पालिका क्षेत्रात धूरफवारणीला वेग
म. टा. वृत्तसेवा, कल्याण
कल्याण-डोंबिवली महापालिकेच्या प्रभाग क्षेत्र अधिकारी श्वेता सिंगासने यांचा डेंग्यूमुळे मृत्यू झाल्याची घटना घडताच पालिका प्रशासन खडबडून जागे झाले आहे. शहरात सकाळपासूनच धूर आणि औषध फवारणीच्या कामांना वेग आला आहे.
मागील काही दिवसांत सुरू असलेल्या मुसळधार पावसामुळे साचलेल्या पाण्यावर डेंग्यू आणि मलेरियाच्या डासांची पैदास होण्याची शक्यता गृहीत धरून आरोग्य विभागाकडून या आजाराबाबत जनजागृती सुरू आहे. पालिकेच्या घनकचरा विभागातील कर्मचाऱ्यांनादेखील धूर आणि औषध फवारणी वाढवण्याचे आदेश देण्यात आले आहेत. तरी शहरातील कचरा नियमित उचलला जात नसल्यामुळे कचराकुंड्यांभोवती डासांची मोठ्या प्रमाणात पैदास होत आहे. लोकप्रतिनिधी आणि नागरिक कचऱ्याची समस्या सोडवण्यासोबत औषध फवारणीसाठी वारंवार पाठपुरावा करत असतानाही याकडे प्रशासनाकडून दुर्लक्ष होत आहे. मात्र शुक्रवारी पालिकेच्या फ प्रभागक्षेत्र अधिकारी श्वेता सिंगासने यांचा डेंग्यूने मृत्यू झाल्यानंतर पालिका प्रशासन खडबडून जागे झाले. सकाळपासून सर्वच प्रभागात धूर आणि औषध फवारणी सुरू करण्यात आली आहे. शहरातील कचराकुंड्या साफ करून त्याभोवतीही औषध फवारणी करण्यात आली. शहरातील धूर आणि औषध फवारणीकडे विशेष लक्ष देण्याचे आदेश पालिका आयुक्तांकडून देण्यात आले असले, तरी पावसाळ्यात ज्याप्रमाणे धूर आणि औषध फवारणी केली जाते, त्याप्रमाणे काम सुरू असल्याचे स्पष्टीकरण कर्मचाऱ्यांकडून दिले जात आहे.
दरम्यान, डेंग्यू आणि मलेरियाच्या रुग्णांत मोठी वाढ झाली असून या रुग्णांवर पालिकेच्या रुग्णालयाबरोबरच खासगी रुग्णालयांत उपचार सुरू आहेत. मात्र या रुग्णांची अधिकृत आकडेवारी उपलब्ध होऊ शकलेली नाही.
म. टा. वृत्तसेवा, कल्याण
कल्याण-डोंबिवली महापालिकेच्या प्रभाग क्षेत्र अधिकारी श्वेता सिंगासने यांचा डेंग्यूमुळे मृत्यू झाल्याची घटना घडताच पालिका प्रशासन खडबडून जागे झाले आहे. शहरात सकाळपासूनच धूर आणि औषध फवारणीच्या कामांना वेग आला आहे.
मागील काही दिवसांत सुरू असलेल्या मुसळधार पावसामुळे साचलेल्या पाण्यावर डेंग्यू आणि मलेरियाच्या डासांची पैदास होण्याची शक्यता गृहीत धरून आरोग्य विभागाकडून या आजाराबाबत जनजागृती सुरू आहे. पालिकेच्या घनकचरा विभागातील कर्मचाऱ्यांनादेखील धूर आणि औषध फवारणी वाढवण्याचे आदेश देण्यात आले आहेत. तरी शहरातील कचरा नियमित उचलला जात नसल्यामुळे कचराकुंड्यांभोवती डासांची मोठ्या प्रमाणात पैदास होत आहे. लोकप्रतिनिधी आणि नागरिक कचऱ्याची समस्या सोडवण्यासोबत औषध फवारणीसाठी वारंवार पाठपुरावा करत असतानाही याकडे प्रशासनाकडून दुर्लक्ष होत आहे. मात्र शुक्रवारी पालिकेच्या फ प्रभागक्षेत्र अधिकारी श्वेता सिंगासने यांचा डेंग्यूने मृत्यू झाल्यानंतर पालिका प्रशासन खडबडून जागे झाले. सकाळपासून सर्वच प्रभागात धूर आणि औषध फवारणी सुरू करण्यात आली आहे. शहरातील कचराकुंड्या साफ करून त्याभोवतीही औषध फवारणी करण्यात आली. शहरातील धूर आणि औषध फवारणीकडे विशेष लक्ष देण्याचे आदेश पालिका आयुक्तांकडून देण्यात आले असले, तरी पावसाळ्यात ज्याप्रमाणे धूर आणि औषध फवारणी केली जाते, त्याप्रमाणे काम सुरू असल्याचे स्पष्टीकरण कर्मचाऱ्यांकडून दिले जात आहे.
दरम्यान, डेंग्यू आणि मलेरियाच्या रुग्णांत मोठी वाढ झाली असून या रुग्णांवर पालिकेच्या रुग्णालयाबरोबरच खासगी रुग्णालयांत उपचार सुरू आहेत. मात्र या रुग्णांची अधिकृत आकडेवारी उपलब्ध होऊ शकलेली नाही.