प्रसिद्ध गायक आनंद शिंदे रुग्णालयात

मटा ऑनलाइन वृत्त । ठाणे

छातीत दुखू लागल्याच्या तक्रारीनंतर प्रसिद्ध मराठी गायक आनंद शिंदे यांना कल्याण येथील फोर्टिस रुग्णालयात दाखल करण्यात आलं आहे.

शिंदे यांच्या हृदयाला रक्तपुरवठा करणाऱ्या रक्तवाहिन्यांमध्ये चार ब्लॉकेज असल्याचं वैद्यकीय तपासणीत आढळून आलं आहे. पुढील उपचारांसाठी आज त्यांना मुंबईतील हिंदुजा रुग्णालयात हलवण्यात येणार असून त्यांच्यावर बायपास शस्त्रक्रिया होण्याची शक्यता आहे.

आनंद शिंदे यांचा मुलगा उत्कर्ष याचं लग्न ठरलं असून लग्नासाठी उद्याची तारीख निश्चित करण्यात आली आहे.