म. टा. वृत्तसेवा, कल्याण
गणेश विसर्जनादिवशी कायदा-सुव्यवस्था राखण्याचे काम करणाऱ्या पोलिस कर्मचाऱ्याला त्रिकुटाने शिवीगाळ करत मारहाण केली. तसेच त्यांचा गणवेश फाडून चावा घेतल्याचा धक्कादायक प्रकार उघडकीस आला आहे .
महात्मा फुले पोलिस स्थानकाचे पोलिस शिपाई संतोष भोईर आपल्या सहकारी कर्मचाऱ्यांसह बिर्ला कॉलेज रोड परिसरात पेट्रोलिंग करत असताना दत्ता जाधव, रवींद्र जाधव व सुदेश गुप्ता हे तिघे जण या परिसरात आपापसात मारामारी करत असताना आढळून आले. पोलिस शिपाई भोईर यांनी तात्काळ या तिघांना ताब्यात घेतले. त्यामुळे संतापलेल्या दत्ता, रवींद्र व सुदेश या तिघांनी भोईर यांच्याशी वाद घालण्यास सुरुवात केली. तसेच तिघांनी भोईर यांना शिवीगाळ करत धक्काबुक्की केली.
त्यांचा गणवेश फाडला. इतकेच नव्हे तर त्यांना चावा घेत त्यांच्या सहकाऱ्यांनाही मारहाण करून जिवे मारण्याची धमकी दिली. याप्रकरणी महात्मा फुले पोलिस ठाण्यात तक्रार नोंदवण्यात आली. या तक्रारीनुसार पोलिसांनी दत्ता, रवींद्र व सुदेश या तिघांविरोधात गुन्हा दाखल करत त्यांना अटक केली.
गणेश विसर्जनादिवशी कायदा-सुव्यवस्था राखण्याचे काम करणाऱ्या पोलिस कर्मचाऱ्याला त्रिकुटाने शिवीगाळ करत मारहाण केली. तसेच त्यांचा गणवेश फाडून चावा घेतल्याचा धक्कादायक प्रकार उघडकीस आला आहे .
महात्मा फुले पोलिस स्थानकाचे पोलिस शिपाई संतोष भोईर आपल्या सहकारी कर्मचाऱ्यांसह बिर्ला कॉलेज रोड परिसरात पेट्रोलिंग करत असताना दत्ता जाधव, रवींद्र जाधव व सुदेश गुप्ता हे तिघे जण या परिसरात आपापसात मारामारी करत असताना आढळून आले. पोलिस शिपाई भोईर यांनी तात्काळ या तिघांना ताब्यात घेतले. त्यामुळे संतापलेल्या दत्ता, रवींद्र व सुदेश या तिघांनी भोईर यांच्याशी वाद घालण्यास सुरुवात केली. तसेच तिघांनी भोईर यांना शिवीगाळ करत धक्काबुक्की केली.
त्यांचा गणवेश फाडला. इतकेच नव्हे तर त्यांना चावा घेत त्यांच्या सहकाऱ्यांनाही मारहाण करून जिवे मारण्याची धमकी दिली. याप्रकरणी महात्मा फुले पोलिस ठाण्यात तक्रार नोंदवण्यात आली. या तक्रारीनुसार पोलिसांनी दत्ता, रवींद्र व सुदेश या तिघांविरोधात गुन्हा दाखल करत त्यांना अटक केली.