म. टा. वृत्तसेवा, उल्हासनगर
उल्हासनगर येथे रस्त्यावर आढळलेला एक घोणस जातीचा सर्प कुठल्याही प्रशिक्षण आणि साहित्याअभावी पकडणे एका तरुणाच्या अंगलट आले आहे. सर्पाला पकडताना सर्पाने या तरुणाला दंश केल्याची घटना घडली. सर्प पकडताना आणि दंश झाल्याचा व्हिडीओ सोशल मीडियावर व्हायरल झाला आहे. या तरुणाची प्रकृती चिंताजनक असून त्याला उपचारासाठी मुंबई येथील रुग्णालयामध्ये पाठवण्यात आले आहे.
गेल्या काही दिवसांपासून मानवी वस्तीत सापांचा उपद्रव वाढू लागला आहे. त्यात सध्या सोशल मीडियावर आपण केलेल्या कारनाम्यांचे व्हिडीओ व्हायरल करण्याचा नवीन छंद तरुणांमध्ये पाहायला मिळत आहे. शहरी भागात सर्प निघण्याचे प्रमाण वाढत असल्याने, सर्पमित्रांची संख्याही वाढत चालली आहे. मात्र अनेकदा सर्प पकडण्याचा कुठलाही अनुभव आणि साहित्य नसताना अनेक तरुण सर्प पकडण्याचा प्रयत्न करत असतात. उल्हासनगर येथील शांती नगर भागात काही तरुण रात्रीच्या वेळी एक घोणस जातीचा रस्त्यावर फिरत असणारा सर्प पकडण्याचा प्रयत्न करत असलेला व्हिडीओ सोशल मीडियावर व्हायरल झाला आहे. या व्हिडीओमध्ये एक तरुण चुकीच्या पद्धतीने आणि कुठल्याही साहित्याचा वापर न करता सर्प पकडत असताना अचानक त्या सर्पाने या तरुणाला दंश केल्याचा क्षण व्हिडीओत दिसत आहे. शांतीनगर भागात राहणाऱ्या २१ वर्षीय या तरुणाचे नाव अतुल कहार असे आहे. त्याच्या डाव्या हाताला सर्पाने दंश केला आहे. अतुलला सर्प पकडण्याचा कुठलाही अनुभव नसताना त्यांनी हा प्रयत्न केल्याचे सर्पमित्रांनी सांगितले. सर्पदंशानंतर त्याला तात्काळ उल्हासनगर येथील सेन्ट्रल रुग्णालयामध्ये उपचारासाठी दाखल करण्यात आले होते. मात्र त्याची प्रकृती चिंताजनक झाल्याने त्याचा पुढील उपचारासाठी मुंबई येथील रुग्णालयामध्ये दाखल करण्यात आले आहे.
उल्हासनगर येथे रस्त्यावर आढळलेला एक घोणस जातीचा सर्प कुठल्याही प्रशिक्षण आणि साहित्याअभावी पकडणे एका तरुणाच्या अंगलट आले आहे. सर्पाला पकडताना सर्पाने या तरुणाला दंश केल्याची घटना घडली. सर्प पकडताना आणि दंश झाल्याचा व्हिडीओ सोशल मीडियावर व्हायरल झाला आहे. या तरुणाची प्रकृती चिंताजनक असून त्याला उपचारासाठी मुंबई येथील रुग्णालयामध्ये पाठवण्यात आले आहे.
गेल्या काही दिवसांपासून मानवी वस्तीत सापांचा उपद्रव वाढू लागला आहे. त्यात सध्या सोशल मीडियावर आपण केलेल्या कारनाम्यांचे व्हिडीओ व्हायरल करण्याचा नवीन छंद तरुणांमध्ये पाहायला मिळत आहे. शहरी भागात सर्प निघण्याचे प्रमाण वाढत असल्याने, सर्पमित्रांची संख्याही वाढत चालली आहे. मात्र अनेकदा सर्प पकडण्याचा कुठलाही अनुभव आणि साहित्य नसताना अनेक तरुण सर्प पकडण्याचा प्रयत्न करत असतात. उल्हासनगर येथील शांती नगर भागात काही तरुण रात्रीच्या वेळी एक घोणस जातीचा रस्त्यावर फिरत असणारा सर्प पकडण्याचा प्रयत्न करत असलेला व्हिडीओ सोशल मीडियावर व्हायरल झाला आहे. या व्हिडीओमध्ये एक तरुण चुकीच्या पद्धतीने आणि कुठल्याही साहित्याचा वापर न करता सर्प पकडत असताना अचानक त्या सर्पाने या तरुणाला दंश केल्याचा क्षण व्हिडीओत दिसत आहे. शांतीनगर भागात राहणाऱ्या २१ वर्षीय या तरुणाचे नाव अतुल कहार असे आहे. त्याच्या डाव्या हाताला सर्पाने दंश केला आहे. अतुलला सर्प पकडण्याचा कुठलाही अनुभव नसताना त्यांनी हा प्रयत्न केल्याचे सर्पमित्रांनी सांगितले. सर्पदंशानंतर त्याला तात्काळ उल्हासनगर येथील सेन्ट्रल रुग्णालयामध्ये उपचारासाठी दाखल करण्यात आले होते. मात्र त्याची प्रकृती चिंताजनक झाल्याने त्याचा पुढील उपचारासाठी मुंबई येथील रुग्णालयामध्ये दाखल करण्यात आले आहे.