राजीव गांधी मेडिकल कॉलेजचा भोंगळ कारभार
म. टा. विशेष प्रतिनिधी, ठाणे
मेडिकल कॉलेजमध्ये पदव्युत्तर शिक्षण देण्याच्या खटाटोप ठाणे महापालिका करत असली तरी या कॉलेजातील डिप्लोमासुद्धा पालिका प्रशासनाला धड चालविता येत नसल्याची परिस्थिती आहे. येथील शिक्षणाच्या नावाने बोंब असतानाच पदवीनंतर सीपीएस डिप्लोमाला प्रवेश घेणाऱ्या शिकाऊ डॉक्टरांना नियमित वेतनच मिळत नसल्याची माहिती हाती आली आहे. १ जून रोजी दाखल झालेल्या ३० डॉक्टरांना पहिल्या दोन महिन्यांचे तर ३१ जुलै रोजी दाखल झालेल्या १२ जणांना अद्याप वेतन मिळालेले नाही. विनावेतन काम करण्यास तयारी दाखविणाऱ्या विद्यार्थ्यांनाच येथे प्रवेश दिला जात असल्याचेही सूत्रांचे म्हणणे आहे. त्यामुळे या डिप्लोमाची प्रवेश प्रक्रियासुद्धा सदोष असल्याची शंका व्यक्त केली जात आहे.
ठाणे महापालिकेतर्फे चालविल्या जाणाऱ्या राजीव गांधी मेडिकल कॉलेजमध्ये पुरेशा शैक्षणिक सुविधा उपलब्ध नसून पायाभूत सुविधांचीसुद्धा वानवा असल्याचे ताशेरे इंडियन मेडिकल कौन्सिलने मारले आहेत. या सुविधा सक्षम करण्यासाठी पालिका प्रशासन कोणतेही ठोस प्रयत्न करत नसताना पदव्युत्तर अभ्यासक्रमासाठी मान्यता मिळविण्याची धडपड कॉलेज आणि पालिका प्रशासनाकडून सुरू आहे. येथील प्राध्यापकांची बढती आणि भरतीचा वाद नुकताच चव्हाट्यावर आला असताना आता शिकाऊ डॉक्टरांच्या वेतनाचा नवा वादग्रस्त मुद्दा पुढे आला आहे.
एमबीबीएस झाल्यानंतर अनेक विद्यार्थी कॉलेज ऑफ फिजिशिअन अॅण्ड सर्जन (सीपीएस) या डिप्लोमाला प्रवेश घेतात. राजीव गांधी मेडिकल कॉलेजमध्ये हा अभ्यासक्रम आहे. दरवर्षी ६० विद्यार्थ्यांना त्यासाठी प्रवेश दिला जातो. हेच विद्यार्थी कळवा रुग्णालयात शिकाऊ डॉक्टर म्हणून काम करतात. या डॉक्टरांना नियमानुसार वेतन देणे बंधनकारक आहे. मात्र, कॉलेज प्रशासन या विद्यार्थ्यांना वेतन देण्यात हलगर्जी करत असल्याची माहिती हाती आली आहे. १ जून रोजी ४८ विद्यार्थ्यांना प्रवेश दिला होता. त्यांना पहिल्या दोन महिन्यांचे वेतन मिळाले नाही. त्यांना ऑगस्ट महिन्याचे वेतन देण्यात आले आहे. तर, ३१ जुलै रोजी दाखल झालेल्या १२ शिकाऊ डॉक्टरांनाही ऑगस्ट आणि सप्टेंबर महिन्याचे वेतन मिळालेले नाही. कळवा मेडिकल कॉलेजमध्ये एमबीबीएस झालेला एकही विद्यार्थी येथील सीपीएस डिप्लोमासाठी प्रवेश घेत नाही. येथे अन्य मेडिकल कॉलेजमधील विद्यार्थीच प्रवेश घेत असतात. बहुसंख्य विद्यार्थी हे धनदांडगे असून डिप्लोमाच्या कालावधीतील वेतन मिळाले नाही तरी हरकत नाही, असे पत्रच विद्यार्थ्यांकडून लिहून घेतले जात असल्याची माहिती हाती आली आहे. या पत्रामुळे सर्वसामान्य कुटुंबातील विद्यार्थी प्रवेश घेत नसल्याचेही काही शिकाऊ डॉक्टरांचे म्हणणे आहे.
