म. टा. प्रतिनिधी, ठाणे
तुडुंब भरलेल्या बाजारात मखर, रोषणाई यांच्या खरेदीची लगबग दिसून येत असली तरी गर्दीमध्ये बाजारात फेरफटका मारण्यापेक्षा एका क्लिकवर होणाऱ्या खरेदीच्या यादीत गणेशोत्सवातील अनेक वस्तूंचा समावेश झाला आहे. ऑनलाइन मार्केटमधील अनेक 'शॉपिंग साइट्स'वर ग्राहकांच्या सुविधेसाठी 'गणेशोत्सव' असा स्वतंत्र विभाग सुरू झाला असून मखर, रोषणाईचे साहित्य यांची खरेदी सध्या येथे जोमाने सुरू आहे.
शहरातील बाजारपेठांना मागील १५ दिवसांपासूनच गणेशोत्सवाचे वेध लागले असून अखेरच्या काही दिवसांमध्ये तर बाजारात प्रचंड गर्दी दिसून आली. बाजारातील गर्दी, गर्दीतून वाट काढत वस्तूंच्या भावांबाबत घासाघीस करण्यापासून ते पार्किंगची व्यवस्था नसल्याने पायी घरी परतण्य़ापर्यंत अशा सर्वच समस्यांवर उपाय शोधणाऱ्या तरुणांनी यंदाही ऑनलाइन खरेदीला पसंती दिली आहे. कपडे, घरगुती वस्तू, इलेक्ट्रॉनिक उपकरणे यांची सर्रास खरेदी करणारे तरुण सध्या मखरांचा शोध घेत आहेत. अनेक शॉपिंग साइट्सवर सध्या मखरांची खरेदीविक्री होत आहे. काही साइट्सवर नव्या मखरांचे विविध पर्याय उपलब्ध आहेत. फोटो, मखरांत उपलब्ध असलेले रंग, आकारानुसार उंची अशी सर्व माहिती विस्तृतपणे उपलब्ध असल्याने त्यांच्या आधारे ही खरेदी केली जात आहे. ऑनलाइन मार्केटमध्ये इको-फ्रेंडली मखरांचे विविध पर्यायही उपलब्ध असल्याचे ग्राहक सांगतात. यामध्ये कागदी, कापडी असे विविध पर्याय असून ते घरपोच पोहोचविण्याची सुविधाही देण्यात आली आहे, ऑनलाइन खरेदीचे मुख्य आकर्षण असलेली सवलत मखरांवरही असल्याने त्यांची खरेदी करण्याकडे अनेकांचा ओढा आहे. त्यासह रोषणाई, विविध आकारांतील दिवे, आरास करण्यासाठी लागणारे साहित्य यांचीही खरेदी होत असल्याचे दिसते. अनेक साइट्सवर भाड्यानेही मखर देण्याचा पर्याय उपलब्ध आहे, तर काही साइट्सवर जुनी मखरे विकण्यालाही ग्राहकांनी पसंती दिली आहे.
ऑनलाईन खरेदीत गणेशोत्सवाशी निगडीत सर्व सामान मिळतेय. शिवाय, अनेक नवनवीन कल्पनाही येथे सहज मिळतात. घरच्या घरी मखर कसे करावे, त्यासाठी लागणाऱ्या विविध कल्पना, त्याची कृती, संबंधित व्हिडिओ सहज मिळत असल्याने इंटरनेटचा अत्यंत सकारात्मक वापर होत आहे. - वैष्णवी चौधरी
तुडुंब भरलेल्या बाजारात मखर, रोषणाई यांच्या खरेदीची लगबग दिसून येत असली तरी गर्दीमध्ये बाजारात फेरफटका मारण्यापेक्षा एका क्लिकवर होणाऱ्या खरेदीच्या यादीत गणेशोत्सवातील अनेक वस्तूंचा समावेश झाला आहे. ऑनलाइन मार्केटमधील अनेक 'शॉपिंग साइट्स'वर ग्राहकांच्या सुविधेसाठी 'गणेशोत्सव' असा स्वतंत्र विभाग सुरू झाला असून मखर, रोषणाईचे साहित्य यांची खरेदी सध्या येथे जोमाने सुरू आहे.
शहरातील बाजारपेठांना मागील १५ दिवसांपासूनच गणेशोत्सवाचे वेध लागले असून अखेरच्या काही दिवसांमध्ये तर बाजारात प्रचंड गर्दी दिसून आली. बाजारातील गर्दी, गर्दीतून वाट काढत वस्तूंच्या भावांबाबत घासाघीस करण्यापासून ते पार्किंगची व्यवस्था नसल्याने पायी घरी परतण्य़ापर्यंत अशा सर्वच समस्यांवर उपाय शोधणाऱ्या तरुणांनी यंदाही ऑनलाइन खरेदीला पसंती दिली आहे. कपडे, घरगुती वस्तू, इलेक्ट्रॉनिक उपकरणे यांची सर्रास खरेदी करणारे तरुण सध्या मखरांचा शोध घेत आहेत. अनेक शॉपिंग साइट्सवर सध्या मखरांची खरेदीविक्री होत आहे. काही साइट्सवर नव्या मखरांचे विविध पर्याय उपलब्ध आहेत. फोटो, मखरांत उपलब्ध असलेले रंग, आकारानुसार उंची अशी सर्व माहिती विस्तृतपणे उपलब्ध असल्याने त्यांच्या आधारे ही खरेदी केली जात आहे. ऑनलाइन मार्केटमध्ये इको-फ्रेंडली मखरांचे विविध पर्यायही उपलब्ध असल्याचे ग्राहक सांगतात. यामध्ये कागदी, कापडी असे विविध पर्याय असून ते घरपोच पोहोचविण्याची सुविधाही देण्यात आली आहे, ऑनलाइन खरेदीचे मुख्य आकर्षण असलेली सवलत मखरांवरही असल्याने त्यांची खरेदी करण्याकडे अनेकांचा ओढा आहे. त्यासह रोषणाई, विविध आकारांतील दिवे, आरास करण्यासाठी लागणारे साहित्य यांचीही खरेदी होत असल्याचे दिसते. अनेक साइट्सवर भाड्यानेही मखर देण्याचा पर्याय उपलब्ध आहे, तर काही साइट्सवर जुनी मखरे विकण्यालाही ग्राहकांनी पसंती दिली आहे.
ऑनलाईन खरेदीत गणेशोत्सवाशी निगडीत सर्व सामान मिळतेय. शिवाय, अनेक नवनवीन कल्पनाही येथे सहज मिळतात. घरच्या घरी मखर कसे करावे, त्यासाठी लागणाऱ्या विविध कल्पना, त्याची कृती, संबंधित व्हिडिओ सहज मिळत असल्याने इंटरनेटचा अत्यंत सकारात्मक वापर होत आहे. - वैष्णवी चौधरी