लेटच बदलली. मात्र ट्रॅव्हल्स व्यावसायिकाची ही चलाखी अखेर पोलिसांपुढे टिकली नाही. गुन्हे शाखेने दोघांविरुद्ध कारवाईत करत फसवणुकीचा गुन्हा दाखल केला असून एकाला अटक करण्यात आली आहे.
आरोपी शिवपूजन बेसाई उर्फ रमेश विश्वकर्मा आणि त्याचा मुलगा गणेश बेसाई उर्फ गणेश विश्वकर्मा (२५) रा. जिलानी वाडी, हाजुरी, वागळे इस्टेट यांचा ट्रॅव्हल्सचा व्यवसाय आहे. त्यांच्याकडे खासगी बस आहेत. मात्र दोन बसला एकच नंबर प्लेट लावून व्यवसाय करत असल्याची माहिती गुन्हे शाखेचे वरिष्ठ पोलिस निरीक्षक नितीन ठाकरे यांना मिळाली होती. त्यानुसार गुन्हे शाखेचे पथक ईस्टर्न एक्स्प्रेस हायवेलगत असलेल्या आरटीओ कार्यालयाजवळ धडकले. त्याठिकाणी सर्व्हिस रोडवर दोन बस उभ्या होत्या. मात्र दोन्ही बसच्या नंबरप्लेट एमएच ०२ एक्सए ५३३ क्रमांकाचे असल्याचे आढळून आले. नंबर प्लेटबाबत पोलिसांनी त्याठिकाणी उपस्थित असलेला गणेश याच्याकडे चौकशी केली असता वेगळीच माहिती समोर आली. त्यांच्या एमएच ०१ एलए ८१६७ बसचा एक वर्षांपासून रोड टॅक्स थकीत होता. हा टॅक्स वाचवण्यासाठी या बसला एमएच ०२ एक्सए ५३३ या क्रमांकाची नंबर प्लेट लावली असल्याचे गणेशने सांगितले. याप्रकरणी सरकारची फसवणूक केल्याबद्दल वागळे इस्टेट पोलिस ठाण्यात गणेश आणि त्याच्या वडिलांविरुद्ध गुन्हा दाखल करण्यात आला आहे. तसेच गणेशला अटक करण्यात आल्याची माहिती गुन्हे शाखेकडून देण्यात आली.
थकीत रोड टॅक्स वाचवण्यासाठी बसची नंबर प्लेटच बदलली. मात्र ट्रॅव्हल्स व्यावसायिकाची ही चलाखी अखेर पोलिसांपुढे टिकली नाही. गुन्हे शाखेने दोघांविरुद्ध कारवाईत करत फसवणुकीचा गुन्हा दाखल केला असून एकाला अटक करण्यात आली आहे.
आरोपी शिवपूजन बेसाई उर्फ रमेश विश्वकर्मा आणि त्याचा मुलगा गणेश बेसाई उर्फ गणेश विश्वकर्मा (२५) रा. जिलानी वाडी, हाजुरी, वागळे इस्टेट यांचा ट्रॅव्हल्सचा व्यवसाय आहे. त्यांच्याकडे खासगी बस आहेत. मात्र दोन बसला एकच नंबर प्लेट लावून व्यवसाय करत असल्याची माहिती गुन्हे शाखेचे वरिष्ठ पोलिस निरीक्षक नितीन ठाकरे यांना मिळाली होती. त्यानुसार गुन्हे शाखेचे पथक ईस्टर्न एक्स्प्रेस हायवेलगत असलेल्या आरटीओ कार्यालयाजवळ धडकले. त्याठिकाणी सर्व्हिस रोडवर दोन बस उभ्या होत्या. मात्र दोन्ही बसच्या नंबरप्लेट एमएच ०२ एक्सए ५३३ क्रमांकाचे असल्याचे आढळून आले. नंबर प्लेटबाबत पोलिसांनी त्याठिकाणी उपस्थित असलेला गणेश याच्याकडे चौकशी केली असता वेगळीच माहिती समोर आली. त्यांच्या एमएच ०१ एलए ८१६७ बसचा एक वर्षांपासून रोड टॅक्स थकीत होता. हा टॅक्स वाचवण्यासाठी या बसला एमएच ०२ एक्सए ५३३ या क्रमांकाची नंबर प्लेट लावली असल्याचे गणेशने सांगितले. याप्रकरणी सरकारची फसवणूक केल्याबद्दल वागळे इस्टेट पोलिस ठाण्यात गणेश आणि त्याच्या वडिलांविरुद्ध गुन्हा दाखल करण्यात आला आहे. तसेच गणेशला अटक करण्यात आल्याची माहिती गुन्हे शाखेकडून देण्यात आली.