म. टा. विशेष प्रतिनिधी, ठाणे
मेडिकल कॉलेजमध्ये पदव्युत्तर शिक्षण देण्याच्या खटाटोप ठाणे महापालिका करत असली तरी या कॉलेजातील डिप्लोमासुद्धा पालिका प्रशासनाला धड चालविता येत नसल्याची परिस्थिती आहे. येथील शिक्षणाच्या नावाने बोंब असतानाच पदवीनंतर सीपीएस डिप्लोमाला प्रवेश घेणाऱ्या शिकाऊ डॉक्टरांना नियमित वेतनच मिळत नसल्याची माहिती हाती आली आहे. १ जून रोजी दाखल झालेल्या ३० डॉक्टरांना पहिल्या दोन महिन्यांचे तर ३१ जुलै रोजी दाखल झालेल्या १२ जणांना अद्याप वेतन मिळालेले नाही. विनावेतन काम करण्यास तयारी दाखविणाऱ्या विद्यार्थ्यांनाच येथे प्रवेश दिला जात असल्याचेही सूत्रांचे म्हणणे आहे. त्यामुळे या डिप्लोमाची प्रवेश प्रक्रियासुद्धा सदोष असल्याची शंका व्यक्त केली जात आहे.
ठाणे महापालिकेतर्फे चालविल्या जाणाऱ्या राजीव गांधी मेडिकल कॉलेजमध्ये पुरेशा शैक्षणिक सुविधा उपलब्ध नसून पायाभूत सुविधांचीसुद्धा वानवा असल्याचे ताशेरे इंडियन मेडिकल कौन्सिलने मारले आहेत. या सुविधा सक्षम करण्यासाठी पालिका प्रशासन कोणतेही ठोस प्रयत्न करत नसताना पदव्युत्तर अभ्यासक्रमासाठी मान्यता मिळविण्याची धडपड कॉलेज आणि पालिका प्रशासनाकडून सुरू आहे. येथील प्राध्यापकांची बढती आणि भरतीचा वाद नुकताच चव्हाट्यावर आला असताना आता शिकाऊ डॉक्टरांच्या वेतनाचा नवा वादग्रस्त मुद्दा पुढे आला आहे.
एमबीबीएस झाल्यानंतर अनेक विद्यार्थी कॉलेज ऑफ फिजिशिअन अॅण्ड सर्जन (सीपीएस) या डिप्लोमाला प्रवेश घेतात. राजीव गांधी मेडिकल कॉलेजमध्ये हा अभ्यासक्रम आहे. दरवर्षी ६० विद्यार्थ्यांना त्यासाठी प्रवेश दिला जातो. हेच विद्यार्थी कळवा रुग्णालयात शिकाऊ डॉक्टर म्हणून काम करतात. या डॉक्टरांना नियमानुसार वेतन देणे बंधनकारक आहे. मात्र, कॉलेज प्रशासन या विद्यार्थ्यांना वेतन देण्यात हलगर्जी करत असल्याची माहिती हाती आली आहे. १ जून रोजी ४८ विद्यार्थ्यांना प्रवेश दिला होता. त्यांना पहिल्या दोन महिन्यांचे वेतन मिळाले नाही. त्यांना ऑगस्ट महिन्याचे वेतन देण्यात आले आहे. तर, ३१ जुलै रोजी दाखल झालेल्या १२ शिकाऊ डॉक्टरांनाही ऑगस्ट आणि सप्टेंबर महिन्याचे वेतन मिळालेले नाही. कळवा मेडिकल कॉलेजमध्ये एमबीबीएस झालेला एकही विद्यार्थी येथील सीपीएस डिप्लोमासाठी प्रवेश घेत नाही. येथे अन्य मेडिकल कॉलेजमधील विद्यार्थीच प्रवेश घेत असतात. बहुसंख्य विद्यार्थी हे धनदांडगे असून डिप्लोमाच्या कालावधीतील वेतन मिळाले नाही तरी हरकत नाही, असे पत्रच विद्यार्थ्यांकडून लिहून घेतले जात असल्याची माहिती हाती आली आहे. या पत्रामुळे सर्वसामान्य कुटुंबातील विद्यार्थी प्रवेश घेत नसल्याचेही काही शिकाऊ डॉक्टरांचे म्हणणे आहे.