बंदीचा ताण कमी करण्याचा वाहतूक पोलिसांचा प्रयत्न
म. टा. प्रतिनिधी, ठाणे
मुंब्रा बायपास रस्त्याच्या दुरुस्तीसाठी हा मार्ग बंद केल्यामुळे मुंब्रा शहराच्या अंतर्गत रस्त्यांवरून मोठ्या प्रमाणामध्ये वाहने वाढल्यामुळे शहरामध्ये वाहतूककोंडीची स्थिती निर्माण झाली होती. त्यातच रमजानचा महिना आल्यामुळे बाजारांमध्ये खरेदीसाठी उतरलेल्या मुंब्रावासीयांना यामुळे मोठा मनस्ताप सहन करावा लागत होता. ही परिस्थिती लक्षात घेऊन वाहतूक पोलिसांनी मुंब्रा शहरातील वाहतुकीमध्ये बदल करण्याचा निर्णय घेतला आहे. मुंब्रा शहरामध्ये येणाऱ्या सगळ्या छोट्या वाहनांना वगळून इतर वाहनांना सायंकाळी ५ ते रात्री १० वाजेपर्यंत बंदी करण्यात आला आहे.रमजान महिना संपेपर्यंत ही अधिसूनचा राहणार आहे.
मुंब्रा बायपास रस्त्याच्या दुरुस्ती कामाला सुरुवात झाली असून या कामामुळे बायपासवरील वाहतूक विविध पर्यायी मार्गांवर वळवण्यात आली आहे. अवजड वाहतूक पर्यायी मार्गाने जात असली तरी छोटी वाहने मात्र मुंब्रा बायपास दिशेने येत असल्यामुळे त्यांना शहरातून जाणाऱ्या मार्गावर वळवले जाते. मोठे अवजड वाहने, ट्रेक, टेम्पो, जीवनावश्यक वस्तूंच्या वाहनांसह मुंब्रा-कौसा रस्त्यावरून गेल्या काही दिवसांपासून ठाणे ते पनवले व नवी मुंबईच्या दिशेने जाणाऱ्या वाहनांची संख्या कमालीची वाढली आहे. या मार्गावर दुतर्फा बाजारपेठ असून त्यावर खरेदीसाठी नागरिकांची वर्दळ नेहमीच असते. १५ मे पासून रमजान महिना सुरू झाला असून त्या निमित्ताने मुंब्रा-कौसा शहरातून सायंकाळच्या वेळी नागरिकांची वर्दळ कमालीची वाढ असते. या मार्गावरील वाढत्या गर्दीतून वाहने जाण्यास होणारा अडथळा लक्षात घेऊन वाहतूक शाखेचे पोलिस उपायुक्त अमित काळे यांनी या भागातून सायंकाळी ५ ते १० या वेळात वाहतूक बंद करण्याचा निर्णय घेतला आहे. मुंब्रा-कौसा शहरातील जुन्या मुंबई पुणे मार्गावर मुंब्रा रेतीबंदर ते मुंब्रा वाय जंक्शन दरम्यान दुचाकी, तीनचाकी, कार व जिप ही वाहने वगळता अन्य वाहनांना बंदी असणार आहे.
पर्यायी वाहतूक मार्ग…
मुंब्रा शहरातून वाहतुक बंद केल्यानंतर ठाण्याकडून मुंब्रा-कौसाच्या दिशेने जाणारी वाहने पारसिक सर्कल येथून खारेगावमार्गे तसेच कल्याणच्या दिशेने जाणारी वाहने पारिसक जंक्शन येथून खारेगाव टोलनाका येथून राष्ट्रीय महामार्ग तीनवरून जाऊ शकतील. तर कल्याण व शिळफाटा बाजूने मुंब्रा कौसाकडे येणारी वाहने म्हापे रोडने नवी मुंबई मार्गे पुढे जातील. अत्यावश्यक सेवा, अग्निशमन, रुग्णवाहिका व पोलिसांच्या वाहनांसाठी ही अधिसूचना लागू राहणार नाही.
