म. टा. प्रतिनिधी, ठाणे
पं. अरुण कशाळकर आणि पं. बबनराव हळदणकर यांच्या शिष्या स्मिता वाघ यांचा सुश्राव्य शास्त्रीय संगीताचा कार्यक्रम आज, शनिवारी ठाण्यात होणार आहे. त्यामुळे या संगीत संध्येचा आस्वाद घेण्याची संधी ठाणेकरांना मिळणार आहे.
स्मिता वाघ आगरा घराण्याच्या गायिका असून शास्त्रशुद्ध गाण्याचा तसेच रागांची शुद्धता जपण्याचा त्यांचा कायम आग्रह असतो. लयकारी व तालाला धरून गायन करण्यास त्या सर्वोच्च प्राधान्य देतात. ठाणे व कळवा येथील संगीतप्रेमी मंडळ यांच्या वतीने स्मिता वाघ यांच्या शास्त्रीय संगीताचा कार्यक्रम शनिवारी ठाण्यातील घंटाळी येथील सहयोग मंदिर सभागृहात सायंकाळी सहा वाजता होणार आहे.
यावेळी स्मिता वाघ यांना प्रकाश चिटणीस यांची हार्मोनियमवर किशोर तेलवणे यांची तबल्यावर साथ लाभणार आहे. शास्त्रीय संगीताचे कार्यक्रम आयोजित करणारे संगीतप्रेमी मंडळ ही संस्था पुढील वर्षी जानेवारी महिन्यात त्यांचा ५०वा वर्धापनदिन साजरा करणार आहे.
पं. अरुण कशाळकर आणि पं. बबनराव हळदणकर यांच्या शिष्या स्मिता वाघ यांचा सुश्राव्य शास्त्रीय संगीताचा कार्यक्रम आज, शनिवारी ठाण्यात होणार आहे. त्यामुळे या संगीत संध्येचा आस्वाद घेण्याची संधी ठाणेकरांना मिळणार आहे.
स्मिता वाघ आगरा घराण्याच्या गायिका असून शास्त्रशुद्ध गाण्याचा तसेच रागांची शुद्धता जपण्याचा त्यांचा कायम आग्रह असतो. लयकारी व तालाला धरून गायन करण्यास त्या सर्वोच्च प्राधान्य देतात. ठाणे व कळवा येथील संगीतप्रेमी मंडळ यांच्या वतीने स्मिता वाघ यांच्या शास्त्रीय संगीताचा कार्यक्रम शनिवारी ठाण्यातील घंटाळी येथील सहयोग मंदिर सभागृहात सायंकाळी सहा वाजता होणार आहे.
यावेळी स्मिता वाघ यांना प्रकाश चिटणीस यांची हार्मोनियमवर किशोर तेलवणे यांची तबल्यावर साथ लाभणार आहे. शास्त्रीय संगीताचे कार्यक्रम आयोजित करणारे संगीतप्रेमी मंडळ ही संस्था पुढील वर्षी जानेवारी महिन्यात त्यांचा ५०वा वर्धापनदिन साजरा करणार आहे.