रस्ता अडवून दहीहंडी उत्सव; सुरक्षा नियमांचे उल्लंघन
म. टा. प्रतिनिधी, ठाणे
रस्ते अडवून सण-उत्सव साजरा करणाऱ्यांविरोधात उच्च न्यायालयाकडून कडक निर्बंध लादण्यात आलेले असताना थेट मुख्यमंत्र्यासमोर न्यायालयाच्या आदेशाचे उल्लंघन झाल्याचे समोर आले आहे. ठाण्यात हिरानंदानी मेडोज येथील डॉ. काशिनाथ घाणेकर नाट्यगृहासमोरील संपूर्ण चौक दहीहंडी उत्सवासाठी अडवून धरण्यात आला होता. तर मुख्यमंत्री देवेंद्र फडणवीस तिथे पोहोचल्यानंतर दहीहंडी सुरक्षेच्या नियमावलींना बगल देत आयोजकांनी येथे नऊ थरांची दहीहंडी सुरक्षा व्यवस्थेविना उभी करून न्यायालयाच्या आदेशाचा भंग केला. सुरक्षेची कोणतीही व्यवस्था नसल्यामुळे येथील गोविंदांचा जीव धोक्यात आला होता. विशेष म्हणजे, पोलिस आयुक्त, जिल्हाधिकारी आणि महापालिका आयुक्तांचीही या उत्सवात उपस्थिती असल्याने यंत्रणांनीही या साऱ्याकडे दुर्लक्ष केल्याचे दिसून आले.
१४ वर्षांखालील मुलांना दहीहंडीच्या थरांवर चढण्यास बंदी असून सुरक्षेची व्यवस्थाही महत्त्वाची ठरते. सुरक्षेसाठी सेफ्टी बेल्ट, हेल्मेट, सुरक्षा जाळी किंवा अन्य कोणत्याही प्रकारची व्यवस्था नव्हती. विशेष म्हणजे, पोलिस आयुक्त विवेक फणसळकर, जिल्हाधिकारी राजेंद्र नार्वेकर आणि महापालिका आयुक्त संजीव जयस्वाल यांच्या उपस्थितीमध्ये हा प्रकार सुरू होता.
भाजपसाठी वाहतूक बदल?
शहरातील रस्त्यांवर मंडप घालून उत्सव साजरा करणाऱ्यांविरोधात उच्च न्यायालयाकडून ताशेरे ओढले जात असून प्रशासनाला याविरोधात कठोर कारवाईचे आदेश देण्यात आले आहेत. शहरात छोट्या स्वरूपात उत्सव साजरा करणाऱ्या अनेक मंडळांना परवानगीसाठी कायदेशीर परवानग्या घेण्याची वेळ आली. परंतु भारतीय जनता पक्षाकडून साजऱ्या करण्यात आलेल्या या उत्सवासाठी वाहतूक विभागाकडून अनेक बदल अचानक करण्यात आल्याचे समोर आले आहे. शहरातील महत्त्वाचा वर्दळीचा रस्ता संपूर्ण दिवसभर बंद करताना साधी वाहतूक अधिसूचनाही काढण्यात आली नव्हती. चक्क हेल्थकेअर सेंटरचे दार बंद करून या भागात स्टेज थाटण्याचा प्रकारही घडला. संपूर्ण रस्ता बंद करून आणि पर्यायी रस्ते उपलब्ध न करता हा उत्सव साजरा होत होता. या भागात दिशादर्शक फलकही उभारण्यात आले नसल्यामुळे पादचारी आणि वाहनचालकांना मोठा त्रास झाला.
