म. टा. वृत्तसेवा, ठाणे
मोठ्याने हाका मारल्याने मोबाइलवर बोलण्यास अडथळा निर्माण झाल्याच्या रागातून तरुणाने लाकडी बॅटने केलेल्या मारहाणीत एकाचा मृत्यू झाल्याची घटना भिवंडीत घडली. पोलिसांनी आरोपीला अटक केली आहे. नारपोली पोलिस ठाण्यात हत्येचा गुन्हा दाखल करण्यात आला आहे.
नारपोली येथील कैलासनगर झोपडपट्टीत संजय राठोड राहत असून १० मे रोजी तो आणि एक महिला असे दोघेजण घरात मद्यप्राशन करत बसले होते. त्यावेळी आरोपी आशिषकुमार जयस्वार (२५) हा त्याठिकाणी आला आणि गप्पा मारत बसला. मद्यप्राशनानंतर संजय दुपारी अडीच वाजता घरासमोरील दगडावर जाऊन बसला आणि एका लहान मुलाला मोठ्याने हाका मारून बोलावत होता. त्यावेळी मुलाला तू तुझ्या घरात घेऊन जा. मला पत्नीसोबत मोबाइलवर बोलायचे असल्याचे आशिषकुमार संजयला म्हणाला. याच रागातून संजयने त्याला शिवीगाळ केली. त्यावेळी घरातून बाहेर आलेल्या महिलेने देखील शिवीगाळ केली. तसेच या महिलेने आशिषकुमारला बॅटने डोक्यावर, पायावर मारहाण केली. मात्र तिच्या हातातून बॅट हिसकावून घेत आशिषकुमारने बॅटने संजयवर हल्ला केला. डोक्यात बॅट मारल्याने संजय खाली दगडावर पडून बेशुद्ध झाला. आशिषने त्याला जवळच्या रुग्णालयात उपचारासाठी नेले. नंतर सायन रुग्णालयात हलवण्यात आले. परंतु त्याठिकाणी उपचारादरम्यान संजयचा मृत्यू झाला.
मोठ्याने हाका मारल्याने मोबाइलवर बोलण्यास अडथळा निर्माण झाल्याच्या रागातून तरुणाने लाकडी बॅटने केलेल्या मारहाणीत एकाचा मृत्यू झाल्याची घटना भिवंडीत घडली. पोलिसांनी आरोपीला अटक केली आहे. नारपोली पोलिस ठाण्यात हत्येचा गुन्हा दाखल करण्यात आला आहे.
नारपोली येथील कैलासनगर झोपडपट्टीत संजय राठोड राहत असून १० मे रोजी तो आणि एक महिला असे दोघेजण घरात मद्यप्राशन करत बसले होते. त्यावेळी आरोपी आशिषकुमार जयस्वार (२५) हा त्याठिकाणी आला आणि गप्पा मारत बसला. मद्यप्राशनानंतर संजय दुपारी अडीच वाजता घरासमोरील दगडावर जाऊन बसला आणि एका लहान मुलाला मोठ्याने हाका मारून बोलावत होता. त्यावेळी मुलाला तू तुझ्या घरात घेऊन जा. मला पत्नीसोबत मोबाइलवर बोलायचे असल्याचे आशिषकुमार संजयला म्हणाला. याच रागातून संजयने त्याला शिवीगाळ केली. त्यावेळी घरातून बाहेर आलेल्या महिलेने देखील शिवीगाळ केली. तसेच या महिलेने आशिषकुमारला बॅटने डोक्यावर, पायावर मारहाण केली. मात्र तिच्या हातातून बॅट हिसकावून घेत आशिषकुमारने बॅटने संजयवर हल्ला केला. डोक्यात बॅट मारल्याने संजय खाली दगडावर पडून बेशुद्ध झाला. आशिषने त्याला जवळच्या रुग्णालयात उपचारासाठी नेले. नंतर सायन रुग्णालयात हलवण्यात आले. परंतु त्याठिकाणी उपचारादरम्यान संजयचा मृत्यू झाला.