म. टा. वृत्तसेवा, मिरा-भाईंदर
मिरा रोड रेल्वे स्थानकात भाईंदर रेल्वे स्थानकाप्रमाणे सरकत्या जिन्याची सुविधा उपलब्ध करावी, अशी मागणी प्रवाशांकडून केली जात होती. त्यानंतर मिरा रोड रेल्वे स्थानकातदेखील दोन सरकत्या जिन्यांचे काम रेल्वे प्रशासनाकडून सुरू करण्यात आले. या सरकत्या जिन्यांचे ई-उद्घाटन नुकतेच खासदार राजन विचारे यांच्या हस्ते करण्यात आले. आमदार गीता जैन यांनी प्रत्यक्षात उपस्थित राहून जिन्यांचे उद्घाटन केले.
मिरा रोड रेल्वे स्थानकातील फलाट क्रमांक २, ३ व ४वर प्रत्येकी एक अशा एकूण तीन नवीन सरकत्या जिन्यांपैकी दोन जिने तयार असताना ते सुरू करण्यास रेल्वेकडून विलंब केला जात होता. त्यामुळे दिवाळीपूर्वीच या सरकत्या जिन्यांचे उद्घाटन करण्यात यावे, अशी मागणी विचारे यांनी रेल्वे प्रशासनाकडे केली होती. त्यानुसार महाव्यवस्थापकांनी त्याच्या उद्घाटनाला मान्यता दिल्यानंतर विचारे यांनी शुक्रवारी झूम अॅपद्वारे उद्घाटन केले. यावेळी मिरा रोड व भाईंदर रेल्वे स्थानकात विविध सुविधा उपलब्ध करून देण्यासाठी सतत पश्चिम रेल्वे महाव्यवस्थापकांकडे पाठपुरावा करत आहे. तसेच मिरा रोड फलाट क्रमांक १ व ४वर नवीन लिफ्टची सुविधा लवकरच दिली जाणार आहे. भाईंदर रेल्वे स्थानकातील फलाट क्रमांक ६ वर एका सरकत्या जिन्याचे काम लवकरच पूर्ण केले जाणार आहे, अशी माहिती विचारे यांनी दिली. भाईंदर रेल्वे स्थानकातील फलाट क्रमांक ३ व ४वर उत्तर व दक्षिण दिशेस लिफ्टची सुविधा, फलाट क्रमांक १वर उत्तर दिशेस एक सरकता जिना व लिफ्टची सुविधा, तर दक्षिण दिशेस १० मीटर रुंदीचा नवीन पादचारी पूल, स्टेशन मास्तर कार्यालयासह रेल्वेच्या इतर कार्यालयांचे नूतनीकरण केले जाणार असल्याचे त्यांनी सांगितले. मिरा रोड रेल्वे स्थानकातील सरकत्या जिन्याच्या प्रत्यक्ष उद्घाटनावेळी आ. प्रताप सरनाईक, आ. गीता जैन, जिल्हाप्रमुख प्रभाकर म्हात्रे व काँग्रेस जिल्हाध्यक्ष प्रमोद सावंत यांच्यासह इतरही नगरसेवक व कार्यकर्ते उपस्थित होते.
मिरा रोड रेल्वे स्थानकात भाईंदर रेल्वे स्थानकाप्रमाणे सरकत्या जिन्याची सुविधा उपलब्ध करावी, अशी मागणी प्रवाशांकडून केली जात होती. त्यानंतर मिरा रोड रेल्वे स्थानकातदेखील दोन सरकत्या जिन्यांचे काम रेल्वे प्रशासनाकडून सुरू करण्यात आले. या सरकत्या जिन्यांचे ई-उद्घाटन नुकतेच खासदार राजन विचारे यांच्या हस्ते करण्यात आले. आमदार गीता जैन यांनी प्रत्यक्षात उपस्थित राहून जिन्यांचे उद्घाटन केले.
मिरा रोड रेल्वे स्थानकातील फलाट क्रमांक २, ३ व ४वर प्रत्येकी एक अशा एकूण तीन नवीन सरकत्या जिन्यांपैकी दोन जिने तयार असताना ते सुरू करण्यास रेल्वेकडून विलंब केला जात होता. त्यामुळे दिवाळीपूर्वीच या सरकत्या जिन्यांचे उद्घाटन करण्यात यावे, अशी मागणी विचारे यांनी रेल्वे प्रशासनाकडे केली होती. त्यानुसार महाव्यवस्थापकांनी त्याच्या उद्घाटनाला मान्यता दिल्यानंतर विचारे यांनी शुक्रवारी झूम अॅपद्वारे उद्घाटन केले. यावेळी मिरा रोड व भाईंदर रेल्वे स्थानकात विविध सुविधा उपलब्ध करून देण्यासाठी सतत पश्चिम रेल्वे महाव्यवस्थापकांकडे पाठपुरावा करत आहे. तसेच मिरा रोड फलाट क्रमांक १ व ४वर नवीन लिफ्टची सुविधा लवकरच दिली जाणार आहे. भाईंदर रेल्वे स्थानकातील फलाट क्रमांक ६ वर एका सरकत्या जिन्याचे काम लवकरच पूर्ण केले जाणार आहे, अशी माहिती विचारे यांनी दिली. भाईंदर रेल्वे स्थानकातील फलाट क्रमांक ३ व ४वर उत्तर व दक्षिण दिशेस लिफ्टची सुविधा, फलाट क्रमांक १वर उत्तर दिशेस एक सरकता जिना व लिफ्टची सुविधा, तर दक्षिण दिशेस १० मीटर रुंदीचा नवीन पादचारी पूल, स्टेशन मास्तर कार्यालयासह रेल्वेच्या इतर कार्यालयांचे नूतनीकरण केले जाणार असल्याचे त्यांनी सांगितले. मिरा रोड रेल्वे स्थानकातील सरकत्या जिन्याच्या प्रत्यक्ष उद्घाटनावेळी आ. प्रताप सरनाईक, आ. गीता जैन, जिल्हाप्रमुख प्रभाकर म्हात्रे व काँग्रेस जिल्हाध्यक्ष प्रमोद सावंत यांच्यासह इतरही नगरसेवक व कार्यकर्ते उपस्थित होते.