लहानगीवर बलात्कार

कल्याण : घराबाहेर रात्री खेळत असलेल्या ९ वर्षीय बालिकेचे अपहरण करत तिच्यावर बलात्कार केल्याची घटना ठाकुर्ली म्हसोबा नगर परिसरात घडली. याप्रकरणी डोंबिवली पो‌लिस ठाण्यात गुन्हा दाखल झाल्यानंतर दोन दिवसांनी पोलिसांनी शशिकांत सोनावणे (३१) या नराधमाला शोधून काढत त्याला अटक केली.

डोंबिवली पूर्वेकडील ठाकुर्लीजवळ असलेल्या म्हसोबानगर परिसरात राहणारी ९ वर्षीय मुलगी गुरुवारी रात्री घरासमोर खेळत होती. त्याच परिसरात राहणाऱ्या शशिकांतची तिच्यावर नजर पडली. ती एकटी असल्याचा फायदा घेत त्याने तिचे अपहरण करत तिच्यावर बलात्कार केला. त्यानंतर ५० रुपये तिच्या हातात देत याबाबतची कुणाकडे वाच्यता करू नकोस, अशी दमदाटी करून तो पळून गेला. वेदना असह्य झालेली मुलगी रडत घरी गेली आणि तिने आई-वडिलांना याबाबत सांगितले. तिला पालकांनी उपचारासाठी रुग्णालयात दाखल केले. त्यानंतर डोंबिवली पोलिस ठाणे गाठून तक्रार नोंदवली. कल्याण न्यायालयाने त्याला चार दिवसांची पोलिस कोठडी सुनावली आहे.