म. टा. वृत्तसेवा, वसई
अनेक ज्येष्ठ नागरिकांमध्ये पार्किन्सन आणि मुव्हमेंट डिसऑर्डर हे आजार सर्रास पाहायला मिळतात. अशा ज्येष्ठ नागरिकांसाठी वसईतील कृपा फाऊंडेशनतर्फे गेल्या वर्षीपासून पार्किन्सन डिसीज अँड मुव्हमेंट डिसऑर्डर सोसायटी यांच्या संयुक्त विद्यमाने मदत गट सुरू करण्यात आला आहे. ज्यामध्ये फिजिओथेरपी, वाचाथेरपी, समुपदेशन आणि तज्ज्ञ डॉक्टरांमार्फत मार्गदर्शन केले जाते. या मदत गटाला चांगला प्रतिसाद मिळत असून रविवारी त्यामार्फत पार्किन्सन आजाराबाबत मोफत निदान आणि उपचार शिबीर उत्साहात पार पडले.
कृपा फाऊंडेशन आणि पार्किन्सन डिसीज अँड मुव्हमेंट डिसऑर्डर सोसायटी यांच्या वतीने कृपा फाऊंडेशन, पापडी येथे मोफत निदान आणि उपचार शिबिराचे आयोजन सकाळी १० ते दुपारी २ यावेळेत करण्यात आले होते. या शिबिराचे उद्घाटन पद्मश्री फादर ज्यो परेरा यांच्या हस्ते झाले. यावेळी पार्किन्सन डिसीज अँड मुव्हमेंट डिसऑर्डर सोसायटीच्या संचालक डॉ. शर्मिला धोंडे, चेतासंस्थेच्या आजारावर उपचार करणारे तज्ज्ञ डॉ. नितीन लोव्हाळे, डॉ. स्वीटी मेटी हे मान्यवर उपस्थित होते. 'समाजासाठी काहीतरी देणे लागतो आणि त्यासाठी मी आणि माझी संस्था कटिबद्ध आहोत. प्रत्येकाने सामाजिक बांधिलकी जपायला हवी', असे या कार्यक्रमाचे उद्घाटक फादर परेरा म्हणाले. या शिबिराचा लाभ ७८ पार्किन्सन रुग्णांनी घेतला.
आरोग्य शिबिरात १५०हून जास्त लोकांनी सहभागी होऊन तज्ज्ञ डॉक्टरांकडून आरोग्य तपासणी करून घेतली. या शिबिरात मोफत औषधेसुद्धा देण्यात आली. कृपा फाऊंडेशन, पापडी येथे गेल्या १ वर्षापासून दर मंगळवारी सकाळी ११ वाजता पार्किन्सन आजार आणि मुव्हमेंट डिसऑर्डर यांच्या साहाय्य समूह केंद्राद्वारे मोफत बहुआयामी उपचार केले जातात. त्याचाही लाभ घ्यावा, असे आवाहन करण्यात आले. अधिक माहितीसाठी कृपा फाउंडेशन ०२५०-२३२६०६९, चंद्रकांत भोसले ९५९४५३५१८७ यांना संपर्क करू शकता.
अनेक ज्येष्ठ नागरिकांमध्ये पार्किन्सन आणि मुव्हमेंट डिसऑर्डर हे आजार सर्रास पाहायला मिळतात. अशा ज्येष्ठ नागरिकांसाठी वसईतील कृपा फाऊंडेशनतर्फे गेल्या वर्षीपासून पार्किन्सन डिसीज अँड मुव्हमेंट डिसऑर्डर सोसायटी यांच्या संयुक्त विद्यमाने मदत गट सुरू करण्यात आला आहे. ज्यामध्ये फिजिओथेरपी, वाचाथेरपी, समुपदेशन आणि तज्ज्ञ डॉक्टरांमार्फत मार्गदर्शन केले जाते. या मदत गटाला चांगला प्रतिसाद मिळत असून रविवारी त्यामार्फत पार्किन्सन आजाराबाबत मोफत निदान आणि उपचार शिबीर उत्साहात पार पडले.
कृपा फाऊंडेशन आणि पार्किन्सन डिसीज अँड मुव्हमेंट डिसऑर्डर सोसायटी यांच्या वतीने कृपा फाऊंडेशन, पापडी येथे मोफत निदान आणि उपचार शिबिराचे आयोजन सकाळी १० ते दुपारी २ यावेळेत करण्यात आले होते. या शिबिराचे उद्घाटन पद्मश्री फादर ज्यो परेरा यांच्या हस्ते झाले. यावेळी पार्किन्सन डिसीज अँड मुव्हमेंट डिसऑर्डर सोसायटीच्या संचालक डॉ. शर्मिला धोंडे, चेतासंस्थेच्या आजारावर उपचार करणारे तज्ज्ञ डॉ. नितीन लोव्हाळे, डॉ. स्वीटी मेटी हे मान्यवर उपस्थित होते. 'समाजासाठी काहीतरी देणे लागतो आणि त्यासाठी मी आणि माझी संस्था कटिबद्ध आहोत. प्रत्येकाने सामाजिक बांधिलकी जपायला हवी', असे या कार्यक्रमाचे उद्घाटक फादर परेरा म्हणाले. या शिबिराचा लाभ ७८ पार्किन्सन रुग्णांनी घेतला.
आरोग्य शिबिरात १५०हून जास्त लोकांनी सहभागी होऊन तज्ज्ञ डॉक्टरांकडून आरोग्य तपासणी करून घेतली. या शिबिरात मोफत औषधेसुद्धा देण्यात आली. कृपा फाऊंडेशन, पापडी येथे गेल्या १ वर्षापासून दर मंगळवारी सकाळी ११ वाजता पार्किन्सन आजार आणि मुव्हमेंट डिसऑर्डर यांच्या साहाय्य समूह केंद्राद्वारे मोफत बहुआयामी उपचार केले जातात. त्याचाही लाभ घ्यावा, असे आवाहन करण्यात आले. अधिक माहितीसाठी कृपा फाउंडेशन ०२५०-२३२६०६९, चंद्रकांत भोसले ९५९४५३५१८७ यांना संपर्क करू शकता.