​ राष्ट्रवादी काँग्रेसमधून पुन्हा भाजपमध्ये

म. टा. वृत्तसेवा, पालघर

राष्ट्रवादी काँग्रेस सोडून भाजपमध्ये गेलेल्या माजी नगराध्यक्षसह सात नगरसेवकांची घरवापसी झाली आहे. बुधवारी भाजपने राष्ट्रवादीला धक्का दिला होता, तर गुरुवारी राष्ट्रवादीने भाजपला एक जोरदार धक्का देत चपराक मारली.डहाणूमध्ये भाजपला मोठा धक्का बसला आहे. काही महिन्यांपूर्वी राष्ट्रवादी काँग्रेस सोडून भाजपमध्ये गेलेले माजी नगराध्यक्ष मिहीर शहा यांच्यासह शशिकांत बारी, शैलेश राकमुथा, रेणुका राकामुथा, शमी पिरा, आशा फाटक या नगरसेवकांची घरवापसी झाली आहे. तारा बारी बाबत अद्याप निर्णय समजला नाही. माजी नगराध्यक्ष मिहिर शाह यांच्यासह सहा ते सात नगरसेवकांची घरवापसी झाली आहे. दोन महिन्यांपूर्वीच मुख्यमंत्री देवेंद्र फडणवीस यांच्या उपस्थितीत या नगरसेवकांनी भाजपचा झेंडा हाती घेतला होता. मात्र, अवघ्या दोनच महिन्यांत त्यांनी भाजपला रामराम ठोकून सायंकाळी उशिरा राष्ट्रवादीमध्ये पुन्हा प्रवेश केला.डहाणू नगरपरिषद उमेदवारी अर्ज भरण्याच्या दिवशीच या सातही नगरसेवकांनी सोडचिठ्ठी दिल्याने भाजपला मोठा धक्का बसला आहे.