म. टा. वृत्तसेवा, डोंबिवली
डोंबिवलीतील विष्णुनगर आणि टिळकनगर पोलिस ठाण्याचे सोमवारी नव्या इमारतींमध्ये स्थलांतर करण्यात आले. मात्र या उद्घाटनाच्या वेळी सेना-भाजप वाद पुन्हा एकदा समोर आला. त्यामुळे सेना नेत्यांनी पोलिसांविरुद्धच निदर्शने केल्याची घटना घडली.
राज्यमंत्री रवींद्र चव्हाण यांच्या हस्ते या नव्या इमारतींचे उद्घाटन करण्यात आले. मात्र या कार्यक्रमाच्या पत्रिकेत शिवसेनेच्या नेत्यांची नावे टाकण्यात आली नसल्याने शिष्टाचाराचा भंग झाल्याचा आरोप करत शिवसेनेने पोलिसांविरोधात निदर्शने केली. केवळ भाजप नेत्यांचा पत्रिकेत समावेश करण्यात आला होता. त्यामुळे पोलिस राजकारण करत असून त्यांच्यावर भाजपचा दबाव असल्याचा थेट आरोप यावेळी शिवसेनेचे डोंबिवली शहरप्रमुख भाऊसाहेब चौधरी यांनी केला.
‘पक्षीय राजकारण करणाऱ्या पोलिसांचा धिक्कार असो,’ अशा घोषणा यावेळी शिवसेनेच्या नेत्यांनी दिल्या. सदानंद थरवळ, राजेश मोरे, भाऊ चौधरी यात सहभागी झाले होते. शिवसेना नेत्यांनी जागा उपलब्ध करून देण्यासाठी प्रयत्न केले असल्याने तसेच, अनेक बैठका घेऊन पाठपुरावा केला असल्याने त्यांचा समावेश कार्यक्रमपत्रिकेत केला जाईल, अशी शिवसेना नेत्यांची अपेक्षा होती. मात्र पोलिसांकडून पक्षीय भेदभाव करण्याची अपेक्षा नसल्याचे मत भाऊ चौधरी यांनी यावेळी व्यक्त केले.
डोंबिवलीतील विष्णुनगर आणि टिळकनगर पोलिस ठाण्याचे सोमवारी नव्या इमारतींमध्ये स्थलांतर करण्यात आले. मात्र या उद्घाटनाच्या वेळी सेना-भाजप वाद पुन्हा एकदा समोर आला. त्यामुळे सेना नेत्यांनी पोलिसांविरुद्धच निदर्शने केल्याची घटना घडली.
राज्यमंत्री रवींद्र चव्हाण यांच्या हस्ते या नव्या इमारतींचे उद्घाटन करण्यात आले. मात्र या कार्यक्रमाच्या पत्रिकेत शिवसेनेच्या नेत्यांची नावे टाकण्यात आली नसल्याने शिष्टाचाराचा भंग झाल्याचा आरोप करत शिवसेनेने पोलिसांविरोधात निदर्शने केली. केवळ भाजप नेत्यांचा पत्रिकेत समावेश करण्यात आला होता. त्यामुळे पोलिस राजकारण करत असून त्यांच्यावर भाजपचा दबाव असल्याचा थेट आरोप यावेळी शिवसेनेचे डोंबिवली शहरप्रमुख भाऊसाहेब चौधरी यांनी केला.
‘पक्षीय राजकारण करणाऱ्या पोलिसांचा धिक्कार असो,’ अशा घोषणा यावेळी शिवसेनेच्या नेत्यांनी दिल्या. सदानंद थरवळ, राजेश मोरे, भाऊ चौधरी यात सहभागी झाले होते. शिवसेना नेत्यांनी जागा उपलब्ध करून देण्यासाठी प्रयत्न केले असल्याने तसेच, अनेक बैठका घेऊन पाठपुरावा केला असल्याने त्यांचा समावेश कार्यक्रमपत्रिकेत केला जाईल, अशी शिवसेना नेत्यांची अपेक्षा होती. मात्र पोलिसांकडून पक्षीय भेदभाव करण्याची अपेक्षा नसल्याचे मत भाऊ चौधरी यांनी यावेळी व्यक्त केले.