म. टा. वृत्तसेवा, डोंबिवली
कल्याण पश्चिमेकडील गौरीपाडा भागातील डीएसडी शाळेच्या फी वाढीचा वाद अजून चिघळण्याची चिन्हे दिसून येत आहेत. फी वाढीच्या निर्णयाला पालकांनी विरोध केल्यानंतर पालक रामेश्वर डाखोरकर यांना शाळा व्यवस्थापनाने तब्बल २५ लाख रुपयांची नोटीस पाठवली. शाळेच्या निर्णयाला विरोध करून शाळेची बदनामी केल्याप्रकरणी ही नोटीस बजावण्यात आलेली आहे.
फीवाढीसाठी एप्रिल महिन्यात शाळेला सुट्टी असताना पालक-शिक्षक समितीची बैठक घेतली. सर्व पालक व शिक्षकांची या फीवाढीला सहमती असल्याचे शाळेकडून भासवले जात असल्याचा आरोप डाखोरकर यांनी केला होता. त्याचबरोबर फी वाढीच्या निर्णयाबद्दल दाद मागितली होती. शाळेविरोधात पालकांकडून फी वाढीबाबत निदर्शनेसुद्धा करण्यात आली. त्यामुळे आता शाळेची बदनामी झाली असल्याचा दावा करत शाळेने भरपाईचा दावा करत २५ लाखांची नोटीस डाखोरकर यांना बजावण्यात आली. डाखोरकर शाळेची विनाकारण बदनामी करीत असल्याने त्यांनी जाहीर माफी मागावी, अथवा १५ दिवसांच्या आत २५ लाख रुपये भरपाई द्यावी, असे नोटिशीमध्ये नमूद केले आहे. शाळेच्या पालकांना फी वाढीबाबत कल्पना दिल्याचा शाळेचा दावा आहे. या आधीसुद्धा नियमानुसार फी वाढ करत असल्याचा दावा शाळेकडून करण्यात आला होता. मात्र त्यानंतरही पालकांकडून याला विरोध आहे. त्यातच डाखोरकर यांच्या पाल्याची फी प्रलंबित असल्याने त्यांना तत्काळ फी भरण्याची सूचना शाळेकडून करण्यात आली होती. आता या नोटिशीनंतर काय कारवाई केली जाते, याकडे सर्वांचे लक्ष लागले आहे.
कल्याण पश्चिमेकडील गौरीपाडा भागातील डीएसडी शाळेच्या फी वाढीचा वाद अजून चिघळण्याची चिन्हे दिसून येत आहेत. फी वाढीच्या निर्णयाला पालकांनी विरोध केल्यानंतर पालक रामेश्वर डाखोरकर यांना शाळा व्यवस्थापनाने तब्बल २५ लाख रुपयांची नोटीस पाठवली. शाळेच्या निर्णयाला विरोध करून शाळेची बदनामी केल्याप्रकरणी ही नोटीस बजावण्यात आलेली आहे.
फीवाढीसाठी एप्रिल महिन्यात शाळेला सुट्टी असताना पालक-शिक्षक समितीची बैठक घेतली. सर्व पालक व शिक्षकांची या फीवाढीला सहमती असल्याचे शाळेकडून भासवले जात असल्याचा आरोप डाखोरकर यांनी केला होता. त्याचबरोबर फी वाढीच्या निर्णयाबद्दल दाद मागितली होती. शाळेविरोधात पालकांकडून फी वाढीबाबत निदर्शनेसुद्धा करण्यात आली. त्यामुळे आता शाळेची बदनामी झाली असल्याचा दावा करत शाळेने भरपाईचा दावा करत २५ लाखांची नोटीस डाखोरकर यांना बजावण्यात आली. डाखोरकर शाळेची विनाकारण बदनामी करीत असल्याने त्यांनी जाहीर माफी मागावी, अथवा १५ दिवसांच्या आत २५ लाख रुपये भरपाई द्यावी, असे नोटिशीमध्ये नमूद केले आहे. शाळेच्या पालकांना फी वाढीबाबत कल्पना दिल्याचा शाळेचा दावा आहे. या आधीसुद्धा नियमानुसार फी वाढ करत असल्याचा दावा शाळेकडून करण्यात आला होता. मात्र त्यानंतरही पालकांकडून याला विरोध आहे. त्यातच डाखोरकर यांच्या पाल्याची फी प्रलंबित असल्याने त्यांना तत्काळ फी भरण्याची सूचना शाळेकडून करण्यात आली होती. आता या नोटिशीनंतर काय कारवाई केली जाते, याकडे सर्वांचे लक्ष लागले आहे.