म. टा. प्रतिनिधी, ठाणे
मुंब्रा बायपास रस्त्याच्या दुरुस्तीसाठी हा मार्ग बंद केल्यामुळे मुंब्रा शहराच्या अंतर्गत रस्त्यांवरून मोठ्या प्रमाणामध्ये वाहने वाढल्यामुळे शहरामध्ये वाहतूककोंडीची स्थिती निर्माण झाली होती. त्यातच रमजानचा महिना आल्यामुळे बाजारांमध्ये खरेदीसाठी उतरलेल्या मुंब्रावासीयांना यामुळे मोठा मनस्ताप सहन करावा लागत होता. ही परिस्थिती लक्षात घेऊन वाहतूक पोलिसांनी मुंब्रा शहरातील वाहतुकीमध्ये बदल करण्याचा निर्णय घेतला आहे. मुंब्रा शहरामध्ये येणाऱ्या सगळ्या छोट्या वाहनांना वगळून इतर वाहनांना सायंकाळी ५ ते रात्री १० वाजेपर्यंत बंदी करण्यात आला आहे.रमजान महिना संपेपर्यंत ही अधिसूनचा राहणार आहे.
मुंब्रा बायपास रस्त्याच्या दुरुस्ती कामाला सुरुवात झाली असून या कामामुळे बायपासवरील वाहतूक विविध पर्यायी मार्गांवर वळवण्यात आली आहे. अवजड वाहतूक पर्यायी मार्गाने जात असली तरी छोटी वाहने मात्र मुंब्रा बायपास दिशेने येत असल्यामुळे त्यांना शहरातून जाणाऱ्या मार्गावर वळवले जाते. मोठे अवजड वाहने, ट्रेक, टेम्पो, जीवनावश्यक वस्तूंच्या वाहनांसह मुंब्रा-कौसा रस्त्यावरून गेल्या काही दिवसांपासून ठाणे ते पनवले व नवी मुंबईच्या दिशेने जाणाऱ्या वाहनांची संख्या कमालीची वाढली आहे. या मार्गावर दुतर्फा बाजारपेठ असून त्यावर खरेदीसाठी नागरिकांची वर्दळ नेहमीच असते. १५ मे पासून रमजान महिना सुरू झाला असून त्या निमित्ताने मुंब्रा-कौसा शहरातून सायंकाळच्या वेळी नागरिकांची वर्दळ कमालीची वाढ असते. या मार्गावरील वाढत्या गर्दीतून वाहने जाण्यास होणारा अडथळा लक्षात घेऊन वाहतूक शाखेचे पोलिस उपायुक्त अमित काळे यांनी या भागातून सायंकाळी ५ ते १० या वेळात वाहतूक बंद करण्याचा निर्णय घेतला आहे. मुंब्रा-कौसा शहरातील जुन्या मुंबई पुणे मार्गावर मुंब्रा रेतीबंदर ते मुंब्रा वाय जंक्शन दरम्यान दुचाकी, तीनचाकी, कार व जिप ही वाहने वगळता अन्य वाहनांना बंदी असणार आहे.
पर्यायी वाहतूक मार्ग…
मुंब्रा शहरातून वाहतुक बंद केल्यानंतर ठाण्याकडून मुंब्रा-कौसाच्या दिशेने जाणारी वाहने पारसिक सर्कल येथून खारेगावमार्गे तसेच कल्याणच्या दिशेने जाणारी वाहने पारिसक जंक्शन येथून खारेगाव टोलनाका येथून राष्ट्रीय महामार्ग तीनवरून जाऊ शकतील. तर कल्याण व शिळफाटा बाजूने मुंब्रा कौसाकडे येणारी वाहने म्हापे रोडने नवी मुंबई मार्गे पुढे जातील. अत्यावश्यक सेवा, अग्निशमन, रुग्णवाहिका व पोलिसांच्या वाहनांसाठी ही अधिसूचना लागू राहणार नाही.