गट शिक्षण अधिकाऱ्यांचे लेखी आदेश
म. टा. वृत्तसेवा, अंबरनाथ
राष्ट्रीय महिला आयोगाने शाळांमध्ये सॅनिटरी व्हेण्डिंग मशीन बसवण्याचे आदेश काढूनही शहरी भागासह ग्रामीण भागात अद्यापही या मशीन बसवण्यात आल्या नव्हत्या. मात्र मनसेच्या महिला अध्यक्षा संगीता चेंदवणकर यांनी शाळेत व्हेण्डिंग मशीन बसवण्यासाठी केलेल्या पाठपुराव्याला अखेर यश आले आहे. अंबरनाथ पंचायत समितीच्या शिक्षण विभागाने अंबरनाथ, बदलापुरातील प्रत्येक शाळेत सॅनिटरी व्हेण्डिंग मशिन लावण्याचे लेखी आदेश दिले आहेत.
‘बेटी बचाव बेटी बढाव’ तसेच महिला सबलीकरणाच्या अनेक गप्पा शासन करत असले तरी महिलांच्या आरोग्याशी निगडीत महत्त्वाच्या बाबींकडे सरकार दुर्लक्ष करत असते. शाळेत शिकणाऱ्या विद्यार्थिनींच्या आरोग्याची काळजी घेण्यासाठी राष्ट्रीय महिला आयोगाने स्वतंत्र आदेश काढत शहरी भागासह ग्रामीण भागातीलही प्रत्येक शाळेत सॅनिटरी नॅपकिन व्हेण्डिंग मशीन बसवण्याचे आदेश दिले होते. मात्र शिक्षण विभागासह खासगी शाळेतही या आदेशाकडे दुर्लक्ष केल्याचे समोर आले आहे.
अंबरनाथ तालुक्यात लहान मोठ्या दोनशेपेक्षा जास्त शाळा असून, यामध्ये इंग्रजी शाळांची संख्या मोठी असली तरी अनेक नामवंत शाळांमध्येही सॅनिटरी नॅपकिन व्हेण्डिंग मशिन बसविण्याकडे दुर्लक्ष केले आहे. अखेर या प्रकरणी गेल्या दोन वर्षांपासून हे मशिन प्रत्येक शाळांमध्ये बसवण्यासाठी मनसेच्या महिला शहर अध्यक्ष संगीता चेंदवणकर यांनी अंबरनाथ पंचायत समितीचे गट शिक्षण अधिकारी एम. आर. वाघमारे यांच्याशी पत्रव्यवहार केला. तसेच, वारंवार या संदर्भात पाठपुरावा केल्याने अखेर शिक्षण विभागाने अंबरनाथ तालुक्यातील प्रत्येक शाळांमध्ये सॅनिटरी नॅपकिन व्हेण्डिंग मशिन बसविण्याचे लेखी आदेश काढले आहेत.
मशिन लावणार कोण?
तालुक्यातील शाळांमध्ये सॅनिटरी नॅपकिन व्हेण्डिंग मशिन बसविण्याचे लेखी आदेश शिक्षण विभागाने काढले आहेत. मात्र या मशिन खरेदीबाबत प्रश्न उपस्थित झाला आहे. शाळांमध्ये शिक्षण विभागानेच या मशिन बसवण्याची मागणी करण्यात आली आहे.
शाळेत सॅनिटरी नॅपकिन व्हेण्डिंग मशिन बसविण्याच्या आदेशामुळे शाळांमध्ये तरुणींच्या आरोग्याचा प्रश्न मार्गी लागण्यास मदत होईल. केवळ शाळाच नाही तर सर्व सरकारी व निमसरकारी कार्यालयांमध्येही हे मशिन लावण्याची मागणी आम्ही केली आहे.
संगीता चेंदवणकर, मनसे महिला अध्यक्षा, बदलापूर
म. टा. वृत्तसेवा, अंबरनाथ
राष्ट्रीय महिला आयोगाने शाळांमध्ये सॅनिटरी व्हेण्डिंग मशीन बसवण्याचे आदेश काढूनही शहरी भागासह ग्रामीण भागात अद्यापही या मशीन बसवण्यात आल्या नव्हत्या. मात्र मनसेच्या महिला अध्यक्षा संगीता चेंदवणकर यांनी शाळेत व्हेण्डिंग मशीन बसवण्यासाठी केलेल्या पाठपुराव्याला अखेर यश आले आहे. अंबरनाथ पंचायत समितीच्या शिक्षण विभागाने अंबरनाथ, बदलापुरातील प्रत्येक शाळेत सॅनिटरी व्हेण्डिंग मशिन लावण्याचे लेखी आदेश दिले आहेत.
‘बेटी बचाव बेटी बढाव’ तसेच महिला सबलीकरणाच्या अनेक गप्पा शासन करत असले तरी महिलांच्या आरोग्याशी निगडीत महत्त्वाच्या बाबींकडे सरकार दुर्लक्ष करत असते. शाळेत शिकणाऱ्या विद्यार्थिनींच्या आरोग्याची काळजी घेण्यासाठी राष्ट्रीय महिला आयोगाने स्वतंत्र आदेश काढत शहरी भागासह ग्रामीण भागातीलही प्रत्येक शाळेत सॅनिटरी नॅपकिन व्हेण्डिंग मशीन बसवण्याचे आदेश दिले होते. मात्र शिक्षण विभागासह खासगी शाळेतही या आदेशाकडे दुर्लक्ष केल्याचे समोर आले आहे.
अंबरनाथ तालुक्यात लहान मोठ्या दोनशेपेक्षा जास्त शाळा असून, यामध्ये इंग्रजी शाळांची संख्या मोठी असली तरी अनेक नामवंत शाळांमध्येही सॅनिटरी नॅपकिन व्हेण्डिंग मशिन बसविण्याकडे दुर्लक्ष केले आहे. अखेर या प्रकरणी गेल्या दोन वर्षांपासून हे मशिन प्रत्येक शाळांमध्ये बसवण्यासाठी मनसेच्या महिला शहर अध्यक्ष संगीता चेंदवणकर यांनी अंबरनाथ पंचायत समितीचे गट शिक्षण अधिकारी एम. आर. वाघमारे यांच्याशी पत्रव्यवहार केला. तसेच, वारंवार या संदर्भात पाठपुरावा केल्याने अखेर शिक्षण विभागाने अंबरनाथ तालुक्यातील प्रत्येक शाळांमध्ये सॅनिटरी नॅपकिन व्हेण्डिंग मशिन बसविण्याचे लेखी आदेश काढले आहेत.
मशिन लावणार कोण?
तालुक्यातील शाळांमध्ये सॅनिटरी नॅपकिन व्हेण्डिंग मशिन बसविण्याचे लेखी आदेश शिक्षण विभागाने काढले आहेत. मात्र या मशिन खरेदीबाबत प्रश्न उपस्थित झाला आहे. शाळांमध्ये शिक्षण विभागानेच या मशिन बसवण्याची मागणी करण्यात आली आहे.
शाळेत सॅनिटरी नॅपकिन व्हेण्डिंग मशिन बसविण्याच्या आदेशामुळे शाळांमध्ये तरुणींच्या आरोग्याचा प्रश्न मार्गी लागण्यास मदत होईल. केवळ शाळाच नाही तर सर्व सरकारी व निमसरकारी कार्यालयांमध्येही हे मशिन लावण्याची मागणी आम्ही केली आहे.
संगीता चेंदवणकर, मनसे महिला अध्यक्षा, बदलापूर