मटा ऑनलाइन वृत्त । ठाणे
प्रसिद्ध अभिनेत्री, दिवंगत नूतन यांच्या मुंब्रा येथील बंगल्यावर दरोडा टाकून लुटमार करणाऱ्या ६ दरोडेखोरांना अटक करण्यात पोलिसांना यश आलं आहे. नूतन यांच्या बंगल्यात दरोडा टाकल्याचंही या दरोडेखोरांनी कबूल केलं आहे.
मुंब्र्याच्या पारसिक नगरातील डोंगरावर दिवंगत अभिनेत्री नूतन यांचा बंगला आहे. गुरूवारी पहाटे सहा दरोडेखोर या बंगल्यात घुसले होते. धारदार चाकू आणि तलवारी नाचवत आलेल्या या दरोडेखोरांनी शस्त्राच्या धाकाने बंगल्याच्या तिन्ही सुरक्षारक्षकांचे हातपाय बांधले होते. त्यानंतर या सहाही जणांनी बंगल्यातील प्राचीन मूर्ती, तलवार आणि अन्य सामान घेऊन पळ काढला होता. त्यानंतर सुरक्षारक्षकांचे व्यवस्थापक कैलास निंबोलकर यांनी याप्रकरणी मुंब्रा पोलिसांत गुन्हा दाखल केला होता. वरिष्ठ पोलीस निरीक्षक रवींद्र तायडे यांच्या मार्गदर्शनाखाली पोलिसांनी तपास करत सुरेश सिंह, उदय झा, चंदन सिंह, चंदन पटवा आणि जीतू रामसहित एका अल्पवयीन मुलाच्या मुसक्या आवळलल्या.
पकडलेल्या या सहाही आरोपींनी चोरी केल्याचं कबूल केलं आहे. पोलिसांनी ४९ हजार रूपये किंमतीची मौल्यावान प्राचीन मूर्ती आणि तलवार जप्त केली आहे. पकडण्यात आलेले सर्व आरोपी हे कळव्यातीलच राहणारे असून मौजमजा करण्यासाठी ते लुटमार करत होते असे तपासात उघड झाले आहे. नूतन यांचा हा बंगला खूप जुना असून नूतन यांचा मुलगा आणि अभिनेता मोहनीश बहल त्यांच्या कुटुंबियासोबत येथे वरचेवर वास्तव्याला येत असल्याचं पोलिसांनी सांगितलं.
प्रसिद्ध अभिनेत्री, दिवंगत नूतन यांच्या मुंब्रा येथील बंगल्यावर दरोडा टाकून लुटमार करणाऱ्या ६ दरोडेखोरांना अटक करण्यात पोलिसांना यश आलं आहे. नूतन यांच्या बंगल्यात दरोडा टाकल्याचंही या दरोडेखोरांनी कबूल केलं आहे.
मुंब्र्याच्या पारसिक नगरातील डोंगरावर दिवंगत अभिनेत्री नूतन यांचा बंगला आहे. गुरूवारी पहाटे सहा दरोडेखोर या बंगल्यात घुसले होते. धारदार चाकू आणि तलवारी नाचवत आलेल्या या दरोडेखोरांनी शस्त्राच्या धाकाने बंगल्याच्या तिन्ही सुरक्षारक्षकांचे हातपाय बांधले होते. त्यानंतर या सहाही जणांनी बंगल्यातील प्राचीन मूर्ती, तलवार आणि अन्य सामान घेऊन पळ काढला होता. त्यानंतर सुरक्षारक्षकांचे व्यवस्थापक कैलास निंबोलकर यांनी याप्रकरणी मुंब्रा पोलिसांत गुन्हा दाखल केला होता. वरिष्ठ पोलीस निरीक्षक रवींद्र तायडे यांच्या मार्गदर्शनाखाली पोलिसांनी तपास करत सुरेश सिंह, उदय झा, चंदन सिंह, चंदन पटवा आणि जीतू रामसहित एका अल्पवयीन मुलाच्या मुसक्या आवळलल्या.
पकडलेल्या या सहाही आरोपींनी चोरी केल्याचं कबूल केलं आहे. पोलिसांनी ४९ हजार रूपये किंमतीची मौल्यावान प्राचीन मूर्ती आणि तलवार जप्त केली आहे. पकडण्यात आलेले सर्व आरोपी हे कळव्यातीलच राहणारे असून मौजमजा करण्यासाठी ते लुटमार करत होते असे तपासात उघड झाले आहे. नूतन यांचा हा बंगला खूप जुना असून नूतन यांचा मुलगा आणि अभिनेता मोहनीश बहल त्यांच्या कुटुंबियासोबत येथे वरचेवर वास्तव्याला येत असल्याचं पोलिसांनी सांगितलं.