....…
असा झाला नियमभंग
- वरिष्ठ अधिकाऱ्यांची उपस्थितीत न्यायालय आदेशाला वळसा
- संपूर्ण चौकच उत्सवासाठी अडवला
- सेफ्टी बेल्ट, हेल्मेट, सुरक्षा जाळी किंवा अन्य व्यवस्था नव्हती
- हेल्थकेअर सेंटरचे दार बंद करून स्टेज थाटले
- वाहतूक अधिसूचनाही नव्हती
म. टा. प्रतिनिधी, ठाणे
रस्ते अडवून सण-उत्सव साजरा करणाऱ्यांविरोधात उच्च न्यायालयाकडून कडक निर्बंध लादण्यात आलेले असताना थेट मुख्यमंत्र्यासमोर न्यायालयाच्या आदेशाचे उल्लंघन झाल्याचे समोर आले आहे. ठाण्यात हिरानंदानी मेडोज येथील डॉ. काशिनाथ घाणेकर नाट्यगृहासमोरील संपूर्ण चौक दहीहंडी उत्सवासाठी अडवून धरण्यात आला होता. तर मुख्यमंत्री देवेंद्र फडणवीस तिथे पोहोचल्यानंतर दहीहंडी सुरक्षेच्या नियमावलींना बगल देत आयोजकांनी येथे नऊ थरांची दहीहंडी सुरक्षा व्यवस्थेविना उभी करून न्यायालयाच्या आदेशाचा भंग केला. सुरक्षेची कोणतीही व्यवस्था नसल्यामुळे येथील गोविंदांचा जीव धोक्यात आला होता. विशेष म्हणजे, पोलिस आयुक्त, जिल्हाधिकारी आणि महापालिका आयुक्तांचीही या उत्सवात उपस्थिती असल्याने यंत्रणांनीही या साऱ्याकडे दुर्लक्ष केल्याचे दिसून आले.
१४ वर्षांखालील मुलांना दहीहंडीच्या थरांवर चढण्यास बंदी असून सुरक्षेची व्यवस्थाही महत्त्वाची ठरते. सुरक्षेसाठी सेफ्टी बेल्ट, हेल्मेट, सुरक्षा जाळी किंवा अन्य कोणत्याही प्रकारची व्यवस्था नव्हती. विशेष म्हणजे, पोलिस आयुक्त विवेक फणसळकर, जिल्हाधिकारी राजेंद्र नार्वेकर आणि महापालिका आयुक्त संजीव जयस्वाल यांच्या उपस्थितीमध्ये हा प्रकार सुरू होता.
भाजपसाठी वाहतूक बदल?
शहरातील रस्त्यांवर मंडप घालून उत्सव साजरा करणाऱ्यांविरोधात उच्च न्यायालयाकडून ताशेरे ओढले जात असून प्रशासनाला याविरोधात कठोर कारवाईचे आदेश देण्यात आले आहेत. शहरात छोट्या स्वरूपात उत्सव साजरा करणाऱ्या अनेक मंडळांना परवानगीसाठी कायदेशीर परवानग्या घेण्याची वेळ आली. परंतु भारतीय जनता पक्षाकडून साजऱ्या करण्यात आलेल्या या उत्सवासाठी वाहतूक विभागाकडून अनेक बदल अचानक करण्यात आल्याचे समोर आले आहे. शहरातील महत्त्वाचा वर्दळीचा रस्ता संपूर्ण दिवसभर बंद करताना साधी वाहतूक अधिसूचनाही काढण्यात आली नव्हती. चक्क हेल्थकेअर सेंटरचे दार बंद करून या भागात स्टेज थाटण्याचा प्रकारही घडला. संपूर्ण रस्ता बंद करून आणि पर्यायी रस्ते उपलब्ध न करता हा उत्सव साजरा होत होता. या भागात दिशादर्शक फलकही उभारण्यात आले नसल्यामुळे पादचारी आणि वाहनचालकांना मोठा त्रास झाला.
....…
असा झाला नियमभंग
- वरिष्ठ अधिकाऱ्यांची उपस्थितीत न्यायालय आदेशाला वळसा
- संपूर्ण चौकच उत्सवासाठी अडवला
- सेफ्टी बेल्ट, हेल्मेट, सुरक्षा जाळी किंवा अन्य व्यवस्था नव्हती
- हेल्थकेअर सेंटरचे दार बंद करून स्टेज थाटले
- वाहतूक अधिसूचनाही नव्हती