म. टा. वृत्तसेवा, ठाणे
सार्वजनिक गणेशोत्सवाच्या मंडपाची परवानगी देण्याची प्रक्रिया सुलभ करण्यासोबतच मंडळांनी अर्ज केल्यानंतर त्यांना २४ तासांत मंडप परवानगी द्यावी, असे आदेश पालिका आयुक्त संजीव जयस्वाल यांनी मंगळवारी पालिकेच्या संबंधित अधिकाऱ्यांना दिले आहेत. मात्र, ही परवानगी देताना उच्च न्यायालयाच्या निर्देशांची पायमल्ली होणार नाही, याचीही दक्षता घ्यावी, अशा सूचनाही त्यांनी केल्या आहेत.
गणेशोत्सवासाठी आवश्यक असलेल्या पालिकेकडील परवानग्या मिळण्यास विलंब होत असल्याची तक्रार अनेक गणेशोत्सव मंडळांकडून केली जात होती. त्या पार्श्वभूमीवर आयुक्तांनी हे आदेश दिले आहेत. त्याशिवाय गेल्या काही दिवसांपासून होत असलेल्या संततधार पावसामुळे रस्त्यांवरील खड्ड्यांचे प्रमाणही वाढले आहे. त्यामुळे गणेशोत्सवाच्या मार्गात अडथळे उभे ठाकण्याची भीती व्यक्त केली जात आहे. त्यामुळे खड्डे भरण्याची मोहीम युद्धपातळीवर राबविण्यात यावी, असे सक्त आदेशही आयुक्तांनी दिले आहेत. विशेष म्हणजे ज्या मार्गावरून श्री गणेशाचे आगमन आणि विसर्जन होणार आहे, त्या मार्गावरील खड्डे कोणत्याही स्थितीत १० सप्टेंबरपर्यंत भरण्याचे आदेशही नगर अभियंता आणि सर्व प्रभागाच्या कार्यकारी अभियंत्यांना दिले आहेत. यावेळी सार्वजनिक बांधकाम विभागाने तयार केलेल्या मार्गिका नकाशाची आयुक्तांनी पाहणी करून त्यानुसार खड्डे भरण्याची मोहीम हाती घेण्याच्या सूचनाही दिल्या.
सार्वजनिक गणेशोत्सवाच्या मंडपाची परवानगी देण्याची प्रक्रिया सुलभ करण्यासोबतच मंडळांनी अर्ज केल्यानंतर त्यांना २४ तासांत मंडप परवानगी द्यावी, असे आदेश पालिका आयुक्त संजीव जयस्वाल यांनी मंगळवारी पालिकेच्या संबंधित अधिकाऱ्यांना दिले आहेत. मात्र, ही परवानगी देताना उच्च न्यायालयाच्या निर्देशांची पायमल्ली होणार नाही, याचीही दक्षता घ्यावी, अशा सूचनाही त्यांनी केल्या आहेत.
गणेशोत्सवासाठी आवश्यक असलेल्या पालिकेकडील परवानग्या मिळण्यास विलंब होत असल्याची तक्रार अनेक गणेशोत्सव मंडळांकडून केली जात होती. त्या पार्श्वभूमीवर आयुक्तांनी हे आदेश दिले आहेत. त्याशिवाय गेल्या काही दिवसांपासून होत असलेल्या संततधार पावसामुळे रस्त्यांवरील खड्ड्यांचे प्रमाणही वाढले आहे. त्यामुळे गणेशोत्सवाच्या मार्गात अडथळे उभे ठाकण्याची भीती व्यक्त केली जात आहे. त्यामुळे खड्डे भरण्याची मोहीम युद्धपातळीवर राबविण्यात यावी, असे सक्त आदेशही आयुक्तांनी दिले आहेत. विशेष म्हणजे ज्या मार्गावरून श्री गणेशाचे आगमन आणि विसर्जन होणार आहे, त्या मार्गावरील खड्डे कोणत्याही स्थितीत १० सप्टेंबरपर्यंत भरण्याचे आदेशही नगर अभियंता आणि सर्व प्रभागाच्या कार्यकारी अभियंत्यांना दिले आहेत. यावेळी सार्वजनिक बांधकाम विभागाने तयार केलेल्या मार्गिका नकाशाची आयुक्तांनी पाहणी करून त्यानुसार खड्डे भरण्याची मोहीम हाती घेण्याच्या सूचनाही दिल्या.