पालघर : लोकसभेच्या पालघर आणि भंडारा-गोंदिया मतदारसंघासाठी सोमवारी झालेल्या मतदानानंतर एकेक धक्कादायक प्रकार समोर येत आहेत. एका मतदान केंद्रावरील EVM यंत्रे खासगी वाहनातून नेत असल्याचा प्रकार उघडकीस आला आहे.
पालघरच्या चिंचरे गावात हा प्रकार घडला. काही दक्ष नागरिकांमुळे हा प्रकार उघडकीस आला. चिंचरे गावातील १७ क्रमांकाच्या मतदान क्रमांकावर या EVM मशीन्स होत्या. त्या खासगी वाहनातून नेत असल्याचे किराट या गावातील काही नागरिकांच्या लक्षात आले. या नागरिकांनी ही गाडी अडवली. गाडीत निवडणूक झोन अधिकारी दीपक खोत आणि मनोहर खांदे होते. या अधिकाऱ्यांनी नागरिकांना उडवाउडवीची उत्तरे दिली.
या संपूर्ण प्रकरणाची चौकशी करण्याचे आदेश पालघरचे जिल्हाधिकारी प्रशांत नारनवरे यांनी दिले असून या अधिकाऱ्यांवर कारवाई करण्यात येईल असे त्यांनी सांगितले. एम. एच. ०३ बीएस ०९८० असा या खासगी चारचाकी वाहनाचा क्रमांक होता. निवडणूक कर्मचाऱ्यांना अशाप्रकारे मतपेट्या वाहून नेण्यासाठी खासगी वाहनाचा उपयोग करण्याची कोणत्याही प्रकारची परवानगी नसते. त्यामुळे या अधिकाऱ्यांनी खासगी वाहन का वापरले, ते कुठे जात होते याची संपूर्ण चौकशी केली जाणार आहे.
आधीच EVM मधील बिघाडामुळे या निवडणुकीवर प्रश्नचिन्ह उभे राहिले होते, त्यात या प्रकारामुळे संशयाचे सावट आणखी वाढले आहे. पालघर मतदार संघात ७ उमेदवारांचे भवितव्य मतपेटीत बंद झाले आहे. गुरुवारी ३१ मे रोजी या निवडणुकीची मतमोजणी होणार आहे. अनेक मतदान केंद्रांवरील EVM मध्ये तांत्रिक बिघाड झाल्याने मतदानाच्या टक्केवारीला फटका बसला.
पालघरच्या चिंचरे गावात हा प्रकार घडला. काही दक्ष नागरिकांमुळे हा प्रकार उघडकीस आला. चिंचरे गावातील १७ क्रमांकाच्या मतदान क्रमांकावर या EVM मशीन्स होत्या. त्या खासगी वाहनातून नेत असल्याचे किराट या गावातील काही नागरिकांच्या लक्षात आले. या नागरिकांनी ही गाडी अडवली. गाडीत निवडणूक झोन अधिकारी दीपक खोत आणि मनोहर खांदे होते. या अधिकाऱ्यांनी नागरिकांना उडवाउडवीची उत्तरे दिली.
या संपूर्ण प्रकरणाची चौकशी करण्याचे आदेश पालघरचे जिल्हाधिकारी प्रशांत नारनवरे यांनी दिले असून या अधिकाऱ्यांवर कारवाई करण्यात येईल असे त्यांनी सांगितले. एम. एच. ०३ बीएस ०९८० असा या खासगी चारचाकी वाहनाचा क्रमांक होता. निवडणूक कर्मचाऱ्यांना अशाप्रकारे मतपेट्या वाहून नेण्यासाठी खासगी वाहनाचा उपयोग करण्याची कोणत्याही प्रकारची परवानगी नसते. त्यामुळे या अधिकाऱ्यांनी खासगी वाहन का वापरले, ते कुठे जात होते याची संपूर्ण चौकशी केली जाणार आहे.
आधीच EVM मधील बिघाडामुळे या निवडणुकीवर प्रश्नचिन्ह उभे राहिले होते, त्यात या प्रकारामुळे संशयाचे सावट आणखी वाढले आहे. पालघर मतदार संघात ७ उमेदवारांचे भवितव्य मतपेटीत बंद झाले आहे. गुरुवारी ३१ मे रोजी या निवडणुकीची मतमोजणी होणार आहे. अनेक मतदान केंद्रांवरील EVM मध्ये तांत्रिक बिघाड झाल्याने मतदानाच्या टक्केवारीला फटका बसला.