म. टा. वृत्तसेवा, ठाणे
फेसबुक, ईमेल, इंस्टाग्राम आदी सोशल नेटवर्किंग साइट्स हॅक करून अश्लील फोटो अपलोड करण्याची धमकी देत तरुणीकडून पाच लाखांची मागणी करत १५ हजार रुपये उकळल्याची घटना ठाण्याच्या नौपाडा भागात घडली होती. या प्रकरणी पोलिसांनी १७ वर्षीय अल्पवयीन आरोपीच्या थेट छत्तीसगड येथून मुसक्या आवळल्या आहेत. हॅकिंगद्वारे चालणाऱ्या गुन्हेगारीवर बेतलेल्या 'मिकी व्हायरस' चित्रपटातील व्यक्तिरेखेला पाहून प्रेरित होऊन या अल्पवयीन 'मिकी'ने हा कारनामा करण्याचे ठरवले होते. मात्र पोलिसांनी पसरलेल्या 'अन्टी व्हायरस'मध्ये अवघ्या आठवड्याभरातच आरोपी अडकल्याने त्याच्या मनसुब्यांचा 'सर्व्हर'च डाऊन झाला आहे.
पाचपाखाडी येथील नितीन कंपनी भागात राहणाऱ्या एमबीएच्या विद्यार्थिनीला काही दिवसांपूर्वी तिच्या फेसबुक, इमेल, इंस्टाग्राम आदी सोशल नेटवर्किंग अकाउंटचे पासवर्ड बदलल्याचे नोटीफिकेशन आले होते. त्यांनतर त्या तरुणीला तिचे सर्व अकाऊन्ट हॅक केल्याचे सांगत, त्यावर तिचे अश्लील फोटो अपलोड करण्याची धमकी या अल्पवयीन हॅकरने दिली होती. तसेच बदनामीपासून वाचण्यासाठी तरुणीकडून पाच लाखांची मागणी केली होती. त्यानंतर तरुणीने कंटाळून १५ हजार रुपये त्याच्या बँक खात्यात टाकले होते. दरम्यान, गुन्ह्यानंतर पोलिसांनी वेगाने तपासाला सुरुवात केली. गुन्हे शोध एकचे वरिष्ठ पोलिस निरीक्षक एन. टी. कदम आणि तपास पथकाने तरुणीचे अकाऊन्ट हॅक करणारा हॅकर छत्तीसगड येथील अतिदुर्गम भागात राहत असल्याची माहिती मिळवत सोमवारी २१ मार्चला त्याला ताब्यात घेतले. हा हॅकर बारावीत शिकत असून त्याच्याकडून पोलिसांनी लॅपटॉप, मोबाइल्स आदी साहित्य ताब्यात घेतले आहे.
इंटरनेट जगतातील 'मास्टरमाइंड'!
'मिकी व्हायरस' चित्रपट पाहून प्रेरित झालेल्या या अल्पवयीन हॅकरने कॉम्प्युटर विषयक कोणताही कोर्स न करता सायबर कॅफेच्या चकरा मारून इंटरनेटवरूनच हॅकिंगचे ज्ञान घेतले. अवघ्या १७ वर्षीय वयातही त्याचे इंटरनेट, हॅकिंग विषयक ज्ञान प्रचंड आहे.
दुसऱ्यांदा पोलिसांच्या जाळ्यात
मध्यमवर्गीय कुटुंबातील या अल्पवयीन 'हॅकर'ला पोलिसांनी दुसऱ्यांदा अटक केली आहे. दोन महिन्यांपूर्वी मुंबईतील मॉडेलला बनावट मॉडेलिंग वेबसाइटच्या माध्यमातून गंडा घालत याच अल्पवयीन हॅकरने लुटले होते. त्यावेळीही पोलिसांनी त्याला अटक केली होती. या प्रकरणी मालाड येथील बांगूरनगर पोलिस ठाण्यात त्याच्या विरोधात गुन्हा दाखल करण्यात आला आहे. विशेष म्हणजे, ठाण्यातील मुलीचे प्रोफाइल त्याच मॉडेलच्या फेसबुक अकाउन्टमधून अल्पवयीन हॅकरला सापडले होते.
संशयास्पद वेबसाइट 'लॉग इन' टाळा!
तरुणाईला ठगविणाऱ्या वेबसाईट सध्या वाढत आहेत. याबाबत तरुणांसोबत पालकांनीही वेळीच सतर्क होऊन संशयास्पद वाटणाऱ्या वेबसाईट 'लॉग इन' करून नये, तसेच अशा वेबसाइटच्या माध्यमातून फसवणूक झालेल्या व्यक्तींनी पोलिस यंत्रणेशी संपर्क साधावा, असे आवाहन, गुन्हे शाखेचे सहाय्यक पोलिस आयुक्त नागेश लोहार 'मटा'शी बोलताना केले.
