अ‍ॅपशहर

अविनाश जाधव आणि संदीप देशपांडे भिडणार; राहुल गांधींच्या सभेत गनिमी काव्याने घुसणार

Bharat Jodo Yatra : राहुल गांधी यांची उद्या होणारी सभा मनसे उधळून लावण्याचा प्रयत्न करणार असून त्यासाठी मुंबईहून मनसैनिक शेगावच्या दिशेने रवाना झाले आहेत.

Authored byटीम मटा ऑनलाइन | Edited byअक्षय शितोळे | महाराष्ट्र टाइम्स.कॉम 17 Nov 2022, 10:00 pm
ठाणे : काँग्रेस नेते आणि खासदार राहुल गांधी यांनी भारत जोडो यात्रेच्या दरम्यान स्वातंत्र्यवीर सावरकर यांच्यावर केलेल्या वक्तव्यानंतर नवा वाद निर्माण झाला आहे. या मुद्द्यावरून राज ठाकरे यांचा मनसे पक्षही आक्रमक झाला असून उद्या शेगाव येथे होणारी राहुल गांधी यांची सभा उधळून लावणार असल्याचा इशारा मनसेकडून देण्यात आला आहे. ही सभा उधळण्यासाठी मनसे गनिमी काव्याने शेगावमधील सभेत घुसणार असल्याचं मनसे नेते संदीप देशपांडे आणि अविनाश जाधव यांच्याकडून सांगण्यात आलं आहे.
महाराष्ट्र टाइम्स.कॉम sandeep deshpande avinash jadhav
संदीप देशपांडे - अविनाश जाधव


मी तुमचा नोकर होऊन राहण्यास तयार आहे, असं म्हणत स्वातंत्र्यवीर सावरकर यांनी इंग्रजांकडे माफीनामा सादर केल्याचं राहुल गांधी यांनी म्हटलं होतं. राहुल गांधी यांच्या याच वक्तव्यावरून महाराष्ट्र नवनिर्माण सेना चांगलीच आक्रमक झालेली पाहायला मिळत आहे. राहुल गांधी यांची भारत जोडो यात्रा महाराष्ट्रातील शेगाव येथे पोहोचली आहे. शेगाव येथे काँग्रेसकडून भव्य सभेचे आयोजन करण्यात आलं आहे. मात्र यापुढे राहुल गांधी पुन्हा कधी महाराष्ट्रात सभा घेणार नाही असा धडा शिकवू, असा इशारा मनसेकडून देण्यात आला आहे.

राष्ट्रवादीतून शिवसेनेत, मुंबईतील दिग्गज नेत्याच्या कन्येची युवासेना कार्यकारिणीत नियुक्ती

उद्या होणारी सभा मनसे उधळून लावण्याचा प्रयत्न करणार असून त्यासाठी मुंबईहून मनसैनिक शेगावच्या दिशेने रवाना झाले आहेत. मुंबई, ठाणे, भिवंडी आणि नाशिक या मार्गावरून मनसैनिक शेगाव येथे पोहोचणार आहेत. ही सभा उधळून लावण्यासाठी मनसेचे सरचिटणीस संदीप देशपांडे यांच्यासह ठाणे-पालघर जिल्हाध्यक्ष अविनाश जाधव आणि शेकडो कार्यकर्ते ठाण्यातून शेगावच्या दिशेने रवाना झाले आहेत.

राज्य सरकारचा मोठा निर्णय; नियुक्तीपासून वंचित राहिलेल्या SEBC उमेदवारांना दिलासा

यावेळी पत्रकारांशी संवाद साधताना संदीप देशपांडे यांनी सांगितले की, अविनाश जाधव यांनी अनेक भाई लोकांची भाईगिरी उतरवली आहे. आता पप्पूची पप्पूगिरी उतरवण्यासाठी आम्ही एकत्र चाललो आहे. नक्कीच त्याची पप्पूगिरी पण उतरवली जाईल, असा इशारा यावेळी संदीप देशपांडे यांनी दिला. स्वातंत्र्यवीर सावरकरांचा अपमान करणाऱ्या लोकांना महाराष्ट्रातील लोक जाऊन मिठ्या मारतात अशा सगळ्यांना उद्या चोख उत्तर मनसेकडून मिळणार असल्याचं मनसेकडून सांगण्यात आलं आहे.

दरम्यान, शेगाव येथे पोलिसांनी त्यांचे काम करावे, आम्ही आमचे काम करणार, सावरकरांचा अपमान करणाऱ्या लोकांच्या गळ्यात गळे घालून महाराष्ट्रातले नेते चालत आहेत. संजय राऊत आहेत तरी कोण? त्यांनी साधा निषेध सुद्धा व्यक्त केला नाही. सावरकर किती वर्ष तुरुंगात होते आणि नेहरू किती वर्ष होते, हा इतिहास सर्वांना माहीत असल्याचे यावेळी देशपांडे यांनी सांगितले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज