म. टा. वृत्तसेवा, नवी मुंबई
ठाण्याचे खासदार राजन विचारे यांनी सानपाडामध्ये व्यायामशाळा उभारण्यासाठी ५० लाखांचा निधी दिला आहे. परंतु, स्थायी समितीच्या बैठकीमध्ये राष्ट्रवादी काँग्रेसच्या नगरसेवकांनी याविषयी नकारात्मक भूमिका घेऊन हा प्रस्ताव स्थगित केला. यामुळे संतप्त झालेल्या शिवसेना नगरसेवकांनी सत्ताधाऱ्यांचा निषेध करून स्थायी समितीच्या बैठकीतून सभात्याग केला.
नवी मुंबईतील नागरिकांना चांगल्या सुविधा मिळाव्यात, यासाठी ठाण्याचे खासदार राजन विचारे यांनी जास्तीत जास्त खासदार निधी वापरण्यास प्राधान्य दिले आहे. यापूर्वी त्यांनी रेल्वे प्रशासनाकडे पाठपुरावा करून सानपाडा दत्त मंदिरजवळ नवीन पादचारी पूल बांधून घेतला असून तो सद्यस्थितीत उद्घाटनाच्या प्रतीक्षेत आहे. खा. राजन विचारे यांनी रेल्वे प्रशासनाकडे पाठपुरावा करून जुईनगर रेल्वे वसाहतीमधील रखडलेली कामे देखील मार्गी लावली. तुर्भे व बेलापूरमधील रेल्वे क्रॉसिंगवर पूल बांधण्याचा प्रश्नही नुकताच मार्गी लावला आहे.
त्याच धर्तीवर विचारे यांनी सानपाडा येथील गावदेवी मैदानामध्ये अत्याधुनिक व्यायामशाळा उभारण्यासाठी ५० लाख रुपये खासदार निधी उपलब्ध करून दिला आहे. येथील मैदानामध्ये ८४ चौरस मीटर भूखंडावर व्यायामशाळा उभारण्याचा निर्णय प्रशासनाने घेतला. त्याविषयी प्रस्ताव तयार केला. महापालिका प्रशासनाने निविदा प्रक्रिया पूर्ण करून हा प्रस्ताव स्थायी समितीच्या मंजुरीसाठी बैठकीत मांडला होता. परंतु, स्थायी समितीत सत्ताधारी राष्ट्रवादी काँग्रेसच्या सदस्यांनी याविषयी नकारात्मक भूमिका मांडली.
राष्ट्रवादीचे सदस्य अशोक गुरखे यांनी सानपाडा येथील गावदेवी मैदानामध्ये जाऊन पाहणी केली पाहिजे, अशी भूमिका घेतली. याशिवाय या ठिकाणी कार्यरत असलेल्या फोर्टी प्लस संघाच्या पदाधिकाऱ्यांशी चर्चा करणे आवश्यक असून त्याअनुषंगाने इतरही संबंधित बाबी असल्याने हा प्रस्ताव स्थगित करण्याचा निर्णय घेतला.
व्यायामशाळा उभारणीच्या प्रस्तावास राष्ट्रवादीने अप्रत्यक्ष विरोध दर्शवल्यामुळे स्थायी समितीत शिवसेनेच्या सदस्यांनी तीव्र नाराजी व्यक्त केली. आतापर्यंत किती विकासकामांच्या ठिकाणी जाऊन पाहणी केली, असा प्रश्न यावेळी शिवसेना सदस्यांनी उपस्थित केला. जर राष्ट्रवादी मनमानी करणार असेल, तर आम्हाला सभात्याग करावा लागेल, अशी भूमिका घेत शिवसेना सदस्यांनी सभात्याग केला.
ठाण्याचे खासदार राजन विचारे यांनी सानपाडामध्ये व्यायामशाळा उभारण्यासाठी ५० लाखांचा निधी दिला आहे. परंतु, स्थायी समितीच्या बैठकीमध्ये राष्ट्रवादी काँग्रेसच्या नगरसेवकांनी याविषयी नकारात्मक भूमिका घेऊन हा प्रस्ताव स्थगित केला. यामुळे संतप्त झालेल्या शिवसेना नगरसेवकांनी सत्ताधाऱ्यांचा निषेध करून स्थायी समितीच्या बैठकीतून सभात्याग केला.
नवी मुंबईतील नागरिकांना चांगल्या सुविधा मिळाव्यात, यासाठी ठाण्याचे खासदार राजन विचारे यांनी जास्तीत जास्त खासदार निधी वापरण्यास प्राधान्य दिले आहे. यापूर्वी त्यांनी रेल्वे प्रशासनाकडे पाठपुरावा करून सानपाडा दत्त मंदिरजवळ नवीन पादचारी पूल बांधून घेतला असून तो सद्यस्थितीत उद्घाटनाच्या प्रतीक्षेत आहे. खा. राजन विचारे यांनी रेल्वे प्रशासनाकडे पाठपुरावा करून जुईनगर रेल्वे वसाहतीमधील रखडलेली कामे देखील मार्गी लावली. तुर्भे व बेलापूरमधील रेल्वे क्रॉसिंगवर पूल बांधण्याचा प्रश्नही नुकताच मार्गी लावला आहे.
त्याच धर्तीवर विचारे यांनी सानपाडा येथील गावदेवी मैदानामध्ये अत्याधुनिक व्यायामशाळा उभारण्यासाठी ५० लाख रुपये खासदार निधी उपलब्ध करून दिला आहे. येथील मैदानामध्ये ८४ चौरस मीटर भूखंडावर व्यायामशाळा उभारण्याचा निर्णय प्रशासनाने घेतला. त्याविषयी प्रस्ताव तयार केला. महापालिका प्रशासनाने निविदा प्रक्रिया पूर्ण करून हा प्रस्ताव स्थायी समितीच्या मंजुरीसाठी बैठकीत मांडला होता. परंतु, स्थायी समितीत सत्ताधारी राष्ट्रवादी काँग्रेसच्या सदस्यांनी याविषयी नकारात्मक भूमिका मांडली.
राष्ट्रवादीचे सदस्य अशोक गुरखे यांनी सानपाडा येथील गावदेवी मैदानामध्ये जाऊन पाहणी केली पाहिजे, अशी भूमिका घेतली. याशिवाय या ठिकाणी कार्यरत असलेल्या फोर्टी प्लस संघाच्या पदाधिकाऱ्यांशी चर्चा करणे आवश्यक असून त्याअनुषंगाने इतरही संबंधित बाबी असल्याने हा प्रस्ताव स्थगित करण्याचा निर्णय घेतला.
व्यायामशाळा उभारणीच्या प्रस्तावास राष्ट्रवादीने अप्रत्यक्ष विरोध दर्शवल्यामुळे स्थायी समितीत शिवसेनेच्या सदस्यांनी तीव्र नाराजी व्यक्त केली. आतापर्यंत किती विकासकामांच्या ठिकाणी जाऊन पाहणी केली, असा प्रश्न यावेळी शिवसेना सदस्यांनी उपस्थित केला. जर राष्ट्रवादी मनमानी करणार असेल, तर आम्हाला सभात्याग करावा लागेल, अशी भूमिका घेत शिवसेना सदस्यांनी सभात्याग केला.