म. टा. वृत्तसेवा, शहापूर
महामंडळाच्या बसमधून प्रवास करणाऱ्या प्रवाशांच्या खिशातून पैसे चोरी करणाऱ्या चार महिलांना दक्ष नागरिकांनी पोलिसांच्या ताब्यात दिले आहे. शहापूर-मुरबाड बसमध्ये सोमवारी हा प्रकार घडला असून चारही महिलांना किन्हवली पोलिसांनी अटक केली आहे.
शहापूर-किन्हवली-मुरबाड बसमधून शंकर चौधरी हे गृहस्थ प्रवास करीत असताना साठगावजवळ या प्रवाशाच्या खिशातील ८ हजार ५०० रुपये त्याच बसमधून प्रवास करणाऱ्या महिलांनी मोठ्या शिताफीने काढले. मात्र चौधरी व अन्य दक्ष प्रवाशांना चोरट्या महिलांचा प्रकार लक्षात आल्याने त्यांनी रोख रक्कम चोरणाऱ्या चारही महिलांना किन्हवली पोलिसांच्या ताब्यात दिले. या प्रकरणी पल्लवी रवी कुंठे, अंजली सनी कुंठे, अमृता सनी कुंठे व ज्योती शिवराम कुंठे या अंबरनाथ येथील चौघींना किन्हवली पोलिसांनी अटक केली असून त्यांच्याकडून चोरी करण्यात आलेली रक्कम हस्तगत करण्यात आली असल्याचे किन्हवली पोलिस ठाण्याचे सहाय्यक पोलिस निरीक्षक अरुण फेगडे यांनी सांगितले. याबाबत अधिक तपास किन्हवली पोलिस करत आहेत.
महामंडळाच्या बसमधून प्रवास करणाऱ्या प्रवाशांच्या खिशातून पैसे चोरी करणाऱ्या चार महिलांना दक्ष नागरिकांनी पोलिसांच्या ताब्यात दिले आहे. शहापूर-मुरबाड बसमध्ये सोमवारी हा प्रकार घडला असून चारही महिलांना किन्हवली पोलिसांनी अटक केली आहे.
शहापूर-किन्हवली-मुरबाड बसमधून शंकर चौधरी हे गृहस्थ प्रवास करीत असताना साठगावजवळ या प्रवाशाच्या खिशातील ८ हजार ५०० रुपये त्याच बसमधून प्रवास करणाऱ्या महिलांनी मोठ्या शिताफीने काढले. मात्र चौधरी व अन्य दक्ष प्रवाशांना चोरट्या महिलांचा प्रकार लक्षात आल्याने त्यांनी रोख रक्कम चोरणाऱ्या चारही महिलांना किन्हवली पोलिसांच्या ताब्यात दिले. या प्रकरणी पल्लवी रवी कुंठे, अंजली सनी कुंठे, अमृता सनी कुंठे व ज्योती शिवराम कुंठे या अंबरनाथ येथील चौघींना किन्हवली पोलिसांनी अटक केली असून त्यांच्याकडून चोरी करण्यात आलेली रक्कम हस्तगत करण्यात आली असल्याचे किन्हवली पोलिस ठाण्याचे सहाय्यक पोलिस निरीक्षक अरुण फेगडे यांनी सांगितले. याबाबत अधिक तपास किन्हवली पोलिस करत आहेत.