अ‍ॅपशहर

शिंदे गटाच्या आमदारांना शिवसेनेकडून महिषासुराची उपमा, देवीकडे केली थेट ही मागणी

Shinde vs Thackeray :अंबादास दानवे यांनी ४० आमदारांना महिषासुराची उपमा देत या महिषासुरांचे मर्दन करावे अशी मागणी आपण देवीकडे केल्याची माहिती दिली. टेंभी नाका येथील या देवीच्या दर्शनाला मी पहिल्यांदाच आलो आहे. या ठाण्यातून गद्दारीचे पीक गेले आहे. शिवसेना पक्षप्रमुख उद्धव ठाकरे यांच्या नेतृत्वाखालील महाविकास आघाडी सरकाराच्या मंत्रिमंडळाने पाठवलेली बारा जणांची नावे जाहीर करण्यात राज्यपालांनी जाणीवपूर्वक वेळ काढला, असे दानवे म्हणाले.

Authored byसुनील तांबे | महाराष्ट्र टाइम्स.कॉम 29 Sep 2022, 12:24 am
ठाणे : मुख्यमंत्री एकनाथ शिंदे गट आणि उद्धव ठाकरे गटादरम्यान वाकयुद्ध सुरू असून विधानपरिषदेचे विरोधी पक्षनेते अंबादास दानवे यांनी शिंदे गटाच्या आमदारांवर सडकून टीका केली आहे. शिवसेनेचे दिवंगत नेते धर्मवीर आनंद दिघे यांनी सुरू केलेल्या ठाण्याच्या टेंभी नाका नवरात्री उत्सवात देवीचे दर्शन घेण्यासाठी आज विधान परिषदेचे विरोधी पक्षनेते अंबादास दानवे आले होते. यावेळी त्यांनी शिंदे सरकारवर सडकून टीका केली आहे. यावेळी दानवे यांनी शिंदे गटातील ४० आमदारांना महिषासुराची उपमा दिली. (danve likened the 40 mlas of the shinde group to mahishasura)
महाराष्ट्र टाइम्स.कॉम Shinde vs Danve
४० आमदारांना महिषासुराची उपमा


यावेळी बोलताना अंबादास दानवे यांनी ४० आमदारांना महिषासुराची उपमा देत या महिषासुरांचे मर्दन करावे अशी मागणी आपण देवीकडे केल्याची माहिती दिली. टेंभी नाका येथील या देवीच्या दर्शनाला मी पहिल्यांदाच आलो आहे. या ठाण्यातून गद्दारीचे पीक गेले आहे. शिवसेना पक्षप्रमुख उद्धव ठाकरे यांच्या नेतृत्वाखालील महाविकास आघाडी सरकाराच्या मंत्रिमंडळाने पाठवलेली बारा जणांची नावे जाहीर करण्यात राज्यपालांनी जाणीवपूर्वक वेळ काढला. त्यामुळे न्यायालयाने योग्य पाऊल उचलले असल्याचे वक्तव्य आंबादास दानवे यांनी आज ठाण्यात केले आहे.

खरी शिवसेना कोणाची हे जनतेने मागील तीन महिन्यात दाखवून दिले आहे. शिवसेनाप्रमुख दिवंगत बाळासाहेब ठाकरे यांचे विचार आणि उद्धव ठाकरे यांच्या नेतृत्वाला जनतेचा प्रतिसाद मिळत आहे, असं अंबादास दानवे म्हणाले. तसेच राज्यपाल नियुक्त बारा आमदारांच्या नियुक्तीला न्यायालयाने दिलेल्या स्थगितीबाबत त्यांना विचारले असता ते म्हणाले की न्यायलयाने योग्य पाऊल उचलले आहे.

महाविकास आघाडी सरकारच्या मंत्रीमंडळाने जी यादी दिली त्यावर निर्णय झाला नाही. त्याकरिता लोक न्यायालयातही गेले होते. ही यादी आधीच मंजूर व्हायला पाहिजे होती. मात्र आता आठ दिवसांत यादी बाहेर येते. याचा अर्थ त्यावेळी राज्यपालांनी अन्याय केला होता. हा अन्याय महाराष्ट्राची जनता आणि आम्हीही सहन करणार नाही असे दानवे यांनी म्हटले आहे.
लेखकाबद्दल
सुनील तांबे
सुनील तांबे हे महाराष्ट्र टाइम्स ऑनलाइनमध्ये प्रिन्सिपल कंटेट प्रोड्युसर म्हणून कार्यरत आहेत. त्यांनी सी न्यूज, ईटीव्ही मराठी वृत्तवाहिनी या वाहिन्यांमध्ये प्रतिनीधी आणि वरिष्ठ प्रतिनिधी म्हणून काम पाहिले आहे, तसेच मुंबई सकाळ या वृत्तपत्रात मंत्रालय प्रतिनिधी म्हणून काम पाहिले आहे. त्याच प्रमाणे आयबीएन लोकमत या वृत्तवाहिनीत असोसिएट एडिटर म्हणून आणि मी मराठी या वृत्त वाहिनीत असोसिएट एडिटर म्हणून काम पाहिले आहे. तसेच त्यांनी युवर स्टोरी या डिजिटल मीडियात वरिष्ठ कंटेट प्रोड्युसर म्हणूनही काम पाहिले आहे. सुनील तांबे हे २०१५ पासून महाराष्ट्र टाइम्स ऑनलाइनमध्ये आजतागायत कार्यरत आहेत. सुनील तांबे यांना इलेक्ट्रॉनिक, प्रिंट आणि डिजिटल मीडियात गेल्या २३ वर्षांपासून कार्यरत आहेत.... आणखी वाचा

महत्वाचे लेख