फेसबुक, ईमेल, इंस्टाग्राम आदी सोशल नेटवर्किंग साइट्स हॅक करून अश्लील फोटो अपलोड करण्याची धमकी देत तरुणीकडून पाच लाखांची मागणी करत १५ हजार रुपये उकळल्याची घटना ठाण्याच्या नौपाडा भागात घडली होती. या प्रकरणी पोलिसांनी १७ वर्षीय अल्पवयीन आरोपीच्या थेट छत्तीसगड येथून मुसक्या आवळल्या आहेत. हॅकिंगद्वारे चालणाऱ्या गुन्हेगारीवर बेतलेल्या 'मिकी व्हायरस' चित्रपटातील व्यक्तिरेखेला पाहून प्रेरित होऊन या अल्पवयीन 'मिकी'ने हा कारनामा करण्याचे ठरवले होते. मात्र पोलिसांनी पसरलेल्या 'अन्टी व्हायरस'मध्ये अवघ्या आठवड्याभरातच आरोपी अडकल्याने त्याच्या मनसुब्यांचा 'सर्व्हर'च डाऊन झाला आहे.
पाचपाखाडी येथील नितीन कंपनी भागात राहणाऱ्या एमबीएच्या विद्यार्थिनीला काही दिवसांपूर्वी तिच्या फेसबुक, इमेल, इंस्टाग्राम आदी सोशल नेटवर्किंग अकाउंटचे पासवर्ड बदलल्याचे नोटीफिकेशन आले होते. त्यांनतर त्या तरुणीला तिचे सर्व अकाऊन्ट हॅक केल्याचे सांगत, त्यावर तिचे अश्लील फोटो अपलोड करण्याची धमकी या अल्पवयीन हॅकरने दिली होती. तसेच बदनामीपासून वाचण्यासाठी तरुणीकडून पाच लाखांची मागणी केली होती. त्यानंतर तरुणीने कंटाळून १५ हजार रुपये त्याच्या बँक खात्यात टाकले होते. दरम्यान, गुन्ह्यानंतर पोलिसांनी वेगाने तपासाला सुरुवात केली. गुन्हे शोध एकचे वरिष्ठ पोलिस निरीक्षक एन. टी. कदम आणि तपास पथकाने तरुणीचे अकाऊन्ट हॅक करणारा हॅकर छत्तीसगड येथील अतिदुर्गम भागात राहत असल्याची माहिती मिळवत सोमवारी २१ मार्चला त्याला ताब्यात घेतले. हा हॅकर बारावीत शिकत असून त्याच्याकडून पोलिसांनी लॅपटॉप, मोबाइल्स आदी साहित्य ताब्यात घेतले आहे.
इंटरनेट जगतातील 'मास्टरमाइंड'!
'मिकी व्हायरस' चित्रपट पाहून प्रेरित झालेल्या या अल्पवयीन हॅकरने कॉम्प्युटर विषयक कोणताही कोर्स न करता सायबर कॅफेच्या चकरा मारून इंटरनेटवरूनच हॅकिंगचे ज्ञान घेतले. अवघ्या १७ वर्षीय वयातही त्याचे इंटरनेट, हॅकिंग विषयक ज्ञान प्रचंड आहे.
दुसऱ्यांदा पोलिसांच्या जाळ्यात
मध्यमवर्गीय कुटुंबातील या अल्पवयीन 'हॅकर'ला पोलिसांनी दुसऱ्यांदा अटक केली आहे. दोन महिन्यांपूर्वी मुंबईतील मॉडेलला बनावट मॉडेलिंग वेबसाइटच्या माध्यमातून गंडा घालत याच अल्पवयीन हॅकरने लुटले होते. त्यावेळीही पोलिसांनी त्याला अटक केली होती. या प्रकरणी मालाड येथील बांगूरनगर पोलिस ठाण्यात त्याच्या विरोधात गुन्हा दाखल करण्यात आला आहे. विशेष म्हणजे, ठाण्यातील मुलीचे प्रोफाइल त्याच मॉडेलच्या फेसबुक अकाउन्टमधून अल्पवयीन हॅकरला सापडले होते.
संशयास्पद वेबसाइट 'लॉग इन' टाळा!
तरुणाईला ठगविणाऱ्या वेबसाईट सध्या वाढत आहेत. याबाबत तरुणांसोबत पालकांनीही वेळीच सतर्क होऊन संशयास्पद वाटणाऱ्या वेबसाईट 'लॉग इन' करून नये, तसेच अशा वेबसाइटच्या माध्यमातून फसवणूक झालेल्या व्यक्तींनी पोलिस यंत्रणेशी संपर्क साधावा, असे आवाहन, गुन्हे शाखेचे सहाय्यक पोलिस आयुक्त नागेश लोहार 'मटा'शी बोलताना केले.