म. टा. वृत्तसेवा, डोंबिवली
डोंबिवलीतील प्रख्यात वकील शामकांत ब्रह्मे यांचे वयाच्या ८०व्या वर्षी १० ऑक्टोबर रोजी अल्पशा आजाराने निधन झाले. त्यांनी ४० वर्षे उच्च न्यायालयात, ५६ वर्षे जिल्हा न्यायालयात वकिली केली होती.
कल्याण येथील बिर्ला कॉलेजात २० वर्षे कायदा विषयाचे अध्यापन करतानाच त्यांनी अनेक मान्यवर संस्थांसाठी कायदा सल्लागार म्हणून काम केले. डोंबिवलीतील ब्राह्मण सभा, श्री गणेश मंदिर संस्थान, ग्रीन्स इंग्लिश स्कूल व कल्याण अॅडव्होकेट वेल्फेअर फंड यांसारख्या संस्थासाठी त्यांनी भरीव योगदान दिले होते. गरीब अशिलांना न्याय मिळवून देण्यासाठी त्यांनी विनामूल्य त्यांची बाजू मांडत सेवादान केले. तल्लख बुद्धिमत्ता व सेवावृत्ती यामुळे लोकप्रिय असलेल्या शामकांत ब्रम्हे यांच्या जाण्याने एक मोठी पोकळी निर्माण झाल्याची भावना व्यक्त होत आहे.