म. टा. वृत्तसेवा, पालघर
पालघर जिल्ह्यातील दुर्गम आदिवासी भागातील मोखाडा येथील मुलींच्या शासकीय वसतिगृहास मूलभूत सोयी-सुविधांसह कायमस्वरुपी इमारत मिळणार असल्याची माहिती विधान परिषदेत प्रश्नोत्तराच्या काळात देण्यात आली.
जव्हार आदिवासी प्रकल्पांतर्गत असलेल्या मोखाडा येथील मुलींच्या शासकीय आदिवासी वसतिगृहासाठी एक एकर जागा उपलब्ध झाली असून नवीन इमारतीच्या बांधकामाचे अंदाजपत्रक तयार करण्याची कारवाई सुरू झाली आहे. तसेच प्रवेशित विद्यार्थिनींना मोफत निवास, भोजन व इतर शैक्षणिक आणि मूलभूत सोयी-सुविधा उपलब्ध करून दिल्या जात असल्याचे माहिती आदिवासी विकास मंत्री विष्णू सवरा यांनी विधान परिषदेत दिली.
मोखाडा येथील मुलींच्या निवासी वसतिगृहाला कायमस्वरुपी इमारत व रिक्त पदे भरण्याबाबत तात्काळ कारवाई व्हावी, यासाठी आदिवासी विकास मंत्री, सचिव-आदिवासी विकास व पोलिस अधीक्षक, पालघर यांच्याकडे 'समर्थन' या संस्थेने लेखीपत्राद्वारे तक्रार केली होती. तसेच विधान परिषद सदस्य विद्या चव्हाण, विरोधी पक्षनेते धनंजय मुंडे, किरण पावसकर व इतर सदस्यांमार्फत तारांकित प्रश्न उपस्थित करण्यात आला होता.
या प्रश्नाला उत्तर देताना आदिवासी विकास मंत्र्यांनी वसतिगृहाच्या नवीन इमारतीसाठी जागा उपलब्ध झाली असून लवकरच त्याच्या बांधकामाला सुरुवात होणार आहे. चालू शैक्षणिक वर्षात मोखाडा येथील मुलींच्या वसतिगृहात एकूण ७४ विद्यार्थिनींना प्रवेश दिला असून प्रवेशित विद्यार्थिनींना मोफत निवास, भोजन व इतर शैक्षणिक आणि मूलभूत सुविधा उपलब्ध करून दिल्या जात असल्याची माहिती दिली. या वसतिगृहासाठी सहा पदे मंजूर असून त्यापैकी चार पदे भरलेली आहेत. रिक्त असलेल्या 'कनिष्ठ लिपिक' या पदाच्या भरतीची कार्यवाही करण्यात येत आहे, असेही त्यांनी सांगितले.
पालघर जिल्ह्यातील दुर्गम आदिवासी भागातील मोखाडा येथील मुलींच्या शासकीय वसतिगृहास मूलभूत सोयी-सुविधांसह कायमस्वरुपी इमारत मिळणार असल्याची माहिती विधान परिषदेत प्रश्नोत्तराच्या काळात देण्यात आली.
जव्हार आदिवासी प्रकल्पांतर्गत असलेल्या मोखाडा येथील मुलींच्या शासकीय आदिवासी वसतिगृहासाठी एक एकर जागा उपलब्ध झाली असून नवीन इमारतीच्या बांधकामाचे अंदाजपत्रक तयार करण्याची कारवाई सुरू झाली आहे. तसेच प्रवेशित विद्यार्थिनींना मोफत निवास, भोजन व इतर शैक्षणिक आणि मूलभूत सोयी-सुविधा उपलब्ध करून दिल्या जात असल्याचे माहिती आदिवासी विकास मंत्री विष्णू सवरा यांनी विधान परिषदेत दिली.
मोखाडा येथील मुलींच्या निवासी वसतिगृहाला कायमस्वरुपी इमारत व रिक्त पदे भरण्याबाबत तात्काळ कारवाई व्हावी, यासाठी आदिवासी विकास मंत्री, सचिव-आदिवासी विकास व पोलिस अधीक्षक, पालघर यांच्याकडे 'समर्थन' या संस्थेने लेखीपत्राद्वारे तक्रार केली होती. तसेच विधान परिषद सदस्य विद्या चव्हाण, विरोधी पक्षनेते धनंजय मुंडे, किरण पावसकर व इतर सदस्यांमार्फत तारांकित प्रश्न उपस्थित करण्यात आला होता.
या प्रश्नाला उत्तर देताना आदिवासी विकास मंत्र्यांनी वसतिगृहाच्या नवीन इमारतीसाठी जागा उपलब्ध झाली असून लवकरच त्याच्या बांधकामाला सुरुवात होणार आहे. चालू शैक्षणिक वर्षात मोखाडा येथील मुलींच्या वसतिगृहात एकूण ७४ विद्यार्थिनींना प्रवेश दिला असून प्रवेशित विद्यार्थिनींना मोफत निवास, भोजन व इतर शैक्षणिक आणि मूलभूत सुविधा उपलब्ध करून दिल्या जात असल्याची माहिती दिली. या वसतिगृहासाठी सहा पदे मंजूर असून त्यापैकी चार पदे भरलेली आहेत. रिक्त असलेल्या 'कनिष्ठ लिपिक' या पदाच्या भरतीची कार्यवाही करण्यात येत आहे, असेही त्यांनी सांगितले.