सिडकोची जागा ताब्यात घेत सॅटिस साकारणार
म. टा. विशेष प्रतिनिधी, ठाणे
कळवा स्टेशन परिसराचा विकास करण्यासाठी या भागात ठाणे स्टेशनच्या धर्तीवर स्टेशन परिसर सुधारणा कार्यक्रम (सॅटिस) राबविण्याचा प्रस्ताव पालिका प्रशासनाने तयार केला आहे. शहराच्या विकास आराखड्यानुसार स्टेशन सभोवताली १०.२५ हेक्टर जागा सिडको प्राधिकरणासाठी आरक्षित ठेवण्यात आली होती. गेल्या २० वर्षांत त्या जागेच्या विकासासाठी सिडकोने कोणतही प्रयत्न न केल्याने त्या जागेचा वापर आता सॅटिस प्रकल्पासाठी केला जाणार आहे.
गेल्या काही वर्षांत ठाणे शहराची लोकसंख्या झपाट्याने वाढत आहे. कळवा- खारीगाव या भागातही नवनवी गृहसंकुले उभी रहात असल्याने कळवा स्टेशनवरील प्रवाशांच्या संख्येतही लक्षणीय वाढ होत आहे. त्याशिवाय, खारीगाव येथील मफतलाल कंपनीची १२३ एकर जागा विकण्यास उच्च न्यायालयाने मंजुरी दिली असून तिथेही मोठ्या प्रमाणात गृहसंकुले उभी राहण्याची शक्यता आहे. ठाणे पालिकेचे माजी आयुक्त आर. ए. राजीव यांच्या कार्यकाळात अतिक्रमणे हटवून कळवा स्टेशन परिसर सुटसुटीत करण्यासाठी स्थानिक आमदार जीतेंद्र आव्हाड यांनी महत्त्वाची भूमिका बजावली होती. मात्र, भविष्यात या स्टेशनवर येणारा ताण लक्षात घेता येथे सॅटिस प्रकल्प उभारण्याची गरज व्यक्त होत आहे. ठाणे महापालिका आयुक्त संजीव जयस्वाल यांच्या सूचनेनुसार कळवा सॅटिसचा प्रस्ताव तयार करण्यात आला असून तो सर्वसाधारण सभेपुढे मंजुरीसाठी मांडण्यात आला आहे.
या परिसरात सिडकोसाठी आरक्षित ठेवलेल्या भूखंडाशेजारी ६० मीटर रुंदीचा रस्ता पालिका बांधणार आहे. हा रस्ता रेल्वे मार्ग ओलांडून मुंबई-पुणे रस्त्याच्या दिशेने जातो. त्यामुळे भविष्यात सिडको या भागात वाहतूक प्रकल्प उभारता येईल, असे गृहित धरून ही जागा सिडकोसाठी आरक्षित ठेवण्यात आली होती. पालिकेने तीन वेळा पत्रव्यवहार केल्यानंतरही सिडकोने त्या जागेच्या विकासात रस दाखविलेला नाही. त्यामुळे पालिकेने या जागेचा विकास करण्याचा निर्णय घेतला आहे. त्यासाठी आरक्षण बदलाचा प्रस्ताव सर्वसाधारण सभेपुढे सादर केल्याची माहिती शहर विकास विभागातील अधिकाऱ्यांनी दिली.
म. टा. विशेष प्रतिनिधी, ठाणे
कळवा स्टेशन परिसराचा विकास करण्यासाठी या भागात ठाणे स्टेशनच्या धर्तीवर स्टेशन परिसर सुधारणा कार्यक्रम (सॅटिस) राबविण्याचा प्रस्ताव पालिका प्रशासनाने तयार केला आहे. शहराच्या विकास आराखड्यानुसार स्टेशन सभोवताली १०.२५ हेक्टर जागा सिडको प्राधिकरणासाठी आरक्षित ठेवण्यात आली होती. गेल्या २० वर्षांत त्या जागेच्या विकासासाठी सिडकोने कोणतही प्रयत्न न केल्याने त्या जागेचा वापर आता सॅटिस प्रकल्पासाठी केला जाणार आहे.
गेल्या काही वर्षांत ठाणे शहराची लोकसंख्या झपाट्याने वाढत आहे. कळवा- खारीगाव या भागातही नवनवी गृहसंकुले उभी रहात असल्याने कळवा स्टेशनवरील प्रवाशांच्या संख्येतही लक्षणीय वाढ होत आहे. त्याशिवाय, खारीगाव येथील मफतलाल कंपनीची १२३ एकर जागा विकण्यास उच्च न्यायालयाने मंजुरी दिली असून तिथेही मोठ्या प्रमाणात गृहसंकुले उभी राहण्याची शक्यता आहे. ठाणे पालिकेचे माजी आयुक्त आर. ए. राजीव यांच्या कार्यकाळात अतिक्रमणे हटवून कळवा स्टेशन परिसर सुटसुटीत करण्यासाठी स्थानिक आमदार जीतेंद्र आव्हाड यांनी महत्त्वाची भूमिका बजावली होती. मात्र, भविष्यात या स्टेशनवर येणारा ताण लक्षात घेता येथे सॅटिस प्रकल्प उभारण्याची गरज व्यक्त होत आहे. ठाणे महापालिका आयुक्त संजीव जयस्वाल यांच्या सूचनेनुसार कळवा सॅटिसचा प्रस्ताव तयार करण्यात आला असून तो सर्वसाधारण सभेपुढे मंजुरीसाठी मांडण्यात आला आहे.
या परिसरात सिडकोसाठी आरक्षित ठेवलेल्या भूखंडाशेजारी ६० मीटर रुंदीचा रस्ता पालिका बांधणार आहे. हा रस्ता रेल्वे मार्ग ओलांडून मुंबई-पुणे रस्त्याच्या दिशेने जातो. त्यामुळे भविष्यात सिडको या भागात वाहतूक प्रकल्प उभारता येईल, असे गृहित धरून ही जागा सिडकोसाठी आरक्षित ठेवण्यात आली होती. पालिकेने तीन वेळा पत्रव्यवहार केल्यानंतरही सिडकोने त्या जागेच्या विकासात रस दाखविलेला नाही. त्यामुळे पालिकेने या जागेचा विकास करण्याचा निर्णय घेतला आहे. त्यासाठी आरक्षण बदलाचा प्रस्ताव सर्वसाधारण सभेपुढे सादर केल्याची माहिती शहर विकास विभागातील अधिकाऱ्यांनी दिली.