म. टा. वृत्तसेवा, ठाणे
मागील दोन ते तीन दिवसांपासून मुलीचा पाठलाग करणाऱ्या चेतन लाड (३१ रा. बदलापूर) या आरोपीने मुलीचा भाऊ आणि तिच्या काकूवर हत्याराने हल्ला केल्याची घटना बुधवारी दिव्यात घडली. या हल्ल्यात दोघेही जखमी झाले असून मुंब्रा पोलिसांनी आरोपीला अटक केली आहे. विशेष म्हणजे बुधवारी या मुलीचे लग्न होते. मुलीचा ३० वर्षांचा भाऊ तसेच इतर नातेवाईक सकाळी चुनाभट्टीला लग्नासाठी निघाले होते. दिवा स्टेशन रोडवर अचानक पाठीमागून आलेल्या आरोपीने सत्तूरने तू तुझ्या बहिणीचे लग्न दुसऱ्याबरोबर कसे करतोस, असे म्हणत शिवीगाळ केली. नंतर सत्तूरने हल्ला केला. मुलीच्या ६० वर्षांच्या काकीने आरोपीला अडवण्याचा प्रयत्न केला. मात्र आरोपीने तिलाही सत्तूरने मारले. नंतर आरोपी पळून गेला. दोघानाही खासगी रुग्णालयात दाखल झाले. आरोपी हा पेट्रोलपंपावर काम करत असल्याची माहिती पोलिसांनी दिली. विशेष म्हणजे आरोपी हा पूर्वी मुलगी राहत असलेल्या इमारतीमध्येच राहत होता.
मागील दोन ते तीन दिवसांपासून मुलीचा पाठलाग करणाऱ्या चेतन लाड (३१ रा. बदलापूर) या आरोपीने मुलीचा भाऊ आणि तिच्या काकूवर हत्याराने हल्ला केल्याची घटना बुधवारी दिव्यात घडली. या हल्ल्यात दोघेही जखमी झाले असून मुंब्रा पोलिसांनी आरोपीला अटक केली आहे. विशेष म्हणजे बुधवारी या मुलीचे लग्न होते. मुलीचा ३० वर्षांचा भाऊ तसेच इतर नातेवाईक सकाळी चुनाभट्टीला लग्नासाठी निघाले होते. दिवा स्टेशन रोडवर अचानक पाठीमागून आलेल्या आरोपीने सत्तूरने तू तुझ्या बहिणीचे लग्न दुसऱ्याबरोबर कसे करतोस, असे म्हणत शिवीगाळ केली. नंतर सत्तूरने हल्ला केला. मुलीच्या ६० वर्षांच्या काकीने आरोपीला अडवण्याचा प्रयत्न केला. मात्र आरोपीने तिलाही सत्तूरने मारले. नंतर आरोपी पळून गेला. दोघानाही खासगी रुग्णालयात दाखल झाले. आरोपी हा पेट्रोलपंपावर काम करत असल्याची माहिती पोलिसांनी दिली. विशेष म्हणजे आरोपी हा पूर्वी मुलगी राहत असलेल्या इमारतीमध्येच राहत होता.