म. टा. विशेष प्रतिनिधी, ठाणे
घोडबंदर रोडवरील पातलीपाडा, डोंगरीपाडा भागाला पाणीपुरवठा करणारे जलकुंभ जीर्ण झाले असून टाकीच्या परिसरात घाणीचे साम्राज्य असल्याने रहिवाशांना दूषित पाण्याचा पुरवठा होत होता. मात्र, या टाकीची दुरुस्ती करण्यासोबतच या परिसरातील मानवी हस्तक्षेप रोखण्यासाठी कम्पाऊंड वॉल बांधण्याच्या कामासाठी पालिकेने चार कोटी रुपयांच्या प्रस्तावाला मंजुरी दिली आहे. त्यामुळे या परिसरातील सुमारे ४० हजार ठाणेकरांना स्वच्छ पाणीपुरवठा शक्य होणार आहे.
स्थानिक नगरसेवक मनोहर डुंबरे गेल्या चार वर्षांपासून या टाकीच्या दुरुस्तीसाठी प्रयत्नशील होते. पालिका आयुक्त संजीव जयस्वाल यांच्याकडे त्यांनी केलेल्या सततच्या पाठपुराव्यानंतर त्याबाबतचा प्रस्ताव पाणीपुरवठा आणि बांधकाम विभागाने तयार केला होता. नुकत्याच झालेल्या पालिकेच्या सर्वसाधारण सभेत या प्रस्तावाला मंजुरी देण्यात आली आहे. पातलीपाडा आणि डोंगरीपाडा या परिसरात बहुतांश झोपडपट्टी असून निसर्ग, तपोवन आणि उपवन यांसारख्या काही सोसायट्यांसुद्धा आहेत. या भागाला दररोज सात लाख लिटर पाणीपुरवठा करणारी पाण्याची टाकी डोंगरावर असून ती जीर्ण अवस्थेत आहे. या टाकीभोवती असलेली संरक्षक भिंत तुटली असून अनेक जण या परिसरात प्रातःविधीसाठी जात असतात. त्याशिवाय मद्यपींच्या टोळक्यांचा रात्रीच्या वेळी या टाकीला गराडा पडलेला असतो. दारुच्या रिकम्या बाटल्या टाकीत फेकल्या जातात. या साऱ्या अस्वच्छतेमुळे गेली काही वर्षे या भागाला अशुद्ध पाण्याचा पुरवठा होत होता. मनोहर डुंबरे यांनी केलेल्या पाठपुराव्यानंतर दीड दशलक्ष घनमीटरची पाण्याची टाकी बांधणे, त्याभोवती संरक्षक भिंत उभारणे आणि पाणी पुरवठ्यासाठी पाइपलाइन देणे आदी कामांसाठी ४ कोटी २१ लाख रुपयांची तरतूद करण्यात आली आहे. लवकरच या कामाला सुरुवात होणार असून डोंगरीपाडा आणि पातलीपाडा परिसरातील पाण्याची समस्या त्यामुळे मार्गी लागेल, अशी आशा डुंबरे यांनी व्यक्त केली आहे.
घोडबंदर रोडवरील पातलीपाडा, डोंगरीपाडा भागाला पाणीपुरवठा करणारे जलकुंभ जीर्ण झाले असून टाकीच्या परिसरात घाणीचे साम्राज्य असल्याने रहिवाशांना दूषित पाण्याचा पुरवठा होत होता. मात्र, या टाकीची दुरुस्ती करण्यासोबतच या परिसरातील मानवी हस्तक्षेप रोखण्यासाठी कम्पाऊंड वॉल बांधण्याच्या कामासाठी पालिकेने चार कोटी रुपयांच्या प्रस्तावाला मंजुरी दिली आहे. त्यामुळे या परिसरातील सुमारे ४० हजार ठाणेकरांना स्वच्छ पाणीपुरवठा शक्य होणार आहे.
स्थानिक नगरसेवक मनोहर डुंबरे गेल्या चार वर्षांपासून या टाकीच्या दुरुस्तीसाठी प्रयत्नशील होते. पालिका आयुक्त संजीव जयस्वाल यांच्याकडे त्यांनी केलेल्या सततच्या पाठपुराव्यानंतर त्याबाबतचा प्रस्ताव पाणीपुरवठा आणि बांधकाम विभागाने तयार केला होता. नुकत्याच झालेल्या पालिकेच्या सर्वसाधारण सभेत या प्रस्तावाला मंजुरी देण्यात आली आहे. पातलीपाडा आणि डोंगरीपाडा या परिसरात बहुतांश झोपडपट्टी असून निसर्ग, तपोवन आणि उपवन यांसारख्या काही सोसायट्यांसुद्धा आहेत. या भागाला दररोज सात लाख लिटर पाणीपुरवठा करणारी पाण्याची टाकी डोंगरावर असून ती जीर्ण अवस्थेत आहे. या टाकीभोवती असलेली संरक्षक भिंत तुटली असून अनेक जण या परिसरात प्रातःविधीसाठी जात असतात. त्याशिवाय मद्यपींच्या टोळक्यांचा रात्रीच्या वेळी या टाकीला गराडा पडलेला असतो. दारुच्या रिकम्या बाटल्या टाकीत फेकल्या जातात. या साऱ्या अस्वच्छतेमुळे गेली काही वर्षे या भागाला अशुद्ध पाण्याचा पुरवठा होत होता. मनोहर डुंबरे यांनी केलेल्या पाठपुराव्यानंतर दीड दशलक्ष घनमीटरची पाण्याची टाकी बांधणे, त्याभोवती संरक्षक भिंत उभारणे आणि पाणी पुरवठ्यासाठी पाइपलाइन देणे आदी कामांसाठी ४ कोटी २१ लाख रुपयांची तरतूद करण्यात आली आहे. लवकरच या कामाला सुरुवात होणार असून डोंगरीपाडा आणि पातलीपाडा परिसरातील पाण्याची समस्या त्यामुळे मार्गी लागेल, अशी आशा डुंबरे यांनी व्यक्त केली आहे.