म. टा. वृत्तसेवा, कल्याण
रस्त्यातील अतिक्रमणावर कारवाई करणाऱ्या पालिकेच्या कनिष्ठ इंजिनीअरला मारहाण केल्याच्या निषेधार्थ गुरुवारी पालिकेतील अभियंत्यांनी काम बंद आंदोलन करून निषेध व्यक्त केला. या इंजिनीअरनी उपायुक्त धनाजी तोरस्कर आणि महापौर राजेंद्र देवळेकर यांना निवेदन देत कर्मचाऱ्यांना काम करताना संरक्षण मिळावे, अशी मागणी केली. महापौरांनी आरोपीला कठोर शिक्षा करण्यासाठी पोलिस उपायुक्तांशी चर्चा करण्याचे आश्वासन दिल्यानंतर दोन तासांनी इंजिनीअरनी आपले आंदोलन मागे घेतले.
डोंबिवली पश्चिमेकडील वृंदावन सोसायटी ते राजूनगर या रस्त्याचे विकास आराखड्यानुसार १८ मीटर रुंदीकरण करण्याचे काम सुरू करण्यात आले आहे. या रस्त्यात बाधित होत असलेली अतिक्रमणे हटविण्याचे काम सुरू असताना सोमवारी या रस्त्यात बाधित होत असलेले गाळेमालक विष्णू म्हात्रे आणि त्यांचा मुलगा दीपेश म्हात्रे यांनी या ठिकाणी कामाची पाहणी करणाऱ्या कनिष्ठ अभियंता महेश गुप्ते यांना मारहाण, धक्काबुक्की आणि शिवीगाळ केली होती. याप्रकरणी विष्णूनगर पोलिस ठाण्यात गुन्हा दाखल करण्यात आला होता. मात्र तीन दिवस उलटूनसुद्धा पोलिसांनी आरोपींना अटक केली नसल्याच्या निषेधार्थ गुरुवारी पालिकेतील सर्व इंजिनीअरनी काम बंद आंदोलन करत निषेध व्यक्त केला.
मुख्यालयाच्या प्रवेशद्वारावर थांबलेल्या या अभियंत्यांनी त्या नंतर पालिका आयुक्तांची भेट घेण्याचा प्रयत्न केला. मात्र आयुक्त मुख्यालयात उपस्थित नसल्यामुळे अभियंत्यांनी उपायुक्त धनाजी तोरस्कर यांना निवेदन दिले. यानंतर या अभियंत्यांनी महापौर राजेंद्र देवळेकर यांची भेट घेत त्यांनाही निवेदन दिले. यात प्रशासनाकडे वारंवार मागणी करूनही कनिष्ठ इंजिनीअर आणि तांत्रिक कर्मचारी घटनास्थळी काम करत असताना त्यांना कोणत्याही प्रकारचे संरक्षण मिळत नसल्यामुळे त्याच्यावरील हल्ल्यात वाढ होत असल्यामुळे या कर्मचाऱ्यांना संरक्षण मिळावे, अशी आग्रही मागणी करण्यात आली. या मागणीची तातडीने दखल घेण्याचे आश्वासन देण्यासोबत महापौर देवळेकर यांनी गुप्ते यांना मारहाण करणाऱ्या आरोपींवर कारवाईसाठी पोलिस उपायुक्तांशी चर्चा करण्याचे आश्वासन दिले. दरम्यान संबंधित आरोपींना गुरुवारी विष्णूनगर पोलिसांनी अटक केली आहे.
रस्त्यातील अतिक्रमणावर कारवाई करणाऱ्या पालिकेच्या कनिष्ठ इंजिनीअरला मारहाण केल्याच्या निषेधार्थ गुरुवारी पालिकेतील अभियंत्यांनी काम बंद आंदोलन करून निषेध व्यक्त केला. या इंजिनीअरनी उपायुक्त धनाजी तोरस्कर आणि महापौर राजेंद्र देवळेकर यांना निवेदन देत कर्मचाऱ्यांना काम करताना संरक्षण मिळावे, अशी मागणी केली. महापौरांनी आरोपीला कठोर शिक्षा करण्यासाठी पोलिस उपायुक्तांशी चर्चा करण्याचे आश्वासन दिल्यानंतर दोन तासांनी इंजिनीअरनी आपले आंदोलन मागे घेतले.
डोंबिवली पश्चिमेकडील वृंदावन सोसायटी ते राजूनगर या रस्त्याचे विकास आराखड्यानुसार १८ मीटर रुंदीकरण करण्याचे काम सुरू करण्यात आले आहे. या रस्त्यात बाधित होत असलेली अतिक्रमणे हटविण्याचे काम सुरू असताना सोमवारी या रस्त्यात बाधित होत असलेले गाळेमालक विष्णू म्हात्रे आणि त्यांचा मुलगा दीपेश म्हात्रे यांनी या ठिकाणी कामाची पाहणी करणाऱ्या कनिष्ठ अभियंता महेश गुप्ते यांना मारहाण, धक्काबुक्की आणि शिवीगाळ केली होती. याप्रकरणी विष्णूनगर पोलिस ठाण्यात गुन्हा दाखल करण्यात आला होता. मात्र तीन दिवस उलटूनसुद्धा पोलिसांनी आरोपींना अटक केली नसल्याच्या निषेधार्थ गुरुवारी पालिकेतील सर्व इंजिनीअरनी काम बंद आंदोलन करत निषेध व्यक्त केला.
मुख्यालयाच्या प्रवेशद्वारावर थांबलेल्या या अभियंत्यांनी त्या नंतर पालिका आयुक्तांची भेट घेण्याचा प्रयत्न केला. मात्र आयुक्त मुख्यालयात उपस्थित नसल्यामुळे अभियंत्यांनी उपायुक्त धनाजी तोरस्कर यांना निवेदन दिले. यानंतर या अभियंत्यांनी महापौर राजेंद्र देवळेकर यांची भेट घेत त्यांनाही निवेदन दिले. यात प्रशासनाकडे वारंवार मागणी करूनही कनिष्ठ इंजिनीअर आणि तांत्रिक कर्मचारी घटनास्थळी काम करत असताना त्यांना कोणत्याही प्रकारचे संरक्षण मिळत नसल्यामुळे त्याच्यावरील हल्ल्यात वाढ होत असल्यामुळे या कर्मचाऱ्यांना संरक्षण मिळावे, अशी आग्रही मागणी करण्यात आली. या मागणीची तातडीने दखल घेण्याचे आश्वासन देण्यासोबत महापौर देवळेकर यांनी गुप्ते यांना मारहाण करणाऱ्या आरोपींवर कारवाईसाठी पोलिस उपायुक्तांशी चर्चा करण्याचे आश्वासन दिले. दरम्यान संबंधित आरोपींना गुरुवारी विष्णूनगर पोलिसांनी अटक केली आहे.