म. टा. वृत्तसेवा, नवी मुंबई
वाशीतील जागृतेश्वर तलावालगतच्या कांदळवनात ३६ वर्षीय व्यक्तीवर पाच तरुणांकडून सामूहिकरित्या अनैसर्गिक लैंगिक अत्याचाराच्या घटनेमुळे नवी मुंबईत खळबळ उडाली असताना, ही घटना सेक्टर ७ इथल्या कांदळवनातील निर्मनुष्य जागी घडली नसून ती सागर विहार इथल्या बंद घरात झाल्याचे पोलिस तपासात निष्पन्न झाले आहे.
या घटनेतील पीडित व्यक्ती तुर्भे सेक्टर २४ परिसरात राहणारी आहे. गेल्या सोमवारी सायंकाळी ७ वाजण्याच्या सुमारास वाशीतील जागृतेश्वर तलाव घाट क्र. दोन येथे गेलो असता त्याठिकाणी आलेल्या २५ ते ३० वयोगटातील पाच तरुणांनी जबरदस्तीने आपल्याला जागृतेश्वर तलाव घाटालगत कांदळवनाच्या झुडुपात जबरदस्ती नेऊन तेथे आपल्यावर अनैसर्गिक लैंगिक अत्याचार केल्याची तक्रार पीडित व्यक्तीने पोलिसांकडे केली होती. मात्र ज्या ठिकाणी ही घटना घडली त्या परिसरातील सीसीटीव्ही फुटेज पोलिसांनी तपासले असता घटना घडण्यापूर्वी अडीच तास अगोदर संबंधित व्यक्ती मोटारसायकलवर त्या ठिकाणी आली होती. त्यानुसार तपास केला असता, एका बंद घरात हे कृत्य झाल्याचे आढळून आले. त्या तरुणांनी आपल्या पार्श्वभागात जबरदस्तीने नारळाची अर्धवट करवंटी, कंडोम व इतर वस्तू टाकून अमानवी कृत्य केल्याचे पीडित व्यक्तीने तक्रारीत म्हटले आहे. बंद खोलीत पोलिसांना अनेक कंडोम, नारळ तसेच नारळाच्या करवंट्या देखील आढळून आल्याचे विश्वसनीय सूत्रांनी सांगितले. दरम्यान, ही घटना घडून चार दिवस उलटून गेले असून अद्याप एकही आरोपी पोलिसांच्या हाती लागलेला नाही.
वाशीतील जागृतेश्वर तलावालगतच्या कांदळवनात ३६ वर्षीय व्यक्तीवर पाच तरुणांकडून सामूहिकरित्या अनैसर्गिक लैंगिक अत्याचाराच्या घटनेमुळे नवी मुंबईत खळबळ उडाली असताना, ही घटना सेक्टर ७ इथल्या कांदळवनातील निर्मनुष्य जागी घडली नसून ती सागर विहार इथल्या बंद घरात झाल्याचे पोलिस तपासात निष्पन्न झाले आहे.
या घटनेतील पीडित व्यक्ती तुर्भे सेक्टर २४ परिसरात राहणारी आहे. गेल्या सोमवारी सायंकाळी ७ वाजण्याच्या सुमारास वाशीतील जागृतेश्वर तलाव घाट क्र. दोन येथे गेलो असता त्याठिकाणी आलेल्या २५ ते ३० वयोगटातील पाच तरुणांनी जबरदस्तीने आपल्याला जागृतेश्वर तलाव घाटालगत कांदळवनाच्या झुडुपात जबरदस्ती नेऊन तेथे आपल्यावर अनैसर्गिक लैंगिक अत्याचार केल्याची तक्रार पीडित व्यक्तीने पोलिसांकडे केली होती. मात्र ज्या ठिकाणी ही घटना घडली त्या परिसरातील सीसीटीव्ही फुटेज पोलिसांनी तपासले असता घटना घडण्यापूर्वी अडीच तास अगोदर संबंधित व्यक्ती मोटारसायकलवर त्या ठिकाणी आली होती. त्यानुसार तपास केला असता, एका बंद घरात हे कृत्य झाल्याचे आढळून आले. त्या तरुणांनी आपल्या पार्श्वभागात जबरदस्तीने नारळाची अर्धवट करवंटी, कंडोम व इतर वस्तू टाकून अमानवी कृत्य केल्याचे पीडित व्यक्तीने तक्रारीत म्हटले आहे. बंद खोलीत पोलिसांना अनेक कंडोम, नारळ तसेच नारळाच्या करवंट्या देखील आढळून आल्याचे विश्वसनीय सूत्रांनी सांगितले. दरम्यान, ही घटना घडून चार दिवस उलटून गेले असून अद्याप एकही आरोपी पोलिसांच्या हाती लागलेला नाही.