ठाणे:
वाहतूक पोलिसांना शिवीगाळ आणि धक्काबुक्कीचे प्रकार सुरूच असून असा एक प्रकार ठाण्यातील तीनहात नाका येथे घडला आहे. सिग्नल तोडून निघालेल्या कारचालकाला थांबवले म्हणून कारचालकाने गोंधळ घालत सरकारी कामात अडथळा आणला असून याप्रकरणी कारचालकाला अटक करण्यात आले आहे. तसेच कारचालकाने स्वत:च्या जिवाचे बरेवाईट करण्याची धमकी दिली आहे.
वाहतूक शाखेतील पोलिस नाईक संतोष निवतकर (४६) सोमवारी तीनहात नाका याठिकाणी कार्यरत होते. सोबत ट्रॅफिक वॉर्डनही होते. सकाळी ११ वाजता एका कारने सिग्नल तोडला आणि ही कार ठाणे स्टेशनच्या दिशेने भरधाव वेगात जात होती. ट्रॅफिक वॉर्डनने ही कार थांबवल्यानंतर कारचालकाने वॉर्डनशी हुज्जत घालण्यास सुरुवात केली. त्यामुळे निवतकर यांनी धाव घेत कारचालकाला समजवण्याचा प्रयत्न केला. मात्र कारचालक शिवीगाळ करत आरडाओरडा करू लागला. परवाना मागूनही दिले नाही. त्यामुळे वाहतूक पोलिसांनी कारचालकाला गाडीतून खाली उतरवल्याने त्याने अंगावर धावून जात निवतकर यांना धक्का दिला. नंतर या चालकाला वाहतूक शाखेच्या कार्यालयात आणूनही या कारचालकाचा गोंधळ थांबला नव्हता. अखेर नौपाडा पोलिस पोलिस ठाण्यात माहिती दिल्यानंतर बीट मार्शल यांनी धाव घेत कारचालकाला ताब्यात घेतले आणि पोलिस ठाण्यात आणले. अनिश आण्णासाहेब पाटील (२७ रा. दहिसर) असे या कारचालकाचे नाव असून निवतकर यांच्या तक्रारीनंतर पाटील याच्याविरुद्ध नौपाडा पोलिस ठाण्यात गुन्हा दाखल करण्यात आला आहे. तसेच त्याला तत्काळ अटकही करण्यात आले आहे.
वाहतूक पोलिसांना शिवीगाळ आणि धक्काबुक्कीचे प्रकार सुरूच असून असा एक प्रकार ठाण्यातील तीनहात नाका येथे घडला आहे. सिग्नल तोडून निघालेल्या कारचालकाला थांबवले म्हणून कारचालकाने गोंधळ घालत सरकारी कामात अडथळा आणला असून याप्रकरणी कारचालकाला अटक करण्यात आले आहे. तसेच कारचालकाने स्वत:च्या जिवाचे बरेवाईट करण्याची धमकी दिली आहे.
वाहतूक शाखेतील पोलिस नाईक संतोष निवतकर (४६) सोमवारी तीनहात नाका याठिकाणी कार्यरत होते. सोबत ट्रॅफिक वॉर्डनही होते. सकाळी ११ वाजता एका कारने सिग्नल तोडला आणि ही कार ठाणे स्टेशनच्या दिशेने भरधाव वेगात जात होती. ट्रॅफिक वॉर्डनने ही कार थांबवल्यानंतर कारचालकाने वॉर्डनशी हुज्जत घालण्यास सुरुवात केली. त्यामुळे निवतकर यांनी धाव घेत कारचालकाला समजवण्याचा प्रयत्न केला. मात्र कारचालक शिवीगाळ करत आरडाओरडा करू लागला. परवाना मागूनही दिले नाही. त्यामुळे वाहतूक पोलिसांनी कारचालकाला गाडीतून खाली उतरवल्याने त्याने अंगावर धावून जात निवतकर यांना धक्का दिला. नंतर या चालकाला वाहतूक शाखेच्या कार्यालयात आणूनही या कारचालकाचा गोंधळ थांबला नव्हता. अखेर नौपाडा पोलिस पोलिस ठाण्यात माहिती दिल्यानंतर बीट मार्शल यांनी धाव घेत कारचालकाला ताब्यात घेतले आणि पोलिस ठाण्यात आणले. अनिश आण्णासाहेब पाटील (२७ रा. दहिसर) असे या कारचालकाचे नाव असून निवतकर यांच्या तक्रारीनंतर पाटील याच्याविरुद्ध नौपाडा पोलिस ठाण्यात गुन्हा दाखल करण्यात आला आहे. तसेच त्याला तत्काळ अटकही करण्यात आले